Njé gə́ Rɔmə 1:20 - Maktub gə́ To gə Kəmee

²⁰ Nɛ néje gə́ maji kɔr njoroŋ lə Ala gə́ dumkoo ləm, gə siŋgamoŋ ləa gə́ to gə no̰ ləma, gə rɔkunda ləa gə́ yeḛ unda ləm tɔ lé inja kəm dəwje’g təsərə, ndɔ tum gel naŋg saar ɓasinè, mbata néreaje lai ɔr ginee njai ar dee d’oo. Bèe ndá loo kunda goso lə dəwje godo ŋga,

Njé gə́ Rɔmə 1:20 ပူးပေါင်းရင်းမြစ်များ

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

Gḭ-Néje 21:33

Abrakam maan kagje gə́ ɓar dee tamarisje Beer-Seba. Lée neelé ɓa yeḛ pidi Njesigənea̰, Ala gə́ Njesi gə ləbee-ləbee gə nea̰ keneŋ.

Maktub gə́ wɔji dɔ Jɔb 12:7

Maji kari dəji daje ndá d’a ndooi né ləm, Dəji yelje ndá d’a riba dəa kari oo ləm tɔ.

Pakɔsje 104:31

Maji kar rɔnduba ləi-i Njesigənea̰ to saar-saar gə no̰, Maji kari-i Njesigənea̰ al rɔi dɔ kula raije’g ya.

Pakɔsje 104:5

I nja tum gin naŋg neelé Ndá né a yə ŋgirá nda̰ el.

Pakɔsje 119:90

Meenda londoŋ ləi lé to njaŋg gə ləbee-ləbee saar-saar gə no̰, I nja unda naŋg neelé aree ŋgəŋ ŋgəŋ-ŋgəŋ,

Pakɔsje 139:13

I nja to njekuba ɓərm ləm, Gə njetɔs darɔm ta na̰’d mee kɔmje’g ləm tɔ.

Pakɔsje 8:3

Ta gə́ teḛ ta ŋganje’g ləm, Gə ta ŋganje gə́ nai ta mbà’g ləm tɔ lé I tum ne gin siŋgamoŋ ləi keneŋ Dum ne dɔ njéba̰je ləi Mba tɔ ne ta njeba̰ ləi gə njedalba̰ lé ká.

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Esai 26:4

Ɔmje meḛ sí jəb-jəb dɔ Njesigənea̰’g saar-saar gə no̰ Oiyo! Ɔmje meḛ sí dɔ Njesigənea̰’g lé, Njesigənea̰ gə́ to kɔr mbal gə ləbee-ləbee gə no̰ lé.

Esai 40:26

Unje kəm sí gə́ tar ooje loo! See na̰ ɓa ra néje neelé wa. See na̰ ɓa ar boo-néje gə́ dara D’aw gə rəw lə dee lə dee wa. Yeḛ ɓar deḛ lai gə goo ri dee ri dee, Gə goo boo-dɔmoŋ ləa ləm, Gə siŋgamoŋgee gə́ dum dɔ loo ləm tɔ lé Yeḛ gə́ kára kara gə́ a lal ndigi təa’g lé godo.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Jeremi 5:21

Ooje ta nee, Seḭ koso-dəwje gə́ gosonégər lal sí! Kəm sí to gən nɛ seḭ ooje ne loo el ləm, Mbi sí to gən nɛ seḭ ooje ne ta el ləm tɔ.

Jeremi 51:15

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Mark 10:6

Nɛ loo gə́ Ala unda naŋg nee kédé gə́ dɔtar lé yeḛ unda diŋgam ləm, gə dené ləm tɔ.

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Tagə́maji gə́ Ja̰ ndang 15:22

Ɓó lé ma m’ree el ləm, gə m’ula dee ta el ləm tɔ ndá d’a koo loo kaiya lə dee gə́ ra lé el, nɛ ɓasinè lé loo pəa godo ŋga.

Néra Njékaḭkulaje 17:29

Bèe ndá to gə́ jeḛ n’to ŋgan-Alaje lé ndá maji kar sí j’ə̰ji meḛ sí’g m’pana: Ala to asəna gə magə gə́ deḛ ra gə larlɔr əsé gə larnda gə́ deḛ léḛ əsé gə mbal gə́ deḛ tɔl ndaji ne né gə goo takə̰ji əsé goso lə dəwje lé maji kar sí j’ə̰ji bèe el.

Néra Njékaḭkulaje 22:1

Ŋgakɔmje gə bɔmje gə́ dəwje, ooje ta ləm gə́ m’a gə pa ɓasinè gə mba taa ne dɔm lé.

Njé gə́ Rɔmə 1:19

Ala lé ndiaa gə́ kəm gər to raga pai-pai kəm dəwje’g mbata Ala lé nja tegginee ar dee d’oo.

Njé gə́ Rɔmə 16:26

nɛ ɓasinè ta gə́ njéteggintaje ndaŋg lé riba dəa təsərə gə goo ndukun lə Ala gə́ njesikəmba lé ləm, ar ginkoji dəwje gə raŋg lai-lai d’oo mba kar dee d’un ne meḛ dee d’ila ne ŋgonkoji dəa’g ləm tɔ lé

Njé gə́ Rɔmə 2:1

I dəw gə́ ban-ban kara gə́ wa rɔi gə́ njegaŋ-rəwta dɔ marije’g lé loo kari taa ne dɔi godo. Mbata loo gə́ i gaŋg rəwta dɔ dee’g lé i nja kara ila ne ta dɔ rɔi’g ya to mbata i gə́ njegaŋ-rəwta dɔ dee’g lé i nja kara to gə́ njera néje neelé to gə́ deḛ bèe tɔ.

Njé gə́ Rɔmə 2:15

Néra dee tɔji sí to gə́ néra gə́ godndu wɔji lé to meḛ dee’g ya. Ta gə́ meḛ dee’g ɓa ɔr gée ləm, takə̰jije gə́ meḛ dee’g lé ila ta dɔ dee’g əsé ɔr ta dɔ dee’g ləm tɔ.

1 Njé gə́ Kɔrḭtə 1:20

See njekəmkàr ɓa ra wa. See njendaji-maktub ɓa ra wa. See gɔŋgé-maḭta gə́ dɔ naŋg nee ɓasinè lé ɓa ra wa. See kəmkàr gə́ dɔ naŋg neelé Ala telee gə́ némbə el ɓəi wa.

Tel tura Godndu 33:27

Ala gə́ njesi gə ləbee-ləbee gə nea̰ lé To gə́ njo̰loo-kula-dɔ lə sí, Gel kag jia gə́ to gə no̰ lé To njo̰loo lə sí tɔ. Yeḛ tuba njéba̰je lé no̰ sí’g Pa ne pana: Maji kar dee tuji pugudu ya.

Tel tura Godndu 4:19

Meḛ sí dɔ rɔ sí’g, nà loo gə́ seḭ a kunje kəm sí par gə́ dara gə mba koo kàr, gə naḭ, gə kéréméje gə boo-nékundaje lai gə́ to mee dara’g ndá d’a ndɔr sí kar sí undaje barmba, dəbje kəm sí naŋg no̰ dee’g, gə mba kwa dee meḛ sí’g: néje lai neelé Ala lə sí gə́ Njesigənea̰ ra dee ar koso-dəwje lai gə́ d’isi dɔ naŋg nee gə́ né ka̰ dee.

Njé gə́ Kolosə 1:15

Yeḛ ɔr rɔ Ala gə́ njedumkoo lé kəmba, yeḛ nja to gə́ doŋgɔr ɓa nékundaje lə Ala lai to keneŋ ɓəi.

Njé gə́ Kolosə 2:9

Mbata Kristi lé un kubururɔ Ala ya lad-lad.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

1 Timote 6:16

Yeḛ nja kára ba kiao ɓa to Njesigənea̰ ləm, yeḛ si dan lookàr gə́ ɔs kəm loo ŋgərəŋ ləma, dəw kára kara ila kəmee dəa’g əsé askəm kée el ləm tɔ lé maji kila riɓar dəa’g ləm, maji karee dum dɔ loo gə ləbee-ləbee saar-saar gə no̰ ləm tɔ. Amen!

Ǝbrəje 11:27

Meekun lé ɓa yeḛ ya̰ ne Ejiptə, dəa to̰ ne kəw dɔ oŋg’g lə mbai el, yeḛ wa mée kɔgərɔ mbata yeḛ oo yeḛ gə́ dumkoo.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.