Njé gə́ Rɔmə 1:7 - Maktub gə́ To gə Kəmee

⁷ Seḭje lai gə́ sije Rɔm, seḭ gə́ Ala ɓar sí unda sí dan kəmee’g gə mba kunda sí gə kəmee lé maji kar noji gə meelɔm lə Ala Bɔ síje ləm, gə ka̰ Mbaidɔmbaije Jeju Kristi ləm tɔ lé nai sə sí.

Njé gə́ Rɔmə 1:7 ပူးပေါင်းရင်းမြစ်များ

Pakɔsje 60:5

Koso-dəwje ləi lé I nja ar dee d’oo néje gə́ kədərə, Man-nduú gə́ mḭ gə́ to ka̰ tel dɔ wagəsa lé I nja ɔs sí ar sí j’ai.

Pa gə́ ur dɔ paje 5:1

Kɔnanəm, njemɔr ləm, Ma m’andə loo-ma̰a-kagje’g ləm, Ma m’ti timbá gə néje gə́ ə̰də sululu ləm, Ma m’usɔ mba̰ tə̰ji gə ubee na̰’d ləma, Ma m’ai mán-nduú gə mbà na̰’d ləm tɔ. Baokuraje ləm, sɔje gə aije, Arje mal ndigi na̰ ra sí!

Bula lə Israɛlje 6:25

Maji kar Njesigənea̰ ar kəmee to dɔi’g jḛ̀ ləm, maji karee wa səi noji ləm tɔ!

Matiyo 5:16

Maji kar néndogó lə sí kara ndogó kəm dəwje’g jol-jol. Bèe ɓa d’a koo néra maji lə sí ndá d’a kula ne rɔnduba dɔ Bɔ síje gə́ si dara lé ya.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Néra Njékaḭkulaje 15:23

Deḛ ndaŋg maktub d’ula ji dee’g d’ar dee d’aw ne, deḛ pata mee maktub’g neelé pana: Jeḛ njékaḭkulaje ləm, gə ŋgatɔgje ləma, gə ŋgako̰ na̰je ləm tɔ lé jeḛ ndaŋg maktub nee j’ar sí-seḭ ŋgako̰ na̰je gə́ mbuna njépole-magəje gə́ sije Antiɔs gə Siri gə Silisi tɔ. Jeḛ n’ra sí lapia gə́ boo.

Néra Njékaḭkulaje 9:13

Ananias ilá keneŋ pana: Mbaidɔmbaije, m’oo ta néra gə́ majel gə́ dəw neelé ra gə njémeendaje gə́ Jerusalem lé ta dəwje wəg-wəg.

Njé gə́ Rɔmə 1:6

Seḭje kara seḭ sije mbuna dee’g, seḭ gə́ Jeju Kristi ɓar sí lé.

Njé gə́ Rɔmə 5:1

Jeḛ lé mbɔl dɔ meekun lə sí ɓa Ala ɔr ne ta dɔ sí’g yee ɓa Mbaidɔmbaije lə sí Jeju Kristi lé ar sí j’ɔm na̰’d yəg gə Ala tɔ.

Njé gə́ Rɔmə 5:5

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

Njé gə́ Rɔmə 8:39

əsé gə njédumdɔlooje, əsé deḛ gə́ d’isi sém dara’g, əsé deḛ gə́ d’isi bwa-wəl gə́ suna godo, əsé nékunda gə́ rara gə́ dɔ naŋg nee, kara meenoji lə Ala gə́ kúla kum sí səa na̰’d gə Jeju Kristi Mbaidɔmbaije lə sí tegginee ar sí lé né kára kara as ga̰g kúla neelé pai godo.

Njé gə́ Rɔmə 9:25

to gə́ yeḛ pa mee maktub’g lə Ojee lé pana: Deḛ gə́ to gə́ dəwje lə neḛ el lé N’a ɓar dee dəwje lə neḛ ya ləm, Deḛ gə́ neḛ n’unda dee dan kəm neḛ’g el lé Ɓasinè n’a ɓar dee dəwje gə́ n’unda dee dan kəm neḛ’g ya ləm tɔ.

1 Njé gə́ Kɔrḭtə 1:24

Nɛ deḛ gə́ Ala lé ɓar dee lé Jibje əsé Grekje kara ta lə Kristi gə́ deḛ ɗaree kaar kag’d lé deḛ d’oo gə́ siŋgamoŋ lə Ala lé ləm, gə kəmkàr ləa ləm tɔ.

1 Njé gə́ Kɔrḭtə 16:23

Maji kar sí síje dan noji’g lə Mbaidɔmbaije Jeju Kristi!

Njé gə́ Galati 6:18

Ŋgakɔmje, maji kar noji lə Mbaidɔmbaije lə sí Jeju Kristi nai gə ndil sí tɔ! Amen!

Njé gə́ Epesə 1:2

Maji kar noji gə meelɔm lə Ala Bɔ síje ləm, gə ka̰ Mbaidɔmbaije Jeju Kristi ləm tɔ lé nai sə sí.

Njé gə́ Epesə 6:23

Maji kar meelɔm, gə meenoji gə́ aw gə meekun gə́ ḭ rɔ Ala Bɔ síjeḛ ləm, gə rɔ Mbaidɔmbaije Jeju Kristi ləm tɔ lé nai gə ŋgako̰ síjeḛ lai!

Tel tura Godndu 33:12

Yeḛ pata dɔ ginkoji Bḛjamije’g pana: Deḛ gə́ Njesigənea̰ unda dee dan kəmee’g lé, D’a si lɔm mbɔree’g ya, Njesigənea̰ a ko̰ dɔ dee ta-ta ləm, A kunda dee dɔ tamee’g ləm tɔ.

Njé gə́ Pilibə 1:2

Maji kar noji gə meelɔm gə́ ḭ rɔ Ala Bɔ síjeḛ’g ləm, gə rɔ Mbaidɔmbaije’g lə sí Jeju Kristi ləm tɔ lé nai sə sí.

Njé gə́ Pilibə 4:13

Mbɔl dɔ yeḛ gə́ orəm més lé lé riri kara m’askəm ra ya.

Njé gə́ Pilibə 4:20

Maji kula rɔnduba dɔ Ala Bɔ síjeḛ lé gə ləbee-ləbee saar-saar gə no̰. Amen!

Njé gə́ Pilibə 4:23

Maji kar noji lə Mbaidɔmbaije Jeju Kristi nai gə ndil sí.

Njé gə́ Kolosə 1:2

jeḛ ndaŋg maktub nee j’ar ŋgako̰ síje gə́ to majikojije gə́ to gə kəmee gə́ d’ɔm na̰’d gin Kristi gə́ d’isi Kolosə lé. Maji kar noji gə meelɔm gə́ ḭ rɔ Ala Bɔ síje lé nai sə sí ya.

Njé gə́ Kolosə 3:12

Bèe ndá to gə́ seḭ toje dəwje gə́ to gə kəmee gə́ m’unda sí dan kəm’g ləm, Ala lé nja ɔr sí gə kəmee ləm tɔ ndá maji kar sí arje meekoso lemsé ləm, gə meemaji ləm, gə kosokul ləm, gə kaw yururu ləma, gə meekila ləm tɔ lé to ne néje gə́ seḭ dolèje ne rɔ sí yul-yul ya.

Njé gə́ Kolosə 3:15

Maji kar meelɔm lə Kristi taa meḛ sí pəl-pəl, yee ɓa yeḛ ɓar sí ne mba kar sí toje kubururɔ dəw gə́ kára ba. Maji ra Ala oiyo tɔ.

1 Njé gə́ Tesalonikə 1:1

Ma Pool gə Silbɛ̰ gə Timote, jeḛ ndaŋg maktub nee j’ar Eglisə gə́ Tesalonik, seḭ gə́ ɔmje na̰’d gə Ala Bɔ síje ləm, gə Jeju Kristi Mbaidɔmbaije lé ləm tɔ. Maji kar noji gə meelɔm nai sə sí ya!

1 Njé gə́ Tesalonikə 1:3

Tɔgərɔ ya, meḛ sí olé dɔ sí’g ta-ta no̰ Ala Bɔ síje’g loo gə́ j’ə̰ji dɔ meekun lə sí gə́ ra née ləm, gə nojimeenda gə́ seḭ waje gə mar síje ləma, gə kaar gə́ seḭ aarje njaŋg undaje ne meḛ sí yel gə́ dɔ Mbaidɔmbaije’g lə sí Jeju Kristi lé ləm tɔ.

1 Njé gə́ Tesalonikə 1:4

Jeḛ n’gər gao, seḭ ŋgako̰ síje gə́ Ala unda sí dan kəmee’g lé yeḛ nja ɔr sí ne unda sí ne gə kəmee ya.

1 Njé gə́ Tesalonikə 4:7

Mbata Ala ɓar sí mba kar sí j’isi gə kəmee ɓó gə mba kar sí toje gə́ njémeemina̰je el.

1 Njé gə́ Tesalonikə 5:28

Maji kar noji lə Mbaidɔmbaije lə sí Jeju Kristi lé nai sə sí lai ya.

2 Njé gə́ Tesalonikə 1:2

Maji kar noji gə meelɔm gə́ ḭ rɔ Ala Bausijeḛ’g ləm, gə rɔ Mbaidɔmbaije lə sí Jeju Kristi’g ləm tɔ lé nai sə sí.

2 Njé gə́ Tesalonikə 3:16

Maji kar Mbaidɔmbaije gə́ njeyelko meelɔm lé yel kó meelɔm meḛ sí’g gə lée-lée ləm, gə kəmee-kəmee ləm tɔ. Maji kar Mbaidɔmbaije nai sə sí lai-lai tɔ.

2 Njé gə́ Tesalonikə 3:18

Maji kar noji lə Mbaidɔmbaije Jeju Kristi nai sə sí lai ya.

1 Timote 1:2

m’ndaŋg maktub nee m’ar Timote, ŋgonəm gə́ gəd-gəd gin meekun’g. Maji kar noji, gə meekɔrjol, gə meelɔm gə́ ḭ rɔ Ala Bɔ síje’g ləm, gə rɔ Jeju Kristi Mbaidɔmbaije’g lə sí ləm tɔ lé nai səi.

1 Timote 6:2

Deḛ gə́ ɓée deeje to gə́ njétaamee-Kristije lé maji kar dee d’oo ɓée deeje gə́ ŋgako̰ deeje gə́ kari lal təd ne kag dee el. Nɛ maji kar dee ra kula lə dee maji unda nje gə́ kédé mbata ɓée deeje gə́ deḛ ra kula maji d’ar dee lé deḛ to ŋgako̰ deeje gə́ njétaamee-Kristije ya. Maji kari ndoo dee taje neelé ləm, ndəji dee ne ləm tɔ.

2 Timote 1:2

ma m’unda maktub nee m’ar Timote, ŋgonəm gə́ m’undá dan kəm’g. Maji kar noji gə meekɔrjol gə meelɔm gə́ ḭ rɔ Ala Bɔ síje’g ləm, gə rɔ Jeju Kristi Mbaidɔmbaije’g lə sí ləm tɔ lé nai səi ya!

2 Timote 4:22

Maji kar Mbaidɔmbaije nai gə ndili. Maji kar sí sije dan noji’g bèdèg.

Titə 1:4

Ma m’ndaŋg maktub nee m’ari-i Titə, ŋgonəm gə́ gəd-gəd gin meekun’g gə́ to né gin sí lé. Maji kar noji gə meelɔm gə́ ḭ rɔ Ala Bɔ síje ləm, gə rɔ Jeju Kristi njekaji sí ləm tɔ lé nai səi.

Piləmɔ̰ 1:25

Maji kar noji lə Mbaidɔmbaije Jeju Kristi nai gə ndili tɔ.

Piləmɔ̰ 1:3

Maji kar noji gə meelɔm gə́ ḭ rɔ Ala Bɔ síje’g ləm, gə rɔ Mbaidɔmbaije lə sí Jeju Kristi’g ləm tɔ lé nai sə sí.

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!

1 Piɛrə 1:15

Nɛ to gə́ yeḛ gə́ ɓar sí lé to njemeenda ndá maji kar sí-seḭ kara a karje néra sí gə́ gə lée-lée to gə kəmee bèe tɔ,

1 Ja̰ 3:1

Aa ooje, Bɔ-dəwje lé ndigi sí gə mée gə́ ɔr jol-jol ɓa gə mba kar dee ɓar sí ne ŋgan-Alaje. Tɔgərɔ jeḛ n’to gə́ ŋganeeje ya. Ɓó lé dəwje gə́ dɔ naŋg nee gər sí gə́ ŋganeeje el ndá to mbata deḛ gəree-yeḛ el tɔ.

2 Ja̰ 1:3

Maji kar meemaji, gə meekɔrjol, gə meelɔm lə Ala Bɔ-dəwje ləm, gə ka̰ Jeju Kristi Ŋgon Bɔ-dəwje ləm tɔ lé nai sə sí-seḭ nja gə goo kankəmta gə meenoji lé.

Loo gə́ killa rea kəm Ja̰’g 2:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Epesə pana: Aa oo, yeḛ gə́ kéréméje gə́ siri to jikɔlee’g lé yeḛ gə́ njaa dan kag pərndɔje gə́ siri gə́ ra gə larlɔr neelé yeḛ nja ɓa pana:

Loo gə́ killa rea kəm Ja̰’g 2:12

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Pergamə pana: Aa oo, yeḛ gə́ aar gə kiambas gə́ ŋgaŋgee joo gə́ adə làm-làm lé yeḛ nja pana:

Loo gə́ killa rea kəm Ja̰’g 2:18

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Tiatirə pana: Aa oo, ta gə́ Ŋgon-Ala pa lé yeḛ gə́ kəmee ndɔḭ asəna gə ndo̰ pər ləm, gɔlee to asəna gə larkas ləm tɔ lé yeḛ nja pana:

Loo gə́ killa rea kəm Ja̰’g 2:29

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje.

Loo gə́ killa rea kəm Ja̰’g 2:8

I ndaŋg maktub nee ar kura lə Eglisə gə́ to Smirnə pana: Aa oo, yeḛ gə́ si dɔtar ləm, gə yeḛ gə́ rudu ləma, gə yeḛ gə́ wəi nɛ yeḛ tel si kəmba gogo ɓəi ləm tɔ lé yeḛ nja pana:

Loo gə́ killa rea kəm Ja̰’g 22:21

Maji kar noji lə Mbaidɔmbaije Jeju nai sə sí lai ya. Amen!

Loo gə́ killa rea kəm Ja̰’g 3:14

Maji kam m’ndaŋg maktub nee m’ar kura lə Eglisə gə́ Laodise pana: Aa oo, yeḛ gə́ njepa ta Amen gə́ to njekɔrgoota gə́ to majikoji gə njepa kankəmta lé ləm, yeḛ gə́ to gə́ njegin nékundaje lə Ala ləm tɔ lé yeḛ nja pana:

Loo gə́ killa rea kəm Ja̰’g 3:22

Nana ɓa gə́ mbia to gən ndá maji karee oo ne ta gə́ Ndil ula Eglisəje ya.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana: