Njé gə́ Rɔmə 10:18 - Maktub gə́ To gə Kəmee

¹⁸ Nɛ ma m’pana: See Israɛlje d’oo ta neelé el wa. Deḛ d’oo ya. Ndu dee ɓar ɔr rudu naŋg nee rɔd ya ləm, Ta lə dee ɔr gwɔi naŋg nee njal ləm tɔ.

Njé gə́ Rɔmə 10:18 ပူးပေါင်းရင်းမြစ်များ

1 Mbaije 18:10

Njesigənea̰ to Njesikəmba! Ginkoji gə́ rara əsé ɓeeko̰ gə́ rara gə́ lal kar ɓémje ula kula keneŋ sa̰gi lé godo, tɔɓəi loo gə́ deḛ pana: I godo loo gə́ nee’g ndá yeḛ ar ɓeeko̰ neelé əsé ginkoji neelé naji bər-bər pana: N’iŋgaije el.

Pakɔsje 19:4

Taree neelé to gə́ takɔji dəwje əsé to tapa dee ɓa Ndia a lal koso mbi dee’g el.

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Esai 24:16

Jeḛ j’ooje ndu pa gwɔi naŋg’d pana: Rɔnduba nai gə njera né gə́ gə dɔ najee! Nɛ ma ndá m’pana: Siŋgam godo, siŋgam godo! Meeko̰ oso dɔm’g ya! Njékun dɔ looje ra né Gə goo kun dɔ loo lə dee ləm, D’aar njaŋg dɔ kun dɔ loo’g lə dee ləm tɔ.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Matiyo 24:14

Ta gə́ maji nee gə́ wɔji dɔ ɓeeko̰ lé d’a kila ne mber gə loo mbidi-mbidi dɔ naŋg nee mba kar ginkoji dəwje gə raŋg lai d’oo ginee ɓa ndɔ gə́ rudu lé a teḛ ɓəi.

Matiyo 26:13

Ma m’ula sí təsərə, loo gə́ rara gə́ dɔ naŋg nee gə́ d’a gə kila mber tagə́maji keneŋ lé ndá d’a kɔr sor né gə́ dené ra səm neelé mba kar meḛ dee olé ne dəa’g ya.

Matiyo 28:19

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ.

Matiyo 4:8

Njekurai lé undá aw səa dɔ mbal gə́ ŋgal léŋgé-léŋgé’g. Yeḛ tɔjee ɓeeko̰je gə́ naŋg nee lai-lai gə néro̰dubaje lə dee tɔ ndá yeḛ ulá pana:

Mark 16:15

Tɔɓəi yeḛ ula dee pana, awje gə loo-loo dɔ naŋg nee ilaje mber tagə́maji lé arje dəw-kundaje lə Ala lé lai.

Mark 16:20

Deḛ d’ḭ d’aw gə loo lai d’ila mber tagə́maji lé ya. Mbaidɔmbaije orè dee més loo kula ra dee’g ya ndá yeḛ ar dee ra némɔrije d’orè ne kaar ta ləa gə́ deḛ d’ɔr lé aree to gə́ kankəmta ya.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.

Néra Njékaḭkulaje 28:23

D’wɔji ndɔ dee d’aree ɓa njé gə́ na̰je bula ree d’iŋgá kəi gə́ yeḛ si keneŋ lé. Pool ɔr ta riba ne dɔ ɓeeko̰ lə Ala, ɔr ne ginta godndu Moyis gə ka̰ njéteggintaje gə́ wɔji dɔ Jeju ula ne ta meḛ dee’g. D’wɔji na̰ ta dɔ’g gə ndɔ ya saar d’ar kàrkemetag dɔ dee’g.

Njé gə́ Rɔmə 1:8

Kédé gə́ dɔtar ɓa ma m’ra Ala ləm oiyo gə ri Jeju Kristi mbata lə sí lai mbata ta meekun lə sí lé nea̰ oso gə loo mbidi-mbidi ya.

Njé gə́ Rɔmə 15:19

Yeḛ nja ɓa am siŋgamoŋ mba ra ne némɔrije gə né gə́ dum ra ləm, yeḛ ar siŋgamoŋ lə Ndil Ala nai səm ləm tɔ. Yee ɓa m’ila ne mber tagə́maji lə Kristi m’aree taa ne loo pəl-pəl un kudee Jerusalem saar teḛ Ilyri.

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

Njé gə́ Kolosə 1:6

Tagə́maji lé to mbuna sí’g ləm, to mbuna dəwje lai-lai gə́ dɔ naŋg neelé ləm tɔ, yee teḛkɔr aw gə́ kédé-kédé to gə́ yeḛ ra mbuna sí’g un kudee mee ndəa gə́ kəm sí inja dɔ noji’g lə Ala gə́ aw na̰’d gə kankəmta lé.

1 Njé gə́ Tesalonikə 1:8

Tɔgərɔ ya, ta lə Mbaidɔmbaije lé ḭ rɔ sí’g oso ɓeeko̰ gə́ Masedoinə ləm gə Akai ləm gə karee el nɛ kɔm gə́ seḭ ɔmje meḛ sí dɔ Ala’g lé nea̰ oso gə loo mbidi-mbidi ar dəwje lai d’oo mba̰ ɓó loo to̰ tamee godo ŋga.