Njé gə́ Rɔmə 12:18 - Maktub gə́ To gə Kəmee

¹⁸ Ɓó lé ooje lée gə́ kəm ra ndá sije lɔm mbuna dəwje’g lai.

Njé gə́ Rɔmə 12:18 ပူးပေါင်းရင်းမြစ်များ

Gḭ-Néje 21:24

Abrakam pana: Oiyo, m’a kun ndum bèe ya.

2 Samel 20:19

Ɓee-boo lə sí lé dəwje d’isi lɔm keneŋ ləm, deḛ gə́ to majikojije mbuna Israɛlje’g d’isi keneŋ ləm tɔ. Nɛ i saŋg loo mba tuji ɓee-boo gə́ to ko̰ Israɛlje! See gelee ban ɓa i ndigi tuji né ka̰ lé Njesigənea̰ wa.

Pakɔsje 34:14

Maji kari ɔg ndɔḭ dɔ ta gə́ majel’g ləm. Maji kari ɔg tai dɔ taje gə́ ka̰ su kəm loo’g lé ləm tɔ.

Gosota-Kəmkàrje 12:20

Su kəm loo to dɔɓəŋgərə dee-deḛ Gə́ la̰ji tor néra gə́ majel meḛ dee’g, Nɛ rɔlel nai gə dee Gə́ gɔl mar deeje d’ɔm dee na̰’d.

Gosota-Kəmkàrje 3:30

Loo gə́ dəw ra səi né gə́ majel el ndá Maji kari kɔl səa gə mḭdé ba el.

Matiyo 5:24

ndá maji kari ya̰ nékar-Ala ləi no̰ loo-nékinjaməs’g ɔd aw iŋga ŋgokɔḭ ɓó gə ɔmje səa na̰’d yəg ɓa tel ree un nékar-Ala ləi lé ar Ala ɓəi.

Matiyo 5:5

Deḛ gə́ d’aw yururu lé rɔ dee lel dee, Mbata d’a kiŋga dɔ naŋg gə́ nékwanduba lə dee ya.

Matiyo 5:9

Deḛ gə́ gɔl mar deeje d’ɔm dee na̰’d lé rɔ dee lel dee, Mbata d’a ɓar dee ŋgan-Alaje.

Mark 9:50

Kad lé to né gə́ maji ya, nɛ ɓó lé kad gə́ rii tel rii el ndá see ɗi ɓa seḭ a raje ne mba karee rii gogo ɓəi wa. Maji kar darɔ sí-seḭ nja to gə́ kad ɓó gə́ ɔmje ne meḛ sí na̰’d sad.

Njé gə́ Rɔmə 1:15

Gelee gə́ nee ɓa mal kaw kila mber Tagə́maji kar sí-seḭ gə́ síje ɓee gə́ Rɔm’g lé ram ŋgwɔd-ŋgwɔd ya.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 14:19

Yen ŋga ar sí n’saŋgje loo gə mba kɔm na̰’d ləm, gə mba kar rɔ sí ɔs na̰’d ləm tɔ.

1 Njé gə́ Kɔrḭtə 7:15

Ɓó lé yeḛ gə́ un mée el ɓa ndigi teḛ ndá maji karee teḛ ya. Bèe ɓa yeḛ gə́ diŋgam əsé yeḛ gə́ dené kara d’a tɔ na̰ naŋg ga̰-ga̰ el. Ala ɓar sí mba kar sí j’isi dan nékulrɔ sí’g gə meekulɔm.

2 Njé gə́ Kɔrḭtə 13:11

Ŋgakɔmje, ges ta gə́ nai lé maji kar sí ndaje meḛ sí kaḭ ləm, saŋgje loo gə mba toje dəwje gə́ maji ɔr njoroŋ ləm, gɔlje meḛ na̰ ləm, ɔmje meḛ sí na̰’d sad ləma, sije gə meekulɔm mbuna na̰’d ləm tɔ, bèe ɓa, Ala gə́ njeyelko meenoji gə meekulɔm lé a nai sə sí ɓəi.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Epesə 4:3

Ulaje rɔ sí ndubu mba kar kúla noji gə́ tɔ sí na̰’d nəji lé gaŋg el.

1 Njé gə́ Tesalonikə 5:13

Unda deeje dan kəm sí’g dana ɗəŋgərə mbata kula ra dee lé. Ɔmje na̰’d sad ya.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

Ǝbrəje 12:14

Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.

1 Piɛrə 3:11

Maji karee unda rəa ɓad dɔ néra gə́ majel’g Ndá ra né gə́ maji ləm, Maji karee saŋg meelɔm ɓa ai ne mée keneŋ sam-sam ləm tɔ.

Njéga̰g-Rəwtaje 11:14

Jepte tel ula njékaḭkulaje rɔ mbai’g lə Amo̰je lé ya tɔɓəi