Njé gə́ Rɔmə 12:15 - Maktub gə́ To gə Kəmee

¹⁵ Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.

Njé gə́ Rɔmə 12:15 ပူးပေါင်းရင်းမြစ်များ

Nehemi 1:4

Loo gə́ m’oo ta néje neelé ndá m’wa naŋg rəb, m’no̰ ləm, m’wa ndòo as ndɔje bula ləm tɔ. M’ɔg məəm ɓó ləm, m’ra tamaji ta Ala gə́ to mbai dɔ dara ləm tɔ,

Maktub gə́ wɔji dɔ Jɔb 2:11

Baokuraje lə Jɔb munda d’oo sor nékəmndooje ɓəd-ɓəd gə́ teḛ dəa’g ndá nana kara ḭ ɓee ləa aw: Elipaj, dəw gə́ Teman ləm, Bildad, dəw gə́ Sua ləma, gə Sopar, dəw gə́ Naaman ləm tɔ. Deḛ d’ḭ ɓee lə dee d’ɔm na̰’d rəw’g d’aw gə mba ndiŋga səa ndòo ləm, gə mba gɔl mée ləm tɔ.

Maktub gə́ wɔji dɔ Jɔb 30:25

See ma lé kédé mán-no̰ teḛ kəm’g Mbata lə yeḛ gə́ né gə́ kədərə teḛ dəa’g el wa. See m’oo kəmtondoo lə njendoo el wa.

Njekillamber 3:4

Ndɔ no̰ to keneŋ ləm, ndɔ kogo to keneŋ ləm tɔ, ndɔ ndiŋga-rɔ to keneŋ ləm, ndɔ ndam to keneŋ ləm tɔ.

Jeremi 38:12

Ebed-Melek, dəw gə́ Etiopi lé ula Jeremi pana: Ula ŋgisi kubuje gə kubuje gə́ ləw lé gel kulaje gə́ masɔli’g. Ndá Jeremi ra togə́bè ya.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Lugu 1:58

Njéboatakəije ləa ləm, gə njénojije ləa ləm tɔ lé d’oo to gə́ Mbaidɔmbaije ra səa boo-meemaji ndá deḛ ra rɔlel səa na̰’d tɔ.

Tagə́maji gə́ Ja̰ ndang 11:19

ndá Jibje bula ree ne rɔ Martə gə Mari mba gɔl dee mbata nan-ŋgan deeje gə́ wəi lé.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

1 Njé gə́ Kɔrḭtə 12:26

Ɓó lé né ra barkəmrɔ dəw gə́ kára ndá barkəmreaje lai lé rɔ dee adə dee mbag-mbag. Ɓó lé barkəmrɔ dəw gə́ kára nduba rəa ndá barkəmreaje lai nduba rɔ dee səa na̰’d bura tɔ.

2 Njé gə́ Kɔrḭtə 11:29

See na̰ ɓa to gə́ yɔ-dəw lé ɓa a kulm gə́ mán wa. See na̰ ɓa oso gə́ koso ɓa məəm a ko̰m gə mbəa el wa.

2 Njé gə́ Kɔrḭtə 2:3

Ma m’ndaŋg maktub m’ar sí togə́bè mba kar ndɔ gə́ m’a teḛ dɔ sí’g lé deḛ gə́ m’ŋgina rɔlel rɔ dee’g lé d’a kam rɔlel ya ɓó kəmndoo el. Mbata ma m’gər gao, rɔlel lə sí wɔji dɔ kama ya.

Njé gə́ Pilibə 2:26

Mbata mal koo sí rəa ŋgwɔd-ŋgwɔd nɛ ta rɔko̰ ləa gə́ oso mbi sí’g lé rəa lelee ne el saar.

Njé gə́ Pilibə 2:28

Togə́bè ɓa, ma m’ḭ rad m’ulá gə tɔgəm mba kar meḛ sí lel sí loo gə́ seḭ ooje kəmee ləm, mba kar meeko̰ ləm-ma kara a kwəi ne bəl bèm ləm tɔ.

Ǝbrəje 13:3

Arje meḛ sí olé dɔ daŋgaije’g, to gə́ lə seḭje kara seḭ sije sə dee daŋgai’g bèe tɔ. Arje meḛ sí olé dɔ deḛ gə́ mar deeje d’ula kəm dee ndòo to gə́ seḭje kara d’ula kəm sí ndòo bèe tɔ.