Njé gə́ Rɔmə 1:25 - Maktub gə́ To gə Kəmee

²⁵ Deḛ lé tel kankəmta lə Ala lé gə́ taŋgɔm ləm, d’wa nékunda lə Ala meḛ dee’g d’ula ne rɔ dee ndòo d’aree ur dɔ Njekunda néje lai gə́ si gə dɔkaisəgərə gə ləbee-ləbee saar gə no̰ lé ləm tɔ. Amen.

Njé gə́ Rɔmə 1:25 ပူးပေါင်းရင်းမြစ်များ

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Jeremi 13:25

Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Habakuk 2:18

Néndaji gə́ tɔl lé see majee to ɗi mbata lə njetɔlee wa. Néndaji gə́ léḛ gə́ ndoo ne né gə ŋgɔm Gə mba kar njerea unda tar ɔm mée dɔ’g Loo gə́ yeḛ si ra magəje gə́ ta mundu lé kara see majee to ɗi wa.

Matiyo 10:37

Yeḛ gə́ ndigi bɔbeeje əsé kea̰je undam-ma ndá ḭ ɓee ləm el ləm, yeḛ gə́ ndigi ŋgonee gə́ diŋgam əsé ŋgonee gə́ dené undam-ma kara ḭ ɓee ləm el ləma,

Matiyo 6:24

Dəw kára askəm ra kula kar ɓéeje joo el, nà banelə a kwa gə yeḛ gə́ kára mée’g nɛ a kunda yeḛ gə́ kára ɓa dan kəmee’g tɔ, əsé yeḛ a ki rəa kər-kər gə́ rɔ yeḛ gə́ kára’g nɛ a ɓaar yeḛ gə́ kára tɔ. Seḭ asjekəm kundaje-kunda Ala lé ləm, gə kundaje-kunda néhulaije gə́ dɔ naŋg nee ləm tɔ ɓa korèje ne na̰ el.

Tagə́maji gə́ Ja̰ ndang 2:8

Yen ɓa yeḛ ula dee pana: Ɓasinè ɔrje awje ne rɔ mbai gə́ njenaḭ’g lé. Ndá deḛ d’ɔr d’aw ne rəa’g ya tɔ.

Njé gə́ Rɔmə 1:18

Ala riba dɔ oŋg ləa gə́ ḭ dara ɔm dɔ ndɔlje lai gə́ dəwje ndɔlee ne ləm, gə dɔ néra majelje lai gə́ dəwje ra d’wa ne dɔ kankəmta d’orè gə́ naŋg lé ləm tɔ.

Njé gə́ Rɔmə 1:23

Rɔnduba lə Ala gə́ mina̰ el lé deḛ telee d’unda gə́ magə ndaji ne dəwje gə́ mina̰ ləm, gə yelje ləm, gə daje gə́ gɔl dee sɔ-sɔ ləma, gə néje gə́ d’ag naŋg gə ta meḛ dee ləm tɔ.

Njé gə́ Rɔmə 9:5

gə ndukunje ləa ləm, ginka deḛ gə́ to gə kəmee ləma, Kristi gə́ to gə́ dəw dɔ néje lai kara darəa ḭ rɔ dee’g ləm tɔ. Maji kar Ala tɔr ndia dəa’g gə mba kar dəa ai səgərə saar-saar gə no̰. Amen.

2 Njé gə́ Kɔrḭtə 11:31

Ala gə́ to Bɔ Mbaidɔmbaije Jeju ləm, gə́ to njedɔkaisəgərə gə ləbee-ləbee gə no̰ ləm tɔ lé yeḛ nja gər gao to gə́ ma m’pata ŋgɔm el.

Njé gə́ Epesə 3:21

maji kula rɔnduba dəa’g mee Eglisə’g ləm, gə rɔ Jeju Kristi’g ləm tɔ ar ŋgaka dəwje-dəwje gə ləbee-ləbee saar-saar gə no̰. Amen.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

1 Timote 1:11

Ta neelé aw na̰’d gə Tagə́maji lə Ala gə́ njḛgɔ-ronduba gə njemeemaji ləm, yee ɓa to Tagə́maji gə́ yeḛ ɔm jim’g mba karm m’ndoo dəwje ləm tɔ.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

2 Timote 3:4

D’a to njéko̰ juma̰je ləm, gə njéra né gə́ gasəraje ləm, gə njéti-rɔ dee mugugu-muguguje ləma, d’a ndigi mal néje lə dee-deḛ unda Ala ləm tɔ.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.