Njé gə́ Rɔmə 11:29 - Maktub gə́ To gə Kəmee

²⁹ Mbata nénojije gə́ Ala wɔji gə mba kwa gə dəwje ləm, gə kɔr gə́ yeḛ ɔr dee unda dee gə kəmee ləm tɔ lé yeḛ a tel ne ndia el.

Njé gə́ Rɔmə 11:29 ပူးပေါင်းရင်းမြစ်များ

Ojee 13:14

See m’a kuga dɔ dee kɔr dee ne ji siŋgamoŋ lə ɓee lə njé gə́ d’wəi’g Esé m’a kɔr dee ji yoo’g wa. Ǝi yoo, see nékad ləi to ra wa. Ǝi ɓee lə njé gə́ d’wəi see nétujiloo ləi to ra wa. Nɛ koo kəmtondoo lé iya rəa kəm’g ɓəi.

Malasi 3:6

Ma kara m’a tel ree mbata ma lé m’to Njesigənea̰ ɓó m’tel rɔm ɓəd el. Bèe ɓa seḭ ŋgaka Jakob lé seḭ tujije ne el.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Njé gə́ Rɔmə 11:30

To gə́ kédé lé seḭ nja alje ta ta Ala’g ɓa mbɔl dɔ kalta lə Israɛlje lé ɓasinè seḭ iŋgaje ne meekɔrjol lə Ala lé ɓəi,

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

1 Njé gə́ Kɔrḭtə 1:26

Ŋgakɔmje, tenje ooje, mbuna sí-seḭ gə́ yeḛ ɓar sí neelé njékəmkàrje gə́ wɔji dɔ kəmkàr lə dəwje lé el ləm, njésiŋgamoŋje kara bula el ləma, dəwje gə́ boo-boo kara bula el ləm tɔ.

Njé gə́ Epesə 1:18

Ma m’kwɔiyee mba kar kəmkàr gə́ àr raŋg-raŋg to ne meḛ sí mba kar sí gərje ne némeekundayel gə́ wɔji dɔ ɓar gə́ yeḛ ɓar sí ne ləm, gə boo-ronduba lə nédɔji gə́ yeḛ unda gə kəmee mbata lə deḛ gə́ to gə kəmee ləma,

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

Njé gə́ Epesə 4:4

Darɔ to gə́ kára ba ləm, Ndil kara to gə́ kára ba ləma, seḭje kara deḛ ɓar sí mba kar sí undaje meḛ sí yel dɔ né gə́ kára ba kiao’g ləm tɔ.

Njé gə́ Pilibə 3:14

nɛ ma mbudu ŋgwɔd m’aḭ m’wɔji dɔ né gə́ to nɔm’g kédé mba taa nékiŋga gə́ Ala lé wɔji mba kar deḛ gə́ d’isi gin Jeju Kristi’g tel ne rɔ dee par gə́ dara lé.

2 Njé gə́ Tesalonikə 1:11

Gelee gə́ nee ɓa, jeḛ n’ra ne tamaji ta-ta mbata lə sí mba kar Ala lə sí ar néra sí wa bua ɓar gə́ yeḛ ɓar sí ləm, mba kar mbɔl dɔ siŋgamoŋ ləa ɓa némeemajije ləa lai gə́ yeḛ wɔji-kwɔji ra lé a kɔr dɔ njal ləma, meekun lə sí a ra née karee ɔr ne njal ləm tɔ.

2 Timote 1:9

Yeḛ nja aji sí ləm, yeḛ ɓar sí ləm tɔ mba kar sí n’ra kula gə́ to gə kəmee ɓəd. Néra sí ɓa, yeḛ ɔr sí ne gə mbəa el nɛ to gə goo né gə́ yeḛ nja wɔji-kwɔji mée’g ləm, to gə goo noji gə́ yeḛ wa sə sí gin Jeju Kristi ɓad ɓa yeḛ tum ne gin naŋg nee ɓəi ləm tɔ.

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Ǝbrəje 7:21

Mbata Lebije lé loo gə́ deḛ tel to njékinjanéməsje ndá deḛ manrɔ dee dɔ dee’g el. Nɛ Jeju lé tel to njekinjanéməs gə goo ta manrɔ lə yeḛ gə́ ulá ta pana: Mbaidɔmbaije un ndia njaŋg gə rɔkubu ɓó a pəl ta el. I to njekinjanéməs gə no̰, gə goo ka̰ Melkisedek.

2 Piɛrə 1:10

Gelee gə́ bèe ɓa ŋgakɔmje, maji kar sí oreeje meḛ sí més-més dɔ ɓar gə́ deḛ ɓar sí’g ləm, gə dɔ mbər gə́ deḛ mbər sí’g ləm tɔ, mbata ɓó lé seḭ a raje togə́bè ndá né a kun gɔl sí kar sí làmje ne rɔ sí el.