Njé gə́ Rɔmə 12:19 - Maktub gə́ To gə Kəmee

¹⁹ Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Njé gə́ Rɔmə 12:19 ပူးပေါင်းရင်းမြစ်များ

Gosota-Kəmkàrje 20:22

Maji kari pana: M’a ra səa majel godə maree’g bèe el, Unda məəi yel dɔ Njesigənea̰’g ndá Yeḛ nja a kilai tar ɓəi.

Gosota-Kəmkàrje 24:29

Maji kari pana: M’a ra səa to gə́ yeḛ ra səm-ma bèe lé el, M’a kuga nana kara gə goo kula rəa-rəa.

Jeremi 51:36

Gelee gə́ nee ɓa Njesigənea̰ pa ne ta togə́bè pana: Aa ooje, m’a kaḭ rɔ mbata lə sí ləm, M’a dal ba̰ lə sí ləm tɔ! M’a kar baa-boo-kad gə́ Babilɔn Tudu kurum-kurum ləm, M’a kar ŋgira mán ləa yi tə-tə ləm tɔ.

Ejekel 25:12

Mbaidɔmbaije gə́ Njesigənea̰ pa togə́bè pana: Mbata né gə́ Edɔmje ra loo gə́ d’ula rɔ dee mbiriri loo-dalba̰’g gə gel-bɔje lə Juda ləm, mbata ta gə́ d’aree wa dɔ dee gə goo ba̰ gə́ deḛ ra sə dee ləm tɔ lé,

Ləbije 19:18

Seḭ a dalje ba̰ lə sí el ləm, seḭ a kwaje gə oŋg lə sí gə́ kédé-kédé dɔ ŋgan meḛ dəwje’g lə sí el ləm tɔ. Seḭ a kundaje mar síje dan kəm sí’g to gə́ seḭ raje ne gə darɔ sí bèe ya. Ma m’to Njesigənea̰.

Matiyo 5:39

Nɛ ma nja m’ula sí, ɔsje njemeeyèr rəw el. Ta gə́ kɔl ɓa nee: Ɓó lé mari unda mbɔri gə́ dɔkɔl ndá tel mbɔri gə́ dɔgel ila aree unda tɔ.

Njé gə́ Rɔmə 12:14

Deḛ gə́ d’ula kəm sí ndòo lé tɔrje ndu sí dɔ dee’g gə́ tɔr ɓó ɔrje sə dee el.

Njé gə́ Rɔmə 12:17

Deḛ gə́ ra sə sí né gə́ majel lé tel raje sə dee majel kəm maree’g el. Saŋje rəw né gə́ maji gə mba ra no̰ dəwje’g lai.

Njé gə́ Rɔmə 13:4

Mbata njeko̰ɓee lé to kura lə Ala mba kari si ne dan maji’g. Nɛ ɓó lé i ra majel ndá ar ndili ndəb jər dɔ’g ya, mbata yeḛ aw gə kiambas gə́ sḭ el, yeḛ to kura lə Ala gə mba riba dɔ dalba̰ ləa ləm, gə mba kar bo̰ néra majel lə njeramajel lé ɔs təa’g ləm tɔ.

Njé gə́ Epesə 4:27

Arje njekurai oo loo kuba rɔ sí ndag el.

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

2 Timote 4:14

Aleja̰drə gə́ to gə́ njekɔr lé ra səm majel yaa̰. Mbaidɔmbaije a kogá gə goo nérea ya.

Ǝbrəje 10:30

Mbata yeḛ gə́ pana: Dal ba̰ to kama, ma ɓa m’a dal bea̰ lé jeḛ n’gəree gao ya. Tɔɓəi yeḛ pana: Mbaidɔmbaije a gaŋg-rəwta dɔ koso-dəwje’g ləa.

1 Samel 25:26

Ɓasinè mbai ləm, tɔgərɔ ya, Njesigənea̰ si kəmba ləm, i kara si kəmba ya ləm tɔ ndá to Njesigənea̰ ɓa wa jii ɔgi ne dɔ kila məs’g ya. Bèe ndá maji kar njéba̰je ləi gə deḛ gə́ saŋg loo ra majel gə mbai ləm lé tel to to gə́ Nabal bèe ya tɔ.

1 Samel 25:33

Maji kar dɔ gosɔkəmkàr ləi ai səgərə ləm, i kara maji kar dɔi ai səgərə ya ləm tɔ mbata i ɓa ɓogənè wa jim ɔgm ne loo kila məs ya.

1 Samel 26:10

Dabid pana: Njesigənea̰ si kəmba ya! Ndá to ta lə Njesigənea̰ ya kára ba gə mba ra səa né ya, banelə ndɔ ləa a kas ndá a kwəi əsé a kaw loo-rɔ’g ɓa a kwəi keneŋ ɓəi.

1 Samel 26:11

Wah! Ma ɓa yḛ̀, maji kar Njesigənea̰ ɔgm loo kun jim kɔrɔ ne rɔ yeḛ gə́ Njesigənea̰ wa dəa gə́ ubu lé! Nɛ maji kari un ko̰-niŋga ləa gə́ to mbɔr négəd dəa’g ləm, gə ku-gwɔb-mán ləa ləm tɔ ndá ar sí j’ɔd j’awje.