Njé gə́ Rɔmə 11:2 - Maktub gə́ To gə Kəmee

² Dəwje ləa gə́ yeḛ gər dee kédé lé Ala unda dee ɓad el. See seḭ gərje el wa. Maktub gə́ to gə kəmee ɔr sor Eli loo gə́ yeḛ no̰ no̰ nee dɔ Israɛlje’g pana:

Njé gə́ Rɔmə 11:2 ပူးပေါင်းရင်းမြစ်များ

Gḭ-Néje 44:15

Jisəb dəji dee pana: See ɗi ɓa seḭ raje bèe wa. See seḭ gərje to gə́ dəw gə́ to gə́ ma bèe lé askəm saŋg né gə́ to loo-kiya’g el wa.

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Pakɔsje 94:14

Mbata Njesigənea̰ lé Uba dəwje ləa lé ya̰ dee el ləm, Deḛ gə́ to nédɔji ləa lé kara Yeḛ uba dee ya̰ dee gə goo ŋgalee el ləm tɔ

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

Jeremi 31:37

Njesigənea̰ pa togə́bè pana: Ɓó lé dəw askəm kwɔji tad lə dara gə́ tar ləm, Gə askəm tən gin naŋg gə́ bər ləm tɔ ndá Ma kara m’a kɔm ginkoji Israɛlje lai kɔrɔ Gə mbata néra deeje lai tɔ, Njesigənea̰ ɓa pa bèe.

Bula lə Israɛlje 16:15

Oŋg lə Moyis al dəa sula ndá yeḛ ula Njesigənea̰ pana: Nékarje lə dee lé maji kari oo gə́ né el. Ma lé m’taa mulayḛ̀je lə dee kára kara el ləm, m’ra majel gə dəw kára kara mbuna dee’g el ləm tɔ.

Mark 12:26

Ta gə́ wɔji dɔ deḛ gə́ d’a teḛ dan njé gə́ d’wəi’g lé see seḭ turaje ta gə́ Moyis ndaŋg loo gə́ Ala lé teḛ dəa’g mbɔr ŋgon kag’d lé el wa. Mbata yeḛ ulá pana: Ma m’to Ala lé lə Abrakam ləm, gə Ala lé lə Isaak ləma, gə Ala lé lə Jakob ləm tɔ.

Lugu 4:1

Ndilmeenda taa mee Jeju pəl-pəl loo gə́ yeḛ ḭ ta baa gə́ Jurdɛ̰ tel ree lé ndá Ndil lé ɔsee aw səa dɔdilaloo’g

Tagə́maji gə́ Ja̰ ndang 4:11

Dené lé tel dəjee pana: Mbai, i aar gə nékɔrman el nɛ bwa-mán lé uru yaa̰. See i a kḭ gə mán gə́ aḭ teḛ kuji-kuji lé ra wa.

Néra Njékaḭkulaje 13:48

Loo gə́ njépole-magəje d’oo ta neelé ndá deḛ ra rɔlel d’ula ne rɔnduba dɔ ta’g lə Mbaidɔmbaije. Deḛ lai gə́ d’wa kəmə gə́ gə no̰ d’wɔji ne dɔ dee lé d’un meḛ dee tɔ.

Néra Njékaḭkulaje 15:18

Mbaidɔmbaije gə́ njegɔl néje neelé Gə́ yeḛ riba dɔ dee kédé par-par lé yeḛ nja ɓa pa bèe.

Néra Njékaḭkulaje 3:17

Ŋgakɔmje, ɓasinè ma m’gər gao, né gə́ seḭ raje lé seḭ raje dɔ mbə’g ləm, mbaije lə sí kara deḛ ra dɔ mbə’g ya ləm tɔ.

Néra Njékaḭkulaje 7:40

ar dee d’ula Aaro̰ pana: Maji karee ra magə-poleje gə́ d’a njaa no̰ neḛje’g, mbata Moyis nee gə́ ar neḛ n’undaje loo mee ɓee gə́ Ejiptə teḛ lé neḛ n’gərje né gə́ teḛ dəa’g el.

Njé gə́ Rɔmə 6:16

See seḭ gərje el wa, yeḛ gə́ seḭ ɔmje rɔ sí jia’g mba kila ne ŋgonkoji dəa’g lé ndá seḭ naije gə́ ɓərje ləa nja. Lé kaiya gə́ o̰ sí ɔm sí ta yoo’g əsé ŋgonkoji gə́ o̰ sí ɔm sí dɔ meekarabasur’g, yeḛ gə́ seḭ ɔmje rɔ sí jia’g lé ndá seḭ toje ɓərje ləa ya.

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

Njé gə́ Rɔmə 9:6

Ta lə Ala lé ra née nja ɓó təa wa ŋgɔ el. Mbata deḛ lai gə́ to gə́ ŋgaka Israɛlje lé to Israɛlje gə́ kojikəi ɓa lai el.

1 Njé gə́ Kɔrḭtə 6:2

See seḭ gərje to gə́ deḛ gə́ to gə kəmee ɓa d’a gə gaŋg rəwta dɔ njé gə́ dɔ naŋg neelé el wa. Ɓó lé seḭ a gə gaŋgje rəwta dɔ njépole-magəje’g ndá see seḭ asjekəm gɔlje ŋgan taje gə́ togə́bè mbuna sí’g el wa.

1 Njé gə́ Kɔrḭtə 8:3

Nɛ ɓó lé dəw kára unda Ala dan kəmee’g ndá Ala gər ndiaa tɔ.

Njé gə́ Pilibə 1:22

Ɓó lé kisi kəmba ɓa gə kuma̰ mba tɔl ne kula ram lé ɓəi ndá né gə́ ma m’ndigi ra lé m’oo loo pea el.

Ǝbrəje 1:1

Ləw ləw ɓa Ala pata gə tapea ləm, gə néreaje ɓəd-ɓəd gə́ d’ɔs goo na̰ goo na̰ ar ka síje d’oo ar njéteggintaje ɓa ria ne sə dee dəa ya.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.