Njé gə́ Rɔmə 11:17 - Maktub gə́ To gə Kəmee

¹⁷ Kag-koiyo lé ɓó lé deḛ tuga barkəmeeje gə́ na̰je nɛ i gə́ to gə́ koiyo gə́ mee kɔr’g lé deḛ d’ḭjai ree kɔdé kəm kagɓee d’ulai tor barkəmeeje gə́ tuga lé mba kari orè na̰ gə kagɓee dɔ ŋgira’g ləm, gə dɔ bodee’g ləm tɔ

Njé gə́ Rɔmə 11:17 ပူးပေါင်းရင်းမြစ်များ

Pakɔsje 52:8

Njémeekarabasurje lé d’a koo ndá d’a ɓəl ne ləm, D’a kɔr sor kwɔji ne dəa kɔgee ne ləm tɔ pana:

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 6:13

Ɓó lé ges njéɓeeje gə́ kudu dɔg nai loo kára Ndá d’a tel tuji pugudu. Nɛ to gə́ tuga ne kag-terebḭtə gə kag-sɛnə D’ar dɔ jigi dee nai lé Ginka gə́ to gə kəmee kara A kḭ gin koso-dəwje’g neelé tɔ.

Jeremi 11:16

Koiyo gə́ idi pug-pug Gə́ ka̰dee maji kəm dəwje’g lé Yee ɓa gə́ ri gə́ Njesigənea̰ unda dɔ sí’g. Dan kaa né gə́ ɓar yi-i-i’g lé Ɓa pər a mbudu keneŋ ko̰ ləm, Barkəmeeje a təd ne rém-rém ləm tɔ.

Junas 1:16

Dəwje neelé kaar dee wa dee paḭ ar dee ɓəl Njesigənea̰, tɔɓəi deḛ d’inja nékinjaməs d’ar Njesigənea̰ ləm, d’un ndu dee d’aree ləm tɔ.

Jakari 4:3

Tɔɓəi kag-koiyoje joo to mbɔree’g, yee gə́ kára to dɔkɔl lə kuée ləm, yeḛ gə́ raŋg to dɔgelee’g ləm tɔ.

Matiyo 21:43

Gelee gə́ nee ɓa ma m’ula sí ne m’pana: Ɓeeko̰ lə Ala lé d’a taa ji sí’g kula ji ginkoji dəwje gə́ kudu kára gə́ néra dee wa bua ɓeeko̰ lé.

Tagə́maji gə́ Ja̰ ndang 15:1

Ma m’to gə́ rɔ nduú gə́ gəd ndá Bɔm ɓa to gə́ njendɔ nduú tɔ.

Tagə́maji gə́ Ja̰ ndang 15:2

Barkəm nduú gə́ rara gə́ uba kaarm’g ɓa andə el ndá yeḛ tuga badə-badə gaŋg, nɛ barkəm gə́ rara ɓa gə́ andə ndá yeḛ rəa bur-bur gə mba karee andə unda njé gə́ kédé.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Njé gə́ Rɔmə 11:24

I gə́ deḛ tugai dɔ kag koiyo’g gə́ mee kɔr’g, kɔdé kəm kagɓee gə́ to gə́ dɔ naŋgi el d’ulai keneŋ, nɛ ɓəd ɓa see deḛ gə́ to gə́ barkəm kagɓeeje lé see d’a kɔdé kəm kagɓee mar deeje kula dee keneŋ el wa.

Njé gə́ Galati 2:15

Jeḛ lé jeḛ n’to Jibje gə́ kojikəikɔl ya ɓó jeḛ n’to gə́ njékaiyaje ɓa mbuna njépole-magəje’g el.

Njé gə́ Epesə 3:6

Ta gə́ to loo-kiya’g lé ɓa to nee: Njétar-Alaje lé d’orè sə sí kaar nédɔji lə sí ləm, jeḛ sə deeje n’toje gə́ na̰’d kára ba ləma, d’orè sə sí na̰ dɔ ndukun gə́ Ala ar sí gin Jeju Kristi’g gə goo Tagə́maji lé ləm tɔ.

Tel tura Godndu 8:8

ɓee gə́ kó, gə yee gə́ to tana gə kó gə́ ɓaree blé, gə kag-nduúje gə kag-kodéje, gə kag-dḭje to keneŋ, tɔɓəi ɓee neelé kag-koiyoje gə ubu tə̰ji to keneŋ ləm tɔ.

Njé gə́ Kolosə 2:13

Seḭ lé seḭ wəije yoo-kalta lə sí lé ləm, gə yoo-néra sí gə́ wɔji dɔ goré gə́ deḛ goré ne dakasrɔ sí el ləm tɔ nɛ Ala nja ar sí tel sije kəmba gə Kristi na̰’d loo gə́ yeḛ ar mée oso lemsé dɔ kaltaje’g lə sí.

Loo gə́ killa rea kəm Ja̰’g 11:4

Deḛ neelé to gə́ kag koiyoje gə́ joo ləm, gə kag pərndɔje gə́ joo ləm tɔ gə́ d’aar tar no̰ Mbai dɔ naŋg nee.