Njé gə́ Rɔmə 11:4 - Maktub gə́ To gə Kəmee

⁴ Nɛ see ta ɗi ɓa Ala ilá keneŋ wa. Ma m’aa dɔ dəwje ləm gə́ tɔl-dɔg-loo-siri lé kər-kər m’ar dəw kára kara ɔs kəjee naŋg no̰ magə Baal’g el.

Njé gə́ Rɔmə 11:4 ပူးပေါင်းရင်းမြစ်များ

1 Mbaije 16:31

Kula gə́ yeḛ ula rəa mbiriri dan kaiyaje’g lə Jeroboam, ŋgolə Nebat lé yeḛ oo gə́ né gə́ lam ba bèe ndá yeḛ aw taa Jejabel, ŋgolə Etbaal, mbai gə́ Sido̰ gə́ dené ləa, tɔɓəi yeḛ pole magə-Baal ləm, yeḛ unda barmba dəb kəmee naŋg nea̰’g ləm tɔ.

1 Mbaije 19:10

Yeḛ tel ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

1 Mbaije 19:18

Nɛ m’a kya̰ dəwje tɔl-dɔg-loo-siri (700) kəmba mee ɓee gə́ Israɛl, deḛ lai gə́ d’ɔs kəji dee naŋg no̰ magə-Baal’g el ləm, gə deḛ lai gə́ tɔnee gə ndo̰ dee el ləm tɔ.

Esai 4:3

Bèe ɓa ges njé gə́ Sio̰ gə ges njé gə́ Jerusalem Gə́ nai d’a ɓar dee njémeendaje, To nana ɓa gə́ Njesigənea̰ ndaŋg ria Mbuna deḛ gə́ d’isi kəmba Jerusalem lé.

Jeremi 19:5

Deḛ ra dɔ looje gə́ ndəw d’ar magə-Baal mba roo ŋgan deeje keneŋ gə́ nékinjaməs kar magə-Baal. Yee ɓa to né gə́ ma m’un ne ndum mba kar dee ra əsé m’wɔji mba kar dee ra bèe lé el ləm, to né gə́ ree dan takə̰ji’g ləm kara el ləm tɔ.

Ojee 13:1

Loo gə́ Eprayimje d’isi pata ndá To né gə́ to ɓəl kədm-kədm: Deḛ d’ar ri dee oso gə loo mbidi-mbidi mee ɓee gə́ Israɛl. Nɛ d’ar ta wa dɔ dee mbata lə magə-Baal ndá d’wəi ne.

Ojee 2:8

Gelee gə́ nee ɓa aa oo, Neḛ Njesigənea̰ lé N’a kudu rəw-kabee gə kunje ləm, N’a kunda ndògo-bɔrɔ gaŋgee ne ləm tɔ Gə mba karee iŋga kila-rəwje ləa el ŋga.

Soponi 1:4

N’a tuji Judaje Gə dəwje lai gə́ d’isi Jerusalem gə ji neḛ, N’a tuji ges magə-Baal gə́ nai lée’g neelé pugudu-pugudu ləm, Gə ri njékulaje ləa gə njékinjanéməsje ləa sə dee na̰’d ləm tɔ.

Bula lə Israɛlje 25:3

Israɛlje d’ɔm na̰’d gə magə Baal-Peɔr ndá oŋg lə Njesigənea̰ ḭ səa pu dɔ dee’g.

Tel tura Godndu 4:3

Kəm sí oo né gə́ Njesigənea̰ ra wɔji ne dɔ magə Baal-Peɔr lé gao ya, Ala lə sí gə́ Njesigənea̰ tuji deḛ lai gə́ mbuna sí’d gə́ d’aw goo magə Baal-Peɔr’g neelé,

Njéga̰g-Rəwtaje 2:13

Deḛ d’uba Njesigənea̰ d’yá̰ ndá deḛ tel pole magə-Baal gə Astarteje ɓa.