Njé gə́ Rɔmə 1:30 - Maktub gə́ To gə Kəmee

³⁰ Deḛ to njéndo̰-gwɔs dəwje ləm, gə njétədtaje ləm, gə njékɔs Ala rəwje ləm, gə njékəmtɔgje ləm, gə njébeeleje ləm, gə njéti rɔ deeje ləm, gə njétum gel néyèrje gə́ sigi ləm, gə njékɔs ta lə njekoji deeje rəw ləma, kəmkàr godo rɔ dee’g ləm tɔ.

Njé gə́ Rɔmə 1:30 ပူးပေါင်းရင်းမြစ်များ

1 Mbaije 20:11

Yen ɓa mbai gə́ Israɛl lé tel ilá keneŋ pana: Maji kar dəw gə́ aw gə́ loo rɔ’g lé beelé dɔ rəa’g to gə́ yeḛ gə́ ḭ keneŋ tel el!

2 Sôrta Gḭka Israɛlje 19:2

Jehu, ŋgolə Hanani, njetegginta aw aar nea̰’g ndá yeḛ ula mbai Josapat lé pana: Dəw gə́ njemeeyèr lé see kəm la səa əsé deḛ gə́ d’ə̰ji Njesigənea̰ bəḭ-bəḭ lé see kəm kunda dee dan kəmi’g wa. Gelee gə́ nee ɓa oŋg lə Njesigənea̰ ḭ ne səa pu dɔi’g gə mbəa.

2 Sôrta Gḭka Israɛlje 25:19

I lé dum dɔ Edɔmje gə rɔ ndá əs ne ta al ne rɔi gə nduba ne rɔi, maji kari aw si ne mee kəi’g ləi ya. See gelee ban ɓa i ndigi kula rɔi kula’d gə́ a gə ree majel dɔi’g ləm, gə a tel to tuji lə Judaje ləm tɔ lé wa.

Pakɔsje 10:3

Njemeeyèr lé ti rəa dɔ mal né gə́ rəa’g, Njekəmkəḭ ila ndɔl dɔ Njesigənea̰’g ləm, Ǝ̰jee bəḭ-bəḭ ləm tɔ.

Pakɔsje 106:39

Néra deeje gə́ bèe ɓa ar dee mina̰ ne jɔmri-jɔmri ləm, Néra deeje lé d’uba ne rɔ dee yag d’ya̰ dan néje gə́ mina̰’g ləm tɔ.

Pakɔsje 49:6

See gə mba ɗi ba m’a ɓəl ndɔ némeeko̰ Loo gə́ néra gə́ kori-kori lə njékoma̰ səmje gugu dɔm sub lé wa.

Pakɔsje 5:5

Mbata i to Ala gə́ rɔi leli dɔ néra majel’g kára kara el. Njemeeyèr lé iŋga loo-siée rɔi’g el tɔ.

Pakɔsje 52:1

Pakɔs lə Dabid gə́ ar bao-pa mba karee ɔs sə dee lé.

Pakɔsje 81:15

Léegəneeya m’a dum dɔ njéba̰je lə dee ləm, M’a tel jim kunda ne njékula kəm dee ndooje lé ləm tɔ.

Pakɔsje 94:4

Deḛ pata pəd-pəd ləm, Deḛ pata ti ne rɔ dee ləm tɔ. Deḛ lai gə́ to njéra némajelje lé D’ɔs gaji rɔ dee tɔ.

Pakɔsje 97:7

Deḛ lai gə́ pole magəje lé Deḛ gə́ ti rɔ dee mbata magəje lə dee lé Kəm sɔḭ wa kəm dee. Magəje lai lé d’unda barmba dəb kəm dee naŋg nea̰’g.

Pakɔsje 99:8

Njesigənea̰, Ala lə sí, i ar dee né gə́ deḛ dəjii, I to Ala lə deḛ gə́ njekar məəi oso lemsé dɔ dee’g tɔ, Nɛ i ar bo̰ néra majel lə dee lé ɔs ta dee’g bɔsɔrɔ tɔ.

Gosota-Kəmkàrje 24:8

Yeḛ gə́ la̰ji tor néra gə́ majel mée’g lé Ɓaree dəw gə́ gosɔyèr taa mée pəl-pəl.

Gosota-Kəmkàrje 25:23

Lel gə́ ḭ dɔgel lé ree gə ndi ləm, Ndo̰ gə́ pata gə́ to loo-kiya’g lé Ar kəm maree tel wagəsa ləm tɔ.

Gosota-Kəmkàrje 30:17

Dəw gə́ ndaji ndu bɔbeeje kogo ne ləm, Ŋgonkoji gə́ kəm kila dɔ kea̰je’g kara Yeḛ ula sul dɔ’g ləm tɔ lé Ga̰-ga̰je gə́ d’isi mbuna kəm-rəw-manje’g mbuna mbalje’g lé D’a tɔr guburu kəmee ləm, ŋgan niŋgatə̰dəje d’a səa ləm tɔ.

Gosota-Kəmkàrje 8:36

Nɛ yeḛ gə́ ra kaiya ɔsm ne rəw ndá Yeḛ ula kəm rəa-yeḛ nja ndòo, Deḛ lai gə́ d’ḛjim bəḭ-bəḭ lé Deḛ ndigi yoo ya.

Njekillamber 7:29

Né gə́ kára ba lé, aa oo, Né gə́ ma m’iŋga lé ɓa nee: Ala nja unda dəwje danasur ya. Nɛ deḛ ɓa saŋg néje bula gə́ to lée’g el.

Ejekel 14:5

Yee gə́ bèe ɓa gel-bɔje lə Israɛl gə́ d’uba neḛ d’ya̰ neḛ d’aw goo magə-poleje’g lə deḛ lai lé meḛ dee ɓa a kwa dee gə ta.

Ejekel 22:7

Loo gə́ mee ɓee-boo’g ləi lé dəwje d’ə̰ji bɔ deeje gə ko̰ deeje bəḭ-bəḭ ləm, d’ula kəm dəw-dɔ-ɓee ndòo ləma, deḛ buguru ŋgonal gə njekəisiŋga ləm tɔ.

Bula lə Israɛlje 10:35

Loo gə́ d’ḭ gə sa̰duk-manrɔ mba kaw ne ndá Moyis pana: Ḭta, Njesigənea̰! Maji kar njéba̰je ləi sané na̰ kad-kad ləm, maji kar deḛ gə́ d’wai gə meḛ dee kara d’aḭ nɔḭ’g ləm tɔ.

Matiyo 15:4

Mbata Ala lé pana: Təd kag bɔbije gə kɔinje. Tɔɓəi dəw gə́ a kɔr gə bɔbeeje əsé kea̰je ndá debee neelé kəm tɔlee gə́ tɔl ya.

Matiyo 16:21

Ndəa neelé Jeju un kudu tɔji njékwakiláje ta pana: Ŋgatɔgje ləm, gə mbai dɔ njékinjanéməsje-je ləma, gə njéndaji-maktubje ləm tɔ lé d’a ra sə neḛ néurti kar neḛ n’wəi ndá ndɔ munda ɓa n’a kunda loo teḛ ɓəi. Yee gə́ bèe ɓa gə́ kuma̰ gə́ n’a gə kḭ kaw ne Jerusalem ya.

Lugu 21:16

Njékoji síje ləm, gə ŋgako̰ síje ləm, gə njénojije lə sí ləma, gə baokuraje lə sí ləm tɔ lé d’a kun dɔ sí, tɔl ne njé gə́ na̰je bula mbuna sí’g.

Tagə́maji gə́ Ja̰ ndang 7:7

Njé gə́ dɔ naŋg nee d’ə̰ji sí bəḭ-bəḭ el, nɛ ma lé deḛ d’ə̰jim mbata ma lé m’to gə́ njekɔrgoo néra gə́ majel lə dee gə́ deḛ ra lé gə́ raga.

Néra Njékaḭkulaje 5:36

Mbata ɓasinè-ɓasinè ya ɓəi Tudas unda loo teḛ pana: Neḛ nja gə́ dəw gə́ boo tɔ ŋga ndá yeḛ ɔr dəwje tɔl-sɔ ɔm dee gée’g. Nɛ deḛ tɔlee galao ar deḛ lai gə́ ndolè gée lé buŋga na̰ d’aḭ sanéna̰ kad-kad aree tel to né gə́ kari ba ya.

Njé gə́ Rɔmə 2:17

I gə́ ɓar rɔi Jib, i nduna rɔi kaar Godndu’g ləm, i ti rɔi dɔ Ala’g ləm tɔ,

Njé gə́ Rɔmə 2:23

I gə́ ti rɔi dɔ godndu’g lé ŋga, see ban ɓa i al dɔ godndu ɔr ne riɓar dɔ Ala’g ɓəi wa.

Njé gə́ Rɔmə 3:27

Ŋga see loo ti rɔ sí to ra ɓəi wa. Lée godo ya. Ŋga see lée godo wɔji dɔ godndu gə́ ra wa. See godndu gə́ wɔji dɔ néra dəwje wa. Wah! nɛ to gə goo meekun lə dəwje ba.

2 Njé gə́ Kɔrḭtə 10:15

Né gə́ jeḛ n’ti ne rɔ sí dɔ’g lé to né gə́ al dɔ loo el ləm, to ti rɔ dɔ kula’g lə dəw gə́ raŋg el ləm tɔ. Nɛ meḛ sí yel tɔ mba kar ɓó lé meekun lə sí a kḭ ne dɔ maree’g gə́ kédé-kédé ndá j’a kar kula ra sí mbuna sí’g ila ne gadee gə́ kédé gə goo kəm rəw nimee gə́ yeḛ wɔji ar sí lé ləm,

2 Njé gə́ Kɔrḭtə 12:20

Mbata məəm to kərm mbata m’ə̰ji məəm’g m’pana: Loo gə́ m’a gə teḛ dɔ sí’g ndá m’a kiŋga sí to gə́ məəm wɔji lé el ləm, seḭje kara seḭ a kiŋgamje to gə́ meḛ sí-seḭ wɔji lé el ləm tɔ. Meem to kərm nà banelə m’a kiŋga takɔl ləm, gə kəmkəḭ ləm, gə ba̰ ta ləm, gə ta tḭ-na̰ ləm, gə kunda nani ləm, gə kunda ta ta na̰’g ləm, gə kəsta ləma, gə panjaa gə́ kori-kori gə́ ɓəd-ɓəd ləm tɔ lé mbuna sí’g.

Tel tura Godndu 27:16

Meeko̰ a koso dɔ dəw gə́ ila ndɔl dɔ bɔbeeje’g əsé kea̰je’g! Ndá koso-dəwje lai d’a kila dee keneŋ pana: A to togə́bè ya!

Tel tura Godndu 7:10

Nɛ yeḛ uga dɔ ji deḛ gə́ d’ə̰jee bəḭ-bəḭ aree wɔji dɔ dee ndá ar dee d’udu ne guduru, yeḛ gə́ ə̰jee bəḭ-bəḭ lé, yeḛ aree nékoga dɔ jia gə́ wɔji dəa njoroŋ ya.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

2 Timote 3:2

Mbata dəwje d’a to kəmkəjimje’g ləm, gə ɓərje lə lar ləm, gə njébeeleje ləm, gə njéti rɔ deeje ləma, gə njékilandɔl dɔ loo’gje ləm, gə njékɔs ta lə njékoji deeje rəw ləm, gə njénərnéje ləma, gə njékila ndɔl dɔ néje gə́ to gə kəmee ləm tɔ.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

Maktub gə́ Jak ula ne ar ngan-Allaje 3:5

Ndo̰ sí kara to barkəmrɔ sí gə́ reao̰ ba to nɛ yeḛ əsta gə́ dum. Aa ooje, to gə́ kɔr pər to gə́ jḛ̀ ba o̰ loo mbudu o̰ mbo-boo.

Maktub gə́ Jak ula ne ar ngan-Allaje 4:16

Nɛ ɓasinè lé seḭ tije ne rɔ sí əsje ne ta. Kesta gə́ togə́bè ɓa majel.

2 Piɛrə 2:18

Deḛ d’un ta beeléje pa ne ta gə goo kaiya ra dee gə́ ula pər meḛ dee’g ɓa su ne kəm deḛ gə́ d’unda loo rad dan dəwje gə́ d’isi ndəm lé teḛ ya.

Jude 1:16

Deḛje neelé deḛ to njémeekadje gə́ d’unda ndu d’im ne rɔ dee jim-jim ləm, d’ar mal néje gə́ ra dee ula pər meḛ dee’g ləm, kəsta ɓa ubu na̰ ta dee’g pur-pur ləma, deḛ to njélèbè kəm mar deeje gə nojimeekas ləm tɔ.