Njé gə́ Rɔmə 11:26 - Maktub gə́ To gə Kəmee

²⁶ Togə́bè ɓa ginkoji Israɛlje bura d’a kaji ne, to gə goo ta gə́ ndaŋg mee maktub gə́ to gə kəmee lé pana: Njetaa dɔ dee a kḭ Sio̰. Ndá yeḛ a kar ŋgaka Jakobje d’uba goo kila ndɔl dɔ Ala’g lə dee d’ya̰.

Njé gə́ Rɔmə 11:26 ပူးပေါင်းရင်းမြစ်များ

Pakɔsje 106:47

Njesigənea̰, Ala lə sí, maji kari aji sí ya, Maji kari ar sí j’ḭ mbuna ginkoji dəwje gə raŋg’g mbo̰ dɔ na̰ Mba kar sí j’ilaje riɓar dɔ rii gə́ to gə kəmee doi’g lé ləm, Mba kar sí nduba rɔ sí ká m’pidii ne ləm tɔ.

Pakɔsje 14:7

Wai! See na̰ ɓa a kḭ Sio̰ gə mba taa dɔ Israɛlje wa. Ndɔ gə́ Njesigənea̰ a tel gə dəwje ləa gə́ d’wa dee ɓər lé Ndá Jakob a kal rəa ləm, Israɛlje kara d’a si dan rɔlel’g ləm tɔ.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 59:20

Njetaa dɔ dee a ree mbata njé gə́ Sio̰ gə njé’g lə Jakob D’a kuba goo kaiyaje lə dee kya̰, Njesigənea̰ ɓa pa bèe.

Jeremi 31:1

Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Matiyo 1:21

Yeḛ nja a kaji dəwje ləa kɔr dee ne dan kaiyaje’g lə dee.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.