Njé gə́ Rɔmə 11:21 - Maktub gə́ To gə Kəmee

²¹ Mbata ɓó lé Ala tuga barkəm kagɓeeje ɓó ɔr kəmee goo dee’g el, nɛ ɓəd ɓa i gə́ to kag mee kɔr lé see a lal tugai loo gə́ ra’g wa.

Njé gə́ Rɔmə 11:21 ပူးပေါင်းရင်းမြစ်များ

Jeremi 25:29

Mbata aa ooje, ɓee-boo gə́ ri neḛ ɓar dɔ’g lé n’un kudu ra né gə́ majel keneŋ. Ŋga see seḭ a síje lal karee tibi mbɔr sí wa! A lal tibi mbɔr sí el. Mbata n’a ɓar kiambas karee ree dɔ dəwje lai gə́ d’isi dɔ naŋg nee. Njesigənea̰ gə́ njeboo-néje ɓa pa bèe.

Jeremi 49:12

Mbata Njesigənea̰ pa togə́bè pana: Aa ooje, deḛ gə́ kəm kar dee d’ai né mee bai-oŋg’d nee el lé d’a kai ya. Ŋga seḭ lé see bo̰ néra sí a lal kɔs ta sí’g wa! Seḭ a naije lal kar bo̰ néra sí ɔs ta sí’g el, né gə́ mee bai-oŋg’d neelé seḭ a kaije ya.

Njé gə́ Rɔmə 11:17

Kag-koiyo lé ɓó lé deḛ tuga barkəmeeje gə́ na̰je nɛ i gə́ to gə́ koiyo gə́ mee kɔr’g lé deḛ d’ḭjai ree kɔdé kəm kagɓee d’ulai tor barkəmeeje gə́ tuga lé mba kari orè na̰ gə kagɓee dɔ ŋgira’g ləm, gə dɔ bodee’g ləm tɔ

Njé gə́ Rɔmə 11:19

I a pana: Deḛ tuga barkəm kagje mba kɔdé kəm kagɓee kulai keneŋ.

Njé gə́ Rɔmə 11:20

Yee neelé to lée’g ya, deḛ tuga kəmkagje neelé mbata deḛ to njémeekɔs ŋgwɔḭje nɛ i lé mbɔl dɔ meekun ləi ɓa i nai ne keneŋ ɓəi. Ar məəi to kəgəgə dɔ rɔi’g ɓó beelé ne dɔ meekun’g ləi el.

Njé gə́ Rɔmə 11:22

Meemaji lə Ala ləm, gə néra gə́ kədərə gə́ dum maree gə́ yeḛ ra ləm tɔ lé maji kari la̰ji toree məəi’g: néra gə́ kədərə gə́ dum maree gə́ yeḛ a ra gə deḛ gə́ d’oso nɛ meemaji ləa gə́ yeḛ ra səi-i ɓó lé i aar dɔ gɔli’g njaŋg gin meemaji ləa’g ya. Ɓó lé i aar dɔ gɔli’g njaŋg keneŋ el ndá yeḛ a tugai tɔ.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Jude 1:5

Taje neelé lai seḭ gərje mba̰ ya nɛ ma m’ndigi kolé meḛ sí dɔ’g ɓəi. Loo gə́ Mbaidɔmbaije ɔr dəwje ləa Ejiptə’g aji dee lé mba̰ ndá gée gə́ gogo yeḛ tel tuji dee-deḛ gə́ njékɔs kankəmta rəwje lé tɔ.