Njé gə́ Rɔmə 11:33 - Maktub gə́ To gə Kəmee

³³ Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.

Njé gə́ Rɔmə 11:33 ပူးပေါင်းရင်းမြစ်များ

Este 2:22

Mardose oo sor ko̰ njuma̰ neelé ndá yeḛ aw ndaji taree ar Este, dené lə mbai lé tɔɓəi Este aw ula mbai lé taree to gə́ Mardose ulá lé tɔ.

Maktub gə́ wɔji dɔ Jɔb 10:13

Lée togə́bè kara aa oo né gə́ i iya dɔ ɓəŋgəri’g, Aa oo ma m’gər gao, yee ɓa gə́ né gə́ i wɔji məəi’g ya.

Maktub gə́ wɔji dɔ Jɔb 15:8

See ta lə Ala gə́ to loo-kiya’g lé i oo wa. See i tura kəmkàr aree wɔji dɔi-i ya gə kari ba wa.

Maktub gə́ wɔji dɔ Jɔb 23:14

Bèe ɓa né gə́ yeḛ wɔji-kwɔji ra mbata ləm lé a kaw lée’g béréré ləm, Yeḛ a kḛji néje gə́ raŋg bula mba ra ya ləm tɔ.

Maktub gə́ wɔji dɔ Jɔb 26:14

Yee nee ɓa gə́ ŋgaŋ kula reaje, To gə́ kaa né gə́ ɓar lam-lam oso mbi sí’g, Nɛ see na̰ ɓa a koo ndaŋg lə siŋgamoŋ ləa gə́ ɓar paḭ-paḭ lé wa.

Maktub gə́ wɔji dɔ Jɔb 33:13

See mbata ɗi ɓa i ndigi maḭ səa Mbata tura gə́ yeḛ tura goo néreaje ari el wa.

Maktub gə́ wɔji dɔ Jɔb 37:19

Maji kari ar sí n’gər né gə́ kəm kar sí j’ulá, Jeḛ n’to njénégərelje gə́ yaa̰ ɓó j’askəm kulá ta el.

Maktub gə́ wɔji dɔ Jɔb 37:23

Jeḛ j’askəm kaw saar teḛ rɔ Bao-siŋgamoŋ’d el, Yeḛ lé to gə́ boo gə goo siŋgamoŋ ləa ləm, Gə goo rəwta-gaŋg ləa gə nérea gə́ danasur gə́ un naŋg nee lad ləm tɔ, Yeḛ aw ndòo kila ta’g el.

Maktub gə́ wɔji dɔ Jɔb 5:9

Yeḛ ra boo-néje gə́ dum gər ginee ləm, Yeḛ ra néje gə́ maji dum gə́ dum tura ləm tɔ.

Maktub gə́ wɔji dɔ Jɔb 9:10

Yeḛ ra néje gə́ boo-boo gə́ dəw askəm gər el ləm, Yeḛ ra némɔrije gə́ dum tura ləm tɔ.

Pakɔsje 139:6

Gosɔnégər gə́ maji dum gə́ togə́bè lé al dɔm sula, Dum dɔm ɓó m’askəm gər ginee el.

Pakɔsje 145:3

Njesigənea̰ lé to gə́ boo Gə́ kəm kiŋga pidi ləm, Boo ləa lé dum gər ya ləm tɔ.

Pakɔsje 36:6

Njesigənea̰, meemaji ləi lé taa mee dara pəl-pəl ləm, Meenda londoŋ ləi to yaa̰ aw njal teḛ loo-kil’g lə ndi ləm tɔ.

Pakɔsje 40:5

Rɔlel nai gə dəw gə́ ɔm mee jəb-jəb dɔ Njesigənea̰’g ləm, Yeḛ gə́ njaa gə njébeeleje gə njépa taŋgɔmje el ləm tɔ.

Pakɔsje 77:19

Ndi ləi gə́ ndaŋg lé ɓar paḭ-paḭ dan lel-mal’g ləm, Telee gə́ yee tel lé ndogó dɔ loo gə́ naŋg nee ləma, Naŋg kara ula ne déréré-dèrèrè ya ləm tɔ.

Pakɔsje 92:5

Ǝi Njesigənea̰, néraije lé ar rɔm lelm yaa̰, Nérai gə́ i ra gə jii lé kara M’ɔs ne pa m’al ne rɔm ya.

Pakɔsje 97:2

Kil lə ndi gə loo gə́ ndul njudu-njudu lé D’aḭ dəa sub ləm, Meekarabasur gə néra gə́ gə dɔ najee lé ɓa To gə́ gin kalimbai ləa ləm tɔ.

Gosota-Kəmkàrje 25:2

Rɔnduba lə Ala to mba kiya dɔ néje gə́ kiya, Rɔnduba lə mbaije to mba saŋg gin néje mba gər.

Gosota-Kəmkàrje 25:3

Dara gə́ to tar sab ləm, kuru lə naŋg gə́ gə naŋg ləma, Gə meḛ mbaije ləm tɔ lé dum gər ya.

Njekillamber 3:11

Yeḛ ra néje lai ar dee maji mee ndɔje’d gə́ wɔji dɔ dee dɔ dee, yeḛ ar takə̰ji si kəmba gə no̰ kara to meḛ dee’g, nɛ lé bèe kara dəw lé askəm gər né gə́ Ala ra kédé gə́ dɔtar saar ndɔ gə́ rudu lé el.

Njekillamber 7:24

Né gə́ nai əw ləm gə gelee uru yaa̰-yaa̰ ləm tɔ lé See na̰ ɓa askəm teḛ keneŋ wa.

Njekillamber 8:17

Ndá ma m’oo kulaje lai gə́ Ala ra ləm, M’oo to gə́ dəw askəm kiŋga néje Gə́ ra dee dɔ naŋg neelé el ləm tɔ. Yeḛ saŋg dao ne yaa̰ ya nɛ yeḛ iŋga el. Ɓó lé njekəmkàr ndigi gər kara yeḛ askəm gər el tɔ.

Esai 28:29

Né neelé ḭ rɔ Njesigənea̰ gə́ njeboo-néje’g, Ta né gə́ yeḛ wɔji-kwɔji ra lé maji dum ləm, Kəmkàr ləa boo al dɔ loo sula ləm tɔ.

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Njé gə́ Rɔmə 2:4

See bao-noji lə Ala ləm, gə meekila ləa ləma, gə meekai sam-sam ləa ləm tɔ lé i ə̰ji bəḭ-bəḭ wa. See meemaji lə Ala gə́ ɔsi ɓɔḭ-ɓɔḭ gə mba kari wa ndòo rɔi dɔ kaiya’g ləi lé see i gər el wa.

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

1 Njé gə́ Kɔrḭtə 2:10

Ndil ɓa Ala ar kəm sí inja ne dɔ néje’g neelé. Mbata Ndil neelé teg néje lai wɔgədɔ-wɔgədɔ, meekuru lə Ala gə́ suna godo nja kara yeḛ teg ləm tɔ.

Njé gə́ Epesə 1:7

Mbɔl dɔ məsee-yeḛ nja ɓa jeḛ j’iŋga ne nékoga dɔ sí gə́ ɔr kaiya dɔ sí’g gə goo boo-noji ləa

Njé gə́ Epesə 2:7

Meemaji gə́ yeḛ ra sə síjeḛ gə́ j’ɔm na̰’d gə Jeju Kristi lé yeḛ nduba ne noji ləa gə́ dum dɔ loo gə́ raga, gə ləbee-ləbee saar gə no̰.

Njé gə́ Epesə 3:10

Mba kar mbɔl dɔ Eglisə lé dəw-dɔ-looje ləm, gə njéko̰ɓeeje gə́ dara gə́ tar ləm tɔ lé ɓasinè d’a gər ne kəmkàr lə Ala lé gə lée-lée

Njé gə́ Epesə 3:16

mba kar Ndilee ar meḛ sí gə́ kəi to kɔgərɔ-kɔgərɔ gə goo boo-ronduba ləa gə́ tur dɔ loo ləm,

Njé gə́ Epesə 3:18

ɓa seḭ gə deḛ gə́ to gə kəmee na̰’d lé a kasjekəm gərje loo tadee ləm, gə loo ŋgalee ləm, gə loo kuree gə́ naŋg ləma, gə loo dəree gə́ ḭ gə́ tar ləm tɔ.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.