Njé gə́ Rɔmə 12:12 - Maktub gə́ To gə Kəmee

¹² Né gə́ seḭ undaje meḛ sí yel gə́ dɔ’g lé raje rɔlel keneŋ. Aije meḛ sí sam-sam dan némeeko̰’g ləm, ya̰je goo tamaji lə sí yɔgɔ el ləm tɔ.

Njé gə́ Rɔmə 12:12 ပူးပေါင်းရင်းမြစ်များ

Pakɔsje 109:4

Ma lé m’unda dee dan kəm’g Nɛ deḛ ndá tel to gə́ njékoma̰ səmje. Nɛ ma lé tamaji ɓa m’ra ya.

Pakɔsje 37:7

Maji kari si mundu no̰ Njesigənea̰’g Ɓó gə unda ne məəi yel dəa’g ya, Yeḛ gə́ teḛkɔr rəw-kabeeje’g lé Ar məəi ḭ səi pu dəa’g el ləm, Yeḛ gə́ néra majelje gə́ yeḛ wɔji-kwɔji ra lé d’ɔr njal kara Ar məəi ḭ səi pu dəa’g el ləm tɔ.

Pakɔsje 40:1

Pa lə Dabid gə́ ar bao-pa mba karee ɔs sə dee lé

Pakɔsje 62:8

Ala nja kára ba ɓa kaji ləm gə rɔnduba ləm d’ḭ rəa’g. Biri mbal gə́ to siŋgam ləm, gə njo̰loo-kula-dɔ ləm ləm tɔ lé to rɔ Ala’g lé ya.

Gosota-Kəmkàrje 10:28

Ŋgina né lə njémeekarabasurje to rɔlel, Nɛ meekundayel lə njémeeyèrje a sané pá.

Gosota-Kəmkàrje 14:32

Njemeeyèr lé néra majel ləa ɓa gə́ gin tuji ləa, Nɛ njemeekarabasur lé lé’d yoo kara Iŋga njo̰loo-kula-dəa keneŋ.

Matiyo 5:12

Ndaje meḛ sí kaḭ-kaḭ ləm, alje rɔ sí ləm tɔ mbata seḭ a kiŋgaje némeekila lə sí gə́ to dara ɓəi. Mbata njéteggintaje lé d’ula kəm dee ndòo bèe ya ɓa seḭ oreeje goo dee ɓəi.

Lugu 10:20

Lé bèe kara raje rɔlel gə mba ndilje gə́ yèr gə́ d’oso kul no̰ sí’g lé el, nɛ raje rɔlel mbata ri sí gə́ deḛ ndaŋg mee ɓee gə́ dara lé ɓa.

Lugu 21:19

Meekai sam-sam lə sí ɓa seḭ a kajije ne ya.

Lugu 8:15

Njé gə́ teḛ ɔm dɔ naŋg gə́ maji’g lé wɔji dɔ deḛ gə́ d’oo ta gə meendakaḭ ləm, gə meemaji ləm tɔ ndá d’wa meḛ dee dɔ’g bururu ləm, d’ai meḛ dee dɔ’g sam-sam ləm tɔ ndá d’andə gə kandə dee njim-njim.

Néra Njékaḭkulaje 1:14

Deḛ lai neelé d’ɔm meḛ dee na̰’d sad ləm, d’ai meḛ dee sam-sam gə mba ra tamaji ləm tɔ ar denéje gə́ na̰je ləm, gə Mari, ko̰ Jejuje ləma, gə ŋgako̰ Jejuje ləm tɔ lé d’isi sə dee na̰’d tɔ.

Néra Njékaḭkulaje 12:5

Piɛrə lé ŋgəmee daŋgai’g ya pèrèrè nɛ Eglisəje d’wa tamaji lə dee kɔgərɔ mbata ləa ɓó d’ya̰ gée yɔgɔ el.

Néra Njékaḭkulaje 2:42

Deḛ d’wa meḛ dee kɔgərɔ dɔ ta gə́ njékaḭkulaje ndoo dee lé, d’wa sə dee dɔ na̰ ləm, deḛ d’o̰ sə dee muru ləma, deḛ ra sə dee tamaji na̰’d ləm tɔ.

Néra Njékaḭkulaje 6:4

Jeḛ ɓa yḛ̀ ar sí j’oreeje kəm sí ndəŋ dɔ tamaji gə́ ra ləm, gə dɔ kɔrgoota gə́ lé ləm tɔ.

Njé gə́ Rɔmə 15:13

Maji kar Ala gə́ njemeekṵdayel lé ar nérɔlel’g gə ria-ria ləm, gə némeelɔm’g gə ria-ria ləm tɔ lé taa meḛ sí pəl-pəl gə goo meekun’g lə sí, gə mba kar mbɔl dɔ siŋgamoŋ lə Ndilmeenda ɓa meekundayel lə sí a kɔs ne dɔ maree’g gə́ kédé-kédé.

Njé gə́ Rɔmə 15:4

Mbata taje lai gə́ deḛ ndaŋg mee maktub’g kédé lé deḛ ndaŋg gə mba ndoo sí ne mba kar mbɔl dɔ meekila gə ta gɔl mee gə́ maktub gə́ to gə kəmee ar sí lé jeḛ j’unda ne meḛ sí yel ya.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

Njé gə́ Rɔmə 8:25

Nɛ ɓó lé jeḛ j’unda meḛ sí yel gə́ dɔ né gə́ jeḛ j’oo el ɓəi ndá j’ila ne meḛ sí po̰-po̰ ŋgina ne ya.

1 Njé gə́ Kɔrḭtə 13:13

Ɓasinè lé néje nai munda ba: Meekun ləm, gə meekundayel ləma, gə meenoji ləm tɔ: nɛ meenoji ɓa ur dɔ deḛ lai gə́ ŋgaŋgee.

2 Njé gə́ Kɔrḭtə 12:8

As gɔl munda, ma m’ra ndòo rɔ Mbaidɔmbaije’g mba karee ɔs kun neelé rɔm’g ɔr unda ila kɔrɔ nu ya.

Njé gə́ Pilibə 3:1

Ŋgakɔmje, ges taje gə́ nai ɓa nee: Ndaje meḛ sí kaḭ dɔ Mbaidɔmbaije’g. Ta néje neelé gə́ ma m’tel m’ndaŋg m’ar sí lé m’ar məəm ila kas dɔ’g el mbata ta neelé a kunda sí rəw gə́ maji’g.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

Njé gə́ Kolosə 1:11

Togə́bè ɓa, mbɔl dɔ boo-siŋgamoŋ ləa gə́ maji dum gə́ yeḛ ula meḛ sí’g lé seḭ a ŋgəŋje ne dɔ néje’g lai ndá seḭ a sije gə meendakaḭ, a kilaje meḛ sí po̰ kaije meḛ sí sam-sam dɔ néje gə́ lai gə́ ra sí lé tɔ.

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.

Njé gə́ Kolosə 4:12

Epapras, ŋgoko̰ sí gə́ kojikəi lé ra sí lapia tɔ. Yeḛ to kura lə Jeju Kristi gə́ rɔ gə tamaji-ra ləa ta-ta mbata lə sí ɓó əw rəa el mba kar sí telje ne dəwje gə́ maji ɔrje njoroŋ ləm, gə mba kar sí aarje dɔ gɔl sí’g njaŋg mba ra ne torndu Ala karee ɔr rɔd ləm tɔ.

Njé gə́ Kolosə 4:2

Aije meḛ sí sam-sam dɔ tamaji gə́ seḭ raje lé sije kəmba keneŋ, raje ne Ala oiyo.

1 Njé gə́ Tesalonikə 1:3

Tɔgərɔ ya, meḛ sí olé dɔ sí’g ta-ta no̰ Ala Bɔ síje’g loo gə́ j’ə̰ji dɔ meekun lə sí gə́ ra née ləm, gə nojimeenda gə́ seḭ waje gə mar síje ləma, gə kaar gə́ seḭ aarje njaŋg undaje ne meḛ sí yel gə́ dɔ Mbaidɔmbaije’g lə sí Jeju Kristi lé ləm tɔ.

1 Njé gə́ Tesalonikə 5:8

Nɛ jeḛ gə́ n’toje ŋgan lookàr lé ar sí j’undaje kəmkàr dɔ rɔ sí’g j’ar meekun lə sí gə meenoji lə sí lé to kubu-rɔ gə́ ŋgira kiŋ-kiŋ gə́ j’ula rɔ sí’g ləm, j’ar meḛ sí gə́ to yel dɔ kaji’g lé to dɔgugu gə́ j’ula dɔ sí’g ləm tɔ.

2 Njé gə́ Tesalonikə 1:4

Gelee gə́ nee ɓa, jeḛ n’ti ne rɔ sí dɔ sí’g j’wa sí ne j’wɔji ne Eglisəje lə Ala mbata meekun lə sí gə́ seḭ síje ne gə meekai sam-sam dan nékəmndooje gə némeekonje gə́ ra sí lé.

2 Njé gə́ Tesalonikə 3:5

Maji kar Mbaidɔmbaije ɔr no̰ sí dan meenoji’g lə Ala ləm, ar meekai sam-sam lə Kristi taa meḛ sí pəl-pəl ləm tɔ.

1 Timote 6:11

I dəw lə Ala lé sa rɔi dɔ mal néje neelé gə́ ra dee ya nɛ ndolè goo meekarabasur ləm, gə rəw kwa Ala məəi’g gə goo rəbee ləm, gə meekun ləm, gə meenoji ləm, gə meekila ləma, gə kaw yururu ləm tɔ.

2 Timote 3:10

Nɛ i lé i gərm gao ari oo ta gə́ ma m’ndooi ləm, gə panjaam ləm, gə né gə́ m’wɔji-kwɔji ra ləm, gə meekun ləm, gə kaw yururu ləm, gə meenoji ləm, gə meekai Sam ləma,

Titə 2:13

Yee ɓa meḛ sí lel sí ar sí j’unda ne meḛ sí yel ŋgina ne ndɔ ndubarɔ lə Ala gə́ boo gə ka̰ Jeju Kristi, njekaji sí lé tɔ.

Titə 3:7

mba kar mbɔl dɔ noji ləa gə́ yeḛ ɔr ne ta dɔ sí’g lé jeḛ n’tel to ne njékwa səa nédɔjije lé na̰’d j’iŋga ne kəmə gə́ gə no̰ gə́ j’unda ne meḛ sí yel dɔ’g lé.

Ǝbrəje 10:32

Arje meḛ sí olé dɔ ndɔ gə́ dɔtar loo gə́ kəm sí inja mba̰ ndá seḭ ulaje rɔ sí ndubu dan nékəmndooje’g.

Ǝbrəje 10:36

Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

Ǝbrəje 6:12

Bèe ɓa seḭ a kya̰je gée yɔgɔ el ləm, seḭ a ndajije kəm deḛ gə́ mbɔl dɔ meekun gə meekai sam-sam ɓa taa ne né gə́ ndukun ɓa wɔji gə mba kar dee lé ləm tɔ.

Ǝbrəje 6:15

Bèe ɓa Abrakam ai ne mée sam-sam ɓa iŋga ne né gə́ wɔji dəa ɓəi.

Maktub gə́ Jak ula ne ar ngan-Allaje 5:7

Ŋgakɔmje, ilaje meḛ sí dɔ maree’g saar ndɔ ree lə Mbaidɔmbaije. Aa ooje, njendɔ ndɔ lé ila mée po̰ ŋgina ne ndi gə́ doŋgɔr ləm, gə ŋgaŋ ndi gə́ gogo ləm tɔ ɓa mba kiŋga ne dɔ kó gə́ maji gə́ a teḛ mbi ɓəi.

1 Piɛrə 4:13

Ɓó lé seḭ ɔmje meḛ sí na̰’d sad gə Kristi loo meeko̰’g ləa ndá raje rɔlel mba kar loo gə́ yeḛ a nduba rəa gə́ raga lé dɔ rɔlel lə sí a kɔr ne njal ləm, seḭ a kalje ne rɔ sí səa na̰’d ləm tɔ.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.

2 Piɛrə 1:6

mba kar kunda kəmkàr-dɔ-rɔ’g orè goo gosonégər ləm, mba kar meekai sam-sam orè goo kunda-kəmkàr-dɔ-rɔ’g ləm, mba kar néra gə́ aw gə goo ka̰ Ala orè goo meekai sam-sam ləm,

Loo gə́ killa rea kəm Ja̰’g 13:10

Ɓó lé dəw wa maree ɓər ndá yeḛ kara a to ɓər ya tɔ, ɓó lé dəw tɔl maree gə kiambas ndá yeḛ kara a kəi yoo-kiambas ya tɔ. Yee ɓa gə́ gin meekai sam-sam gə gin meekun lə deḛ gə́ to gə kəmee.