Njé gə́ Rɔmə 10:16 - Maktub gə́ To gə Kəmee

¹⁶ Nɛ deḛ lai d’ila ŋgonkoji dɔ ta gə́ maji’g lé el. Bèe ɓa Esai pa ne togə́bè pana: Mbaidɔmbaije, ta gə́ j’ɔr j’ula dee lé see na̰ ɓa ɔm mée dɔ’g wa.

Njé gə́ Rɔmə 10:16 ပူးပေါင်းရင်းမြစ်များ

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Esai 53:1

Ta gə́ d’ɔr d’ula sí lé See na̰ ɓa ɔm mée dɔ’g wa. See na̰ ɓa gər to gə́ ji Njesigənea̰ ɓa ra wa.

Matiyo 13:14

Ta gə́ Ala ula Esai aree pa lé ɔr gin ka̰ dee njal pana: Seḭ a kooje gə mbi sí ya nɛ a ɓar gə́ koo mbi sí’g ləm, Seḭ a kooje gə kəm sí ya nɛ seḭ a kaaje gə́ kaa mbə̰ ləm tɔ.

Tagə́maji gə́ Ja̰ ndang 10:26

Nɛ seḭ ɔmje meḛ sí dɔm’g el mbata seḭ toje badje ləm el.

Néra Njékaḭkulaje 28:24

Ta gə́ yeḛ ula dee lé njé gə́ na̰je taa rəgm ya, nɛ njé gə́ na̰je d’ɔm meḛ dee dɔ’g el tɔ.

Njé gə́ Rɔmə 1:5

Yee ɓa gə́ Jeju Kristi Mbaidɔmbaije lə síjeḛ. Mbɔl dəa-yeḛ nja ɓa j’isi ne dan noji’g ləm, j’iŋga ne kula ra njékaḭkulaje lé ləm tɔ mba kɔr ne ginkoji dəwje gə raŋg gə́ njépole-magəje ree ne sə dee kar dee d’un ne meḛ dee d’ila ne ŋgonkoji dəa’g mba kar ria ɓar ne.

Njé gə́ Rɔmə 11:17

Kag-koiyo lé ɓó lé deḛ tuga barkəmeeje gə́ na̰je nɛ i gə́ to gə́ koiyo gə́ mee kɔr’g lé deḛ d’ḭjai ree kɔdé kəm kagɓee d’ulai tor barkəmeeje gə́ tuga lé mba kari orè na̰ gə kagɓee dɔ ŋgira’g ləm, gə dɔ bodee’g ləm tɔ

Njé gə́ Rɔmə 16:26

nɛ ɓasinè ta gə́ njéteggintaje ndaŋg lé riba dəa təsərə gə goo ndukun lə Ala gə́ njesikəmba lé ləm, ar ginkoji dəwje gə raŋg lai-lai d’oo mba kar dee d’un ne meḛ dee d’ila ne ŋgonkoji dəa’g ləm tɔ lé

Njé gə́ Rɔmə 2:8

Nɛ deḛ gə́ maḭta gə́ gə mḭdé ba d’ɔs ne ta gə́ tɔgərɔ rəw ləm, tel rɔ dee goo né gə́ dɔ najee el ləm tɔ lé oŋg gə meeko̰ a koso dɔ dee’g.

Njé gə́ Rɔmə 3:3

Ɓó lé njé gə́ na̰je mbuna dee’g d’ɔm meḛ dee dɔ’g el ndá see meembɔrè lə dee a tuji meenda londoŋ lə Ala wa.

Njé gə́ Rɔmə 6:17

Maji kar dɔkaisəgərə nai gə Ala ya mbata kédé seḭ toje ɓərje lə kaiya nɛ ɓasinè seḭ ḭje gə meḛ sí ilaje ne ŋgonkoji dɔ ta gə́ d’ar sí gə́ né ndɔji sí dana par-par.

Njé gə́ Galati 3:1

Ǝi Galadje, seḭ gə́ kəmkàr na meḛ sí tas lé see na̰ ɓa tel kəm sí wa. Seḭ gə́ deḛ ria sə sí dɔ ɗar gə́ deḛ ɗar Kristi kaar kag’d lé d’aree to raga kəm sí’g pai-pai ya.

Njé gə́ Galati 5:7

Seḭ aḭjengwɔd maji ya. See na̰ ɓa gə́ njegaŋ sí rəw ɔg sí loo kila ŋgonkoji dɔ kankəmta’g lé wa.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Ǝbrəje 11:8

Meekun lé ɓa Abrakam ila ne ŋgonkoji dɔ Ala’g. Loo gə́ yeḛ ɓaree ne mba karee aw si dɔ naŋg gə́ yeḛ a gə kiŋga gə́ dɔ nduba ləa ndá yeḛ ḭ aw ne, nɛ yeḛ gər loo kabee el.

Ǝbrəje 4:2

Mbata Tagə́maji gə́ d’ula sí lé d’ula dee-deḛ tɔ, nɛ deḛ lé ta gə́ d’ula dee tel to gə́ sin mbata deḛ d’oo ya, nɛ d’ɔm meḛ dee dɔ’g el.

Ǝbrəje 5:9

Yee ɓa, loo gə́ yeḛ to ne dəw gə́ maji ɔr njoroŋ ɓəi ndá yeḛ tel tum ne gin kaji gə́ a to gə no̰ mbata lə deḛ lai gə́ d’ila ŋgonkoji dəa’g lé.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 2:8

Deḛ daree, d’oso ne mbata d’ila koji dɔ kankəmta’g el, yee gə́ bèe ɓa né gə́ ɔs dee ra dee ne.

1 Piɛrə 3:1

Seḭ denéje lé maji kar sí tədjekag ŋgaw síje mba kar ɓó lé njé gə́ na̰je d’ila koji dɔ kankəmta’g neelé ndá néra gə́ maji lə denéje lə dee ɓa a kar dee d’ila ne koji dɔ’g ya. Ɓó lé seḭ a kula deeje ta gə́ raŋg kára el kara