Njé gə́ Rɔmə 12:10 - Maktub gə́ To gə Kəmee

¹⁰ Undaje na̰ dan kəm na̰’d dana gəd-gəd ləm, ulaje rɔ sí ndubu gə mba kila riɓar dɔ na̰’g ləm tɔ.

Njé gə́ Rɔmə 12:10 ပူးပေါင်းရင်းမြစ်များ

Gḭ-Néje 13:9

See loo ɓa lai to nɔḭ’g nee el wa. Maji kari ɔr rɔi rɔm’g. Ɓó lé i aw par gə́ dɔgel ndá m’a kaw gə́ dɔkɔl. Ɓó lé i aw par gə́ dɔkɔl ndá m’a kaw gə́ dɔgel tɔ.

Maktub gə́ wɔji dɔ Jɔb 1:4

Ŋganeeje gə́ diŋgam d’aw kəi lə na̰ gə goo na̰ goo na̰ d’o̰ muru-gad, tɔɓəi deḛ ɓar ŋgako̰ deeje gə́ dené gə́ munda lé d’ar dee d’usɔ gə d’ai sə dee na̰’d tɔ.

Pakɔsje 133:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Ǝi, aa oo, kar deḛ gə́ to ŋgako̰ na̰je d’isi na̰’d lé To gə́ nérɔlel gə́ garee godo!

Jeremi 38:12

Ebed-Melek, dəw gə́ Etiopi lé ula Jeremi pana: Ula ŋgisi kubuje gə kubuje gə́ ləw lé gel kulaje gə́ masɔli’g. Ndá Jeremi ra togə́bè ya.

Matiyo 20:26

Nɛ seḭ nja maji kar sí raje togə́bè mbuna na̰’d el. Nana ɓa mbuna sí’g ndigi kur dɔ sí’g lai ndá maji karee tel rəa gə́ ŋgonjelookisi lə sí ləm.

Lugu 14:10

Nɛ loo gə́ ɓari ɓar nésɔ ndá wa loo-si rudu loo’g. Bèe ɓa loo gə́ yeḛ gə́ njeɓari ɓar nésɔ lé ree ndá a kulai pana: Kuramarm, al gə́ kédé nee. Yee ɓa to kula gə́ yeḛ ula rɔnduba dɔi’g no̰ deḛ lai gə́ d’isi səi loo-nésɔ’g lé ya.

Tagə́maji gə́ Ja̰ ndang 15:17

Torndum gə́ ma m’un m’ar sí lé ɓa nee: Undaje na̰ dan kəm na̰’d ya.

Tagə́maji gə́ Ja̰ ndang 17:21

mba kar dee d’ɔm ne meḛ dee na̰’d sad to gə́ jeḛ səi-i Bɔm j’ɔm ne meḛ sí na̰’d sad bèe tɔ, togə́bè ɓa deḛ kara d’a kɔm ne meḛ dee na̰’d sad sə sí mba kar dəwje gə́ dɔ naŋg nee d’ɔm meḛ dee dɔm’g to gə́ i nja gə́ njekulam lé ya.

Néra Njékaḭkulaje 4:32

Koso-dəwje gə́ d’un meḛ dee neelé d’ɔm meḛ dee na̰’d sad d’isi d’asəna gə dəw gə́ kára ba bèe. Dəw kára kara mbuna dee’g oo néje ləa gə́ né kea̰-yeḛ nja gə karee el, nɛ deḛ lai d’oo néje lə dee gə́ ka̰ na̰ ya.

Njé gə́ Rɔmə 13:7

Nana kara areeje né gə́ wɔji dəa ya: dəw gə́ to njetaa négədɓee ndá areeje négədɓee ləm, Njétaa nédɔnaŋgje ndá ar deeje nédɔnaŋgje lə dee ləm, deḛ gə́ kəm koso kul no̰ dee’g ndá osoje kul no̰ dee’g ləma, deḛ gə́ kəm kila riɓar dɔ dee’g ndá maji kila riɓar dɔ dee’g ya ləm tɔ.

Njé gə́ Galati 5:13

Ŋgakɔmje, deḛ ɓar sí loo ŋgonkoji’g, nɛ loo ŋgonkoji gə́ seḭ sije keneŋ lé maji kar sí raje goso keneŋ mba ra né gə́ ka̰ darɔ ɓa el. Nɛ waje noji gə na̰ mba toje ne kuraje lə na̰.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Njé gə́ Pilibə 2:3

Raje né kára kara mbata ba̰ ta gə́ wa meḛ sí el ləm, əsé gə mba kunda ne rɔ sí kəm dəwje’g el ləm tɔ nɛ maji kar sí osoje kul tədje ne kag na̰.

Njé gə́ Kolosə 1:4

mbata d’ula sí d’ar sí j’oo ta meekun lə sí gə́ seḭ unje arje Jeju Kristi ləm, gə sor nojikwa gə́ seḭ waje gə deḛ gə́ to gə kəmee lai ləm tɔ.

1 Njé gə́ Tesalonikə 4:9

Ta gə́ wɔji dɔ kunda ŋgako̰ síje dan kəm sí’g lé to né gə́ seḭ awje ndòo maktubee el, mbata Ala nja ndoo sí ar sí gərje loo kunda na̰ dan kəm na̰’d mba̰ ya.

2 Njé gə́ Tesalonikə 1:3

Ŋgako̰ síje, jeḛ j’oo loo gə mba ra Ala oiyo ta-ta mbata lə sí, yee ɓa to lée’g ya, mbata meekun lə sí teḛ boo, ḭ ne dɔ maree’g gə́ kédé-kédé ya ləm, seḭje kára kara lai seḭ undaje na̰ dan kəm na̰’d waje ne noji gə́ kédé-kédé ləm tɔ.

Ǝbrəje 13:1

Aije meḛ sí sam-sam waje gə na̰ noji.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 2:17

Maji koo dəwje lai gə́ dəwje ləm, undaje ŋgako̰ síje dan kəm sí’g ləm, ɓəlje Ala ləma, gə ulaje mbai dɔ mbai’g ləm tɔ.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

2 Piɛrə 1:7

mba kar kunda na̰ dan kəm na̰’d orè goo néra gə́ aw gə goo ka̰ Ala ləma, mba kar meenoji orè goo kunda na̰ dan kəm na̰’d ləm tɔ.

1 Ja̰ 4:11

Seḭ gə́ m’unda sí dan kəm’g lé ɓó lé Ala unda sí dan kəmee’g togə́bè ndá ar sí j’undaje na̰ dan kəm na̰’d togə́bè tɔ.

1 Ja̰ 4:20

Ɓó lé dəw kára pana: Neḛ n’unda Ala dan kəm neḛ’g, nɛ yeḛ wa ŋgokea̰ gə mée ndá yeḛ to gə́ njeŋgɔm. Mbata ŋgokea̰ gə́ yeḛ ée gə kəmee ɓa yeḛ unda dan kəmee’g el, nɛ ɓəd ɓa see Ala gə́ yeḛ ée gə kəmee el ɓa a kundá dan kəmee’g loo gə́ ra’g wa.