Njé gə́ Rɔmə 1:17 - Maktub gə́ To gə Kəmee

¹⁷ Tɔgərɔ ya Tagə́maji lé riba dɔ meekarabasur lə Ala lé təsərə gə goo meekun ləm, mbata meekun lé ləm tɔ to gə́ ndaŋg mee maktub’g pana: Njemeekarabasur lé meekun ɓa yeḛ a si ne kəmba ya.

Njé gə́ Rɔmə 1:17 ပူးပေါင်းရင်းမြစ်များ

Ejekel 18:9

yeḛ un godnduje lə neḛ lad-lad ləma, yeḛ aa dɔ ndukunje lə neḛ kər-kər ra née gə ŋgonkoji ləm tɔ ndá debee neelé to njera né gə́ gə dɔ najee, yeḛ a si kəmba ya. Mbaidɔmbaije gə́ Njesigənea̰ ɓa pa bèe.

Habakuk 2:4

Aa ooje, dəw neelé ti rəa Ar ta néra gə́ danasur godo mée’g, Nɛ njemeekarabasur lé meekun ləa ɓa yeḛ a si ne kəmba.

Bula lə Israɛlje 21:9

Moyis léḛ lar gə́ kas ndaji ne li lé nea̰ dɔ kag gə́ tar, bèe ɓa nana ɓa gə́ li tea̰ nɛ yeḛ un kəmee aa ne li gə́ léḛ gə larkas lé ndá aji ya tɔ.

Tagə́maji gə́ Ja̰ ndang 3:36

Yeḛ gə́ ɔm mée dɔ Ŋgonee’g lé si gə kəməgə́ gə no̰ lé mba̰, yeḛ gə́ mbad kɔm mée dɔ Ŋgonee’g saar lé a koo loo gə́ a kisi gə kəmə lé gə kəmee el nɛ oŋg lə Ala nai dəa’g ya.

Njé gə́ Rɔmə 10:3

Deḛ gər meekarabasur lə Ala el ndá deḛ saŋg meekarabasur gə́ ka̰ dee-deḛ ya gə dɔrɔ dee ɓó deḛ ndəd ka̰ Ala lé el.

Njé gə́ Rɔmə 3:21

Ɓasinè meekarabasur lə Ala to raga ɗaŋg ɓó nam kaar godndu’g el, nɛ godndu lé ləm, gə njéteggintaje ləm tɔ d’ɔr taree d’aree to raga təsərə ya.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Njé gə́ Rɔmə 3:3

Ɓó lé njé gə́ na̰je mbuna dee’g d’ɔm meḛ dee dɔ’g el ndá see meembɔrè lə dee a tuji meenda londoŋ lə Ala wa.

Njé gə́ Rɔmə 9:30

See j’a pa ban dɔ ta’g neelé ɓəi wa. Njétar-Alaje gə́ ndolè goo meekarabasur el lé deḛ nja d’iŋga meekarabasur neelé gə goo meekun lə dee ya,

2 Njé gə́ Kɔrḭtə 3:9

Ɓó lé kula gə́ wɔji dɔ kila ta dɔ dee’g teḛ dan rɔnduba’g ndá see kula gə́ wɔji dɔ kɔr ta dɔ dee’g lé rɔnduba gə́ wɔji dəa lé a dum dɔ yeḛ gə́ kédé lé el wa.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Galati 3:11

Godndu lé a kar dəw kára kara to ne njemeekarabasur no̰ Ala’g el, yee ɓa to raga pai-pai ya, mbata deḛ pa taree pana: Njemeekarabasur lé meekun ɓa yeḛ a si ne kəmba.

Njé gə́ Pilibə 3:9

gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g.

Ǝbrəje 10:38

Meekun ɓa njemeekarabasur ləm a si ne kəmba lé Nɛ ɓó lé yeḛ sa rəa rəw ndá məəm a ndá dəa’g el.