Njé gə́ Rɔmə 11:32 - Maktub gə́ To gə Kəmee

³² Mbata Ala lé mbo̰ dəwje lai gin kalta’g ɓa gə mba mbo̰ deḛ lai gin meekɔrjol’g ləa ɓəi.

Njé gə́ Rɔmə 11:32 ပူးပေါင်းရင်းမြစ်များ

Tagə́maji gə́ Ja̰ ndang 1:7

Yeḛ ree gə mba to njekɔrgoo néra lə lookàr lé mba kar dəwje lai d’ɔm ne meḛ dee dəa’g.

Tagə́maji gə́ Ja̰ ndang 12:32

Nɛ ma lé loo gə́ d’a kunm kundam gə́ tar ndá m’a kɔr dəwje lai ree sə dee rɔm’g ya.

Njé gə́ Rɔmə 11:31

togə́bè Israɛlje kara ɓasinè d’al ta təa’g gə mba kar mbɔl dɔ meekɔrjol gə́ seḭ iŋgaje lé deḛ kara d’a kiŋga sə sí na̰’d ya tɔ.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Njé gə́ Rɔmə 3:9

Səm! See jeḛ maji j’unda dee wa. Bèe el ɓòo. Mbata jeḛ j’ɔr ginta lə Jibje gə Grekje j’ar sí ooje gao to gə́ deḛ lai d’isi gin kaiya’g,

Njé gə́ Rɔmə 5:19

Mbata to gə́ ndɔjita lə dəw kára ba ɓa ar dəwje bula tel to ne njékaiyaje ɓəi lé togə́bè ɓa ŋgonkoji lə dəw kára ba ya a kar dəwje bula tel to ne njémeekarabasurje ɓəi tɔ.

Njé gə́ Galati 3:22

Nɛ maktub gə́ to gə kəmee lé mbo̰ néje lai gin kaiya’g mba kar deḛ gə́ d’un meḛ dee d’ar Jeju Kristi lé meekun lə dee ɓa d’a kiŋga ne né gə́ ndukun wɔji mba kar dee lé tɔ.

Njé gə́ Galati 3:23

Loo gə́ ta meekun teḛ el ɓəi lé jeḛ lai nai gin godndu gə́ aḭ ŋgaŋ sí’g, ŋgina ne ta meekun gə́ d’a gə riba dəa kar sí lé.