Njé gə́ Rɔmə 12:13 - Maktub gə́ To gə Kəmee

¹³ Laje gə deḛ gə́ to gə kəmee dɔ néje gə́ deḛ d’aw ndòo dee ləm, waje dəwje mbá bur-bur ləm tɔ.

Njé gə́ Rɔmə 12:13 ပူးပေါင်းရင်းမြစ်များ

2 Samel 17:29

gə ubu tə̰ji ləm, gə ubu mbà maŋg ləm, gə badje ləma, gə mbà maŋg gə́ ɓi gəmsə ləm tɔ. Deḛ d’odo néje neelé d’aw ne d’ar Dabid gə koso-dəwje gə́ d’aw səa gə mba kar dee d’usɔ, mbata deḛ pana: Koso-dəwje neelé ɓó ula kəm dee ndòo ləm, deḛ dao ləma, kṵdaman tɔl dee dɔdilaloo’g ləm tɔ.

2 Mbaije 4:10

Ar sí n’raje ŋgon kəi bɔrɔ dɔ maree’g ndá ar sí j’urje tira keneŋ ləm, j’undaje tabul, gə kali, gə néndogó keneŋ ləm tɔ j’areeje, mba kar loo gə́ yeḛ teḛ rɔ sí’g ndá yeḛ a kwa rəa keneŋ.

Pakɔsje 41:1

Pa lə Dabid gə́ ar bao-pa mba karee ɔs sə dee lé

Gosota-Kəmkàrje 31:20

Yeḛ ula jia ndiŋ la ne gə njenékəmndoo ləm Yeḛ ula jia ndiŋ la ne gə njendoo ləm tɔ.

Matiyo 25:35

Mbata loo gə́ ɓó tɔlm ndá seḭ amje nékusɔ m’usɔ, kṵdaman tɔlm ndá seḭ amje mán m’ai, ma m’to gə́ mbá ndá seḭ wamje gə́ rɔ sí’g,

Néra Njékaḭkulaje 10:4

Yeḛ aa kəm dəw gə́ dara neelé gəl-gəl ləm, ɓəl undá badə gaŋgee ləm tɔ aree tel pana: Mbaidɔmbaije ban ŋga nee wa. Kura lə Ala gə́ dara tel ilá keneŋ pana: Tamaji gə́ i ra ləm, gə nojikwa ləi ləm tɔ uru loo teḛ no̰ Ala’g, yee ɓa ar mée olé ne dɔi’g gə mbəa ya.

Néra Njékaḭkulaje 4:35

d’ya̰ d’odo laree d’aw d’ɔm no̰ njékaḭkulaje’g d’ar dee kai dee kára-kára lai d’wɔji ne dɔ né gə́ d’aw ndée lé.

Njé gə́ Rɔmə 12:8

Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.

1 Njé gə́ Kɔrḭtə 16:15

Ŋgakɔmje, ma m’ndigi ndəji sí bər-bər dɔ ta gə́ raŋg’d ya tɔɓəi. Seḭ gərje gao kojikəije lə Stepanas lé deḛ nja to kó njétaamee-Kristije gə́ Akai gə́ d’ula goŋ dee kula’g mbata lə deḛ gə́ to gə kəmee lé.

2 Njé gə́ Kɔrḭtə 9:1

Ta gə́ wɔji dɔ nojikwa gə́ j’a la ne gə deḛ gə́ to gə kəmee lé seḭ gərje mba̰ ɓó loo ndaŋg taree kar sí godo ŋga.

2 Njé gə́ Kɔrḭtə 9:12

Mbata nénoji neelé gə́ d’a la ne gə deḛ gə́ to gə kəmee lé a kar njéndooje né gə́ deḛ d’aw ndée goo kára ba el nɛ a to gin ra Ala oiyo gə́ a kɔs goo na̰ goo na̰ tɔ.

Njé gə́ Galati 6:10

Togə́bè ɓa loo gə́ j’iŋga loo mba ra ndá maji kar sí j’wa noji gə dəwje lai ya nɛ noji gə́ j’a kwa gə ŋgako̰ síjeḛ gin meekun’g lé ar sí j’aree ur dɔ ka̰ njé gə́ raŋg’d tɔ.

1 Timote 3:2

Njekaa dɔ Eglisə lé maji karee to njegelgodo ləm, gə njedené kára ba ləma, gə njera kəmee rakaa ləm tɔ, yeḛ a to njemeendər ləm, yeḛ a kaw yururu ləm, yeḛ a kwa mbá bur-bur ləma, yeḛ a kaskəm ndoo dəwje né gə́ kəm ndoo dee ləm tɔ.

1 Timote 5:10

Néra majije ləa ɓa d’a kɔr gin rəa ya, ɓó lé yeḛ aa dɔ ŋganeeje kər-kər ləm, wa mbá bur-bur ləm, gə togo gɔl deḛ gə́ to gə kəmee ləm, gə la gə njéndooje ləma, gə ra kula nojije gə́ gə ria-ria ləm tɔ ndá maji ndaŋg ria mee maktub’g ya.

Titə 1:8

Nɛ maji karee to njekwambá bur-bur ləm, gə njekɔrkura gə njéra némajije ləm, gə njemeendər ləm, gə njera né gə́ gə goo rəbee ləm, gə a to dəw gə́ to gə kəmee ləma, əsé gə njekwarea səm kaw ləm tɔ.

Titə 3:14

Maji kar njé’g lə sí kara ndoo kula noji mba kar mar deeje d’iŋga ne né gə́ d’aw ndée taajina̰’d nee ya, ɓó mba kar dɔ kó noji lə dee udu el tɔ.

Piləmɔ̰ 1:7

Tɔgərɔ ya, nojikwa ləi ar məəm lelm yaa̰ ar məəm oso ne naŋg po̰ ya, mbata mbɔl dɔi-i ŋgokɔm lé ɓa meḛ deḛ gə́ to gə kəmee lé oso ne naŋg po̰ tɔ.

Ǝbrəje 13:16

Maji kar sí lal ra meemaji gə mar síje el ləm, lal kwa sə dee noji el ləm tɔ, mbata nékinjaməs lə sí gə́ togə́bè ɓa taa kəm Ala ya.

Ǝbrəje 13:2

Arje meḛ sí wəi dɔ kwa na̰ mbá’g pə-pə el, mbata njé gə́ na̰je d’wa mar deeje mbá ɓa d’ɔs ne dɔ dee rɔ kuraje gə́ dara’g ɓəi.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

1 Piɛrə 4:9

Waje na̰ mbá gə́ majee bur-bur ɓó imje rɔ sí dɔ’g el.

1 Ja̰ 3:17

Ɓó lé dəw to gə́ njenékiŋga ɓa oo ŋgokea̰ gə́ aw ndòo né ɓa un kəmee dəa’g rəw lal karee né ndá see meenoji lə Ala to mée’g loo gə́ ra’g wa.

3 Ja̰ 1:5

I gə́ m’undai dan kəm’g lé néje lai gə́ i ra mbata lə ŋgako̰ síje ləm, gə mbata deḛ gə́ to ŋgako̰ síje gə́ dɔ ɓee’g ləm tɔ lé i ra gə majikoji ya.