Njé gə́ Rɔmə 12:16 - Maktub gə́ To gə Kəmee

¹⁶ Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el.

Njé gə́ Rɔmə 12:16 ပူးပေါင်းရင်းမြစ်များ

2 Sôrta Gḭka Israɛlje 30:12

Mee ɓee gə́ Juda kara Ala ra kula meḛ dee’g ar meḛ dee asəna kára ba mba kar dee ra né gə goo ndukun lə mbai gə ka̰ ŋgan-mbaije karee aw lée’g béréré gə goo tapa Njesigənea̰ lé.

Maktub gə́ wɔji dɔ Jɔb 36:5

Aa oo, Ala to gə́ njesiŋgamoŋ ɓó yeḛ ɔs dəw kára kara rəw el ləm, Yeḛ to njesiŋgamoŋ gə goo gosonégər ləa ləm tɔ.

Gosota-Kəmkàrje 17:5

Yeḛ gə́ ula sul dɔ njendoo’g lé Ila rɔkul gə́ boo dɔ njekṵdá’g, Yeḛ gə́ al rəa dɔ njenékəmndoo’g lé Bo̰ nérea a lal kɔs təa’g pai godo.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Gosota-Kəmkàrje 19:22

Némaji gə́ to rɔ dəw’g lé to meemaji ləa, Njendoo lé maji unda njepa taŋgɔm.

Gosota-Kəmkàrje 19:7

Njendoo lé ŋgakea̰je lai d’ə̰jee bəḭ-bəḭ, Ŋga ɓəd ɓəi ɓa see baokuraje ləa d’a sa rɔ dee rəw rəa’g el ɓəi wa! Yeḛ ndiŋga rəa mba kwɔji sə dee ta Nɛ deḛ sanéna̰ pə rəa’g.

Gosota-Kəmkàrje 26:12

Ɓó lé i oo dəw gə́ oo rəa gə́ njekəmkàr ndá Né gə́ i askəm kunda məəi yel dɔ’g gə mba kiŋga rɔ mbə-dəw’g lé Ur dɔ kea̰-yeḛ’g.

Gosota-Kəmkàrje 26:5

Tel ila mbə ta’g gə goo ta mbə ləa Nà banelə a koo rəa gə́ njekəmkàr.

Gosota-Kəmkàrje 3:7

Maji kari oo rɔi gə́ njekəmkàr el, Ɓəl Njesigənea̰ ndá Unda rɔi ɓad dɔ néra gə́ majel’g.

Esai 5:21

Meeko̰ a koso dɔ deḛ gə́ D’oo rɔ dee-deḛ gə́ njékəmkàrje ləm, D’oo rɔ dee-deḛ gə́ njégosonégərje ləm tɔ.

Jeremi 32:39

M’a kar meḛ dee gə panjaa dee to asəna kára ba mba kar dee ɓəlm saar gə no̰ mbata maji lə dee-deḛ ləm, gə ka̰ ŋgan deeje-je gə́ goo dee’g ləm tɔ.

Jeremi 45:5

Ŋga i lé see i a saŋg néje gə́ boi-boi wa. Maji kari saŋg dee el! Mbata aa oo, M’a kar némeeko̰ teḛ dɔ dəwje’g lai. Njesigənea̰ ɓa pa bèe, Mee looje lai gə́ i a kaw keneŋ lé Si kəmba ləi ɓa m’a kari gə́ nékiŋga ləi ya.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Matiyo 26:11

Mbata njéndooje lé deḛ nai sə sí gə ndɔ dee ndɔ dee, nɛ ma lé m’a si sə sí gə ndɔm-ndɔm el.

Lugu 14:13

Nɛ loo gə́ i ra naḭ lé ndá maji kari ɓar njéndooje ləm, gə njé gə́ dəb rɔ dee wəi wɔ-wɔ ləm, gə njémədje ləma, gə njékəmtɔje ləm tɔ.

Lugu 6:20

Yen ŋga Jeju ɔr dəa gə́ tar ɓad gə́ rɔ njékwakiláje’g ula dee pana: Seḭ njéndooje lé rɔ sí lel sí Mbata ɓeeko̰ lə Ala lé to ka̰ sí-seḭ ya!

Néra Njékaḭkulaje 4:32

Koso-dəwje gə́ d’un meḛ dee neelé d’ɔm meḛ dee na̰’d sad d’isi d’asəna gə dəw gə́ kára ba bèe. Dəw kára kara mbuna dee’g oo néje ləa gə́ né kea̰-yeḛ nja gə karee el, nɛ deḛ lai d’oo néje lə dee gə́ ka̰ na̰ ya.

Njé gə́ Rɔmə 11:20

Yee neelé to lée’g ya, deḛ tuga kəmkagje neelé mbata deḛ to njémeekɔs ŋgwɔḭje nɛ i lé mbɔl dɔ meekun ləi ɓa i nai ne keneŋ ɓəi. Ar məəi to kəgəgə dɔ rɔi’g ɓó beelé ne dɔ meekun’g ləi el.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

Njé gə́ Rɔmə 12:3

Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

Njé gə́ Rɔmə 15:5

Maji kar Ala gə́ njemeekila ləm, gə njégɔl meḛ dəwje ləm tɔ lé ar takə̰ji lə sí aw na̰’d kára ba gin Jeju Kristi’g

Njé gə́ Rɔmə 6:2

Wah! bèe el. Jeḛ gə́ j’wa rɔ sí gə́ yoo-dəwje dɔ kaiya’g n’sa rɔ sí keneŋ rəw mba̰ lé see j’a tel si keneŋ gə mba kula rɔ sí danee’g loo gə́ ra tɔɓəi wa.

1 Njé gə́ Kɔrḭtə 1:10

Ŋgakɔmje, ma m’ndəji sí gə ri Mbaidɔmbaije lə sí Jeju Kristi mba kar tapa sí aw na̰’d kára ba ɓó kar ta tḭ-na̰ oso mbuna sí’g el. Maji kar sí ndaje meḛ sí kaḭ gə na̰ mba kar takə̰ji lə sí aw na̰’d kára ba ya.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

1 Njé gə́ Kɔrḭtə 4:10

Jeḛ n’to gə́ njénégərelje mbata lə Kristi, seḭ lé seḭ toje njékəmkàrje gin Kristi’g. Jeḛ lé n’toje yɔ-dəwje, nɛ seḭ toje njésiŋgamoŋje. Seḭ lé d’ila riɓar dɔ sí’g ya nɛ jeḛ lé d’ə̰ji sí gə kḛji!

1 Njé gə́ Kɔrḭtə 6:5

M’pa bèe mba kar sí naije ne gə rɔkulee ya. See njekəmkàr gə́ askəm gaŋg rəwta dɔ maree’g kára kara godo mbuna sí’g ya saar wa.

1 Njé gə́ Kɔrḭtə 8:2

Ɓó lé dəw kára pidi rəa pana: Né neelé neḛ n’gər kəmee maji ndá né gə́ kəm gər lé yeḛ gər ginee njai el ɓəi.

2 Njé gə́ Kɔrḭtə 13:11

Ŋgakɔmje, ges ta gə́ nai lé maji kar sí ndaje meḛ sí kaḭ ləm, saŋgje loo gə mba toje dəwje gə́ maji ɔr njoroŋ ləm, gɔlje meḛ na̰ ləm, ɔmje meḛ sí na̰’d sad ləma, sije gə meekulɔm mbuna na̰’d ləm tɔ, bèe ɓa, Ala gə́ njeyelko meenoji gə meekulɔm lé a nai sə sí ɓəi.

Njé gə́ Pilibə 1:27

Yee nja m’ula sí kən, arje néra sí wa bua Tagə́maji lə Kristi, togə́bè ɓa, lé m’a kaw koo sí əsé lé m’a godo mbuna sí’g ndá kara m’a koo to gə́ seḭ aarje dɔ gɔl sí’g njaŋg loo kára ba ləm, seḭ undaje siŋga sí na̰’d mba koma̰ gə né gə́ a tuji meekun gə́ wɔji dɔ Tagə́maji lé ləm tɔ,

Njé gə́ Pilibə 3:16

Nɛ ooje maji, lé gə́ jeḛ n’teḛje keneŋ mba̰ ndá ar sí j’ɔmje na̰’d yəg kəm sí gə́ kédé ya.

Njé gə́ Pilibə 4:2

Ma m’ndəji Ebodi gə Sḭtisə mba kar takə̰ji lə dee aw na̰’d kára ba gin Mbaidɔmbaije’g.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

1 Piɛrə 3:8

Tɔɓəi seḭje lai lé ɔmje meḛ sí na̰’d sad ləm, ooje kəmtondoo lə na̰ ləm, waje na̰ gə́ rɔ na̰’d wɔjije ne kag noji ləm, arje meḛ sí oso lemsé dɔ na̰’g ləma, kulje gə na̰ yururu ləm tɔ.

1 Piɛrə 5:3

Aarje no̰ badə-kosoje’g asəna gə nétɔji lə dee gə́ maji ɓó o̰ deeje asəna gə mbaije gə́ njenḭ na̰ dɔ dəwje’g el.

3 Ja̰ 1:9

Ma m’ndaŋg maktub nee bəl m’ar Eglisə, nɛ Diotrepə gə́ ndigi kaar gə́ ŋgaw-ta dee kédé lé ɔs sí rəw.