Njé gə́ Rɔmə 1:23 - Maktub gə́ To gə Kəmee

²³ Rɔnduba lə Ala gə́ mina̰ el lé deḛ telee d’unda gə́ magə ndaji ne dəwje gə́ mina̰ ləm, gə yelje ləm, gə daje gə́ gɔl dee sɔ-sɔ ləma, gə néje gə́ d’ag naŋg gə ta meḛ dee ləm tɔ.

Njé gə́ Rɔmə 1:23 ပူးပေါင်းရင်းမြစ်များ

Pakɔsje 106:20

Rɔnduba lə Ala Deḛ mbél ne néndaji maŋg gə́ aar sɔ mu bèe.

Esai 40:18

See na̰ ɓa seḭ a kwáje kwɔjije ne Ala wa. Esé néndaji gə́ ban ɓa seḭ a raje kaareeje to tana səa wa.

Esai 40:26

Unje kəm sí gə́ tar ooje loo! See na̰ ɓa ra néje neelé wa. See na̰ ɓa ar boo-néje gə́ dara D’aw gə rəw lə dee lə dee wa. Yeḛ ɓar deḛ lai gə goo ri dee ri dee, Gə goo boo-dɔmoŋ ləa ləm, Gə siŋgamoŋgee gə́ dum dɔ loo ləm tɔ lé Yeḛ gə́ kára kara gə́ a lal ndigi təa’g lé godo.

Esai 44:13

Njera kula kagje kara Ila kúla keneŋ wɔji ne ləm, Yeḛ inja kúl keneŋ ləm, Yeḛ tɔl gir kag gə kuba ləma, Yeḛ wɔji tadee gə ŋgalee gə nékwɔji-né ləm tɔ. Yeḛ ra kəmee ndaji ne kəm dəw ləm, Ar kubururea maji to gə́ ka̰ dəw bèe ləm tɔ Gə mba kunda mee kəi’g ləa lé

Jeremi 2:11

Ginkoji dəwje gə́ magəje lə dee To gə́ kankəm né el lé See d’odo mbél ne magəje gə́ raŋg wa. Nɛ koso-dəwje ləm d’un rɔnduba lə dee Mbél ne né gə́ a la sə dee el.

Ejekel 8:10

Ma m’andə keneŋ m’aa loo gərərə ndá aa oo, m’oo néje lai gə́ ra ndaji ne ndil néje gə́ d’ag naŋg ləm, gə daje gə́ mina̰ ləma, gə magəje lə gel-bɔje lə Israɛlje lai gə́ ndaji dee kaar ndògo-bɔrɔ’g gugu dəa sub.

Néra Njékaḭkulaje 10:12

Daje gə́ gɔl dee sɔ-sɔ lai ləm, gə daje gə́ d’ag naŋg gə ta meḛ dee ləma, gə yelje gə́ dara ləm tɔ ɓa to mee kubu’g lé.

Néra Njékaḭkulaje 17:29

Bèe ndá to gə́ jeḛ n’to ŋgan-Alaje lé ndá maji kar sí j’ə̰ji meḛ sí’g m’pana: Ala to asəna gə magə gə́ deḛ ra gə larlɔr əsé gə larnda gə́ deḛ léḛ əsé gə mbal gə́ deḛ tɔl ndaji ne né gə goo takə̰ji əsé goso lə dəwje lé maji kar sí j’ə̰ji bèe el.

Njé gə́ Rɔmə 1:25

Deḛ lé tel kankəmta lə Ala lé gə́ taŋgɔm ləm, d’wa nékunda lə Ala meḛ dee’g d’ula ne rɔ dee ndòo d’aree ur dɔ Njekunda néje lai gə́ si gə dɔkaisəgərə gə ləbee-ləbee saar gə no̰ lé ləm tɔ. Amen.

1 Njé gə́ Kɔrḭtə 12:2

Seḭ gərje gao, loo gə́ seḭ naije gə́ njépole-magəje ɓəi lé ndá seḭ ya̰je loo ar dee ndɔr sí d’ɔm sí rɔ magəje gə́ ta mundu’g lé.

Tel tura Godndu 5:8

I a tɔl néndaji mbata ləi pai el ləm, əsé néndaji gə́ tana gə néje gə́ rara gə́ to mee dara’g əsé gin naŋg’d, əsé deḛ gə́ to dan manje gə́ to gel naŋg’d lé el ləm tɔ.

1 Piɛrə 4:3

Tɔgərɔ ya, ləw ɓa seḭ nja raje né gə́ meḛ njépole-magəje ɓa wɔji, seḭ ya̰je rɔ sí arje kaiya gə́ ula pər meḛ sí’g ləm, gə kəmkəḭ ləm, gə kaw gə́ dəw-kido ləm, gə nésɔ gə́ mbula meḛ sí’g ləm, gə nékai gə́ aije areeje al dɔ sí ləma, gə magəje gə́ ram ləm tɔ. Néje nee gə́ seḭ raje lé as lée’g mba̰.

Loo gə́ killa rea kəm Ja̰’g 9:20

Dəb dəwje gə́ loo-joo gə́ nai gə́ d’wəi yoo-boo-oŋg gə́ kudu munda nee el lé d’ya̰ goo néra dee gə́ deḛ ra gə ji dee el. Deḛ d’əw rɔ dee kwa ndilje gə́ majel meḛ dee’g el ləm, d’əw rɔ dee kunda barmba no̰ magəje gə́ deḛ ra gə larlɔr gə larnda gə larkas gə mbal el ləm tɔ nɛ magəje neelé d’askəm koo loo gə kəm dee el ləm, d’askəm koo ta gə mbi dee el ləma, loo njaa lə dee kara godo ləm tɔ.