Njé gə́ Rɔmə 1:14 - Maktub gə́ To gə Kəmee

¹⁴ Ma m’to njeɓaŋ lə Grekje gə deḛ gə́ to Grekje el ləm, ma m’to njeɓaŋ lə njégosokəmkàrje gə ka̰ mbəje ləm tɔ.

Njé gə́ Rɔmə 1:14 ပူးပေါင်းရင်းမြစ်များ

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Gosota-Kəmkàrje 8:5

Seḭ gə́ gərje né el lé Maji kar sí ndooje loo-kɔrkəmné, Seḭ mbəje lé Maji kar sí ndooje gosonégər tɔ.

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Lugu 10:21

Mee kàree’g neelé nja rɔ Jeju lelee aree al ne rəa gə goo Ndilmeenda pana: Bɔm, i gə́ to mbai dɔ dara ləm, gə mbai dɔ naŋg nee ləm lé ma m’pidii mbata néje gə́ i ar kəm njékəmkàrje gə kəm njégosonégərje tɔ dɔ’g sum-sum lé i riba dəa ar ŋganje gə́ kari ba lé d’oo. Oiyo Bɔm, ma m’pidii mbata yee nja ɓa i oo gə́ né gə́ kəm ra ya.

Néra Njékaḭkulaje 22:21

Yen ŋga Mbaidɔmbaije ulam pana: Maji kam m’ɔd m’aw ndá neḛ nja n’a gə kulam kam m’aw əw par gə́ rɔ ginkoji dəwje gə raŋg gə́ to njépole-magəje ya.

Néra Njékaḭkulaje 28:2

Njéɓeeje neelé ra sə sí meemaji d’wa sə sí noji meenda. Deḛ tuga pər dɔ na̰’g d’ar sí lai ndibije mbata ndi ər ar kul o̰ ndiŋ-ndiŋ.

Néra Njékaḭkulaje 28:4

Loo gə́ njéɓeeje d’oo li-meewai gə́ nà jia’g jərəŋ lé ndá d’ula na̰ wédé-wédé pana: Tɔgərɔ ya, dəw neelé to gə́ njetɔl dəw ya, mbata yeḛ teḛ ta yoo gə́ mán, nɛ naji teá el nja ɓəi.

Néra Njékaḭkulaje 9:15

Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Njé gə́ Rɔmə 1:22

Deḛ ɓar rɔ dee njékəmkàrje nɛ deḛ tel to mbə-dəwje.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

Njé gə́ Rɔmə 12:16

Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el.

Njé gə́ Rɔmə 13:8

Arje ɓaŋg lə dəw kára kara to dɔ sí’g el nɛ ɓaŋg nojikwa ɓa areeje to dɔ sí’g ya, mbata yeḛ gə́ unda mareeje dan kəmee’g lé ndá yeḛ ra godndu lé tɔl bém ya.

Njé gə́ Rɔmə 16:19

Ŋgonkoji lə sí-seḭ lé dəwje lai d’oo nea̰ mba̰ am m’ra ne rɔlel tɔ. Ma m’ndigi kar sí toje njékəmkàrje dɔ néje lai gə́ maji’g nɛ saaje rɔ sí rəw dɔ néra gə́ majel’g.

Njé gə́ Rɔmə 8:12

Togə́bè ɓa, ŋgakɔmje, jeḛ lé ɓaŋg né lə sí to ji darɔ’g mba kar sí ndolè ne gée el.

1 Njé gə́ Kɔrḭtə 14:11

Bèe ndá ɓó lé ma m’gər tapa lə dəw el ndá ma m’to gə́ dəw-dɔ-ɓee kəmee’g ləm, yeḛ gə́ njepata lé kara to gə́ dəw gə́ dəw-dɔ-ɓee kəm-ma’g ləm tɔ.

1 Njé gə́ Kɔrḭtə 14:16

Tɔgərɔ ya, ɓó lé i ra Ala oiyo gə ndili ndá see deḛ gə́ d’isi gə mba koo ta lé see d’a koo loo ndigi ta ləi gə Amen loo gə́ ra’g wa. Mbata deḛ gər ta gə́ i pa lé el.

1 Njé gə́ Kɔrḭtə 2:13

Yee ɓa jeḛ lé m’pa ne taree gə goo ta gə́ Ndil ɓa ndoo sí ɓó gə goo ta gosɔkəmkàr lə dəwje el. Ta ka̰ Ndil lé jeḛ m’pa j’ɔr ne néje gə́ wɔji dɔ ndil tɔ.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

2 Njé gə́ Kɔrḭtə 10:12

Tɔgərɔ ya, njé gə́ na̰je mbuna deḛ gə́ pidi rɔ dee mbuna sí’g lé jeḛ j’as koo rɔ sí as gə ka̰ dee-deḛ el ləm, j’as kwa néra sí kwɔji ne néra dee el ləm tɔ. Ɓó lé deḛ nja d’wa rɔ dee d’wɔji ne na̰ ndá kəmkàr na meḛ dee tas.

2 Njé gə́ Kɔrḭtə 11:19

Mbata seḭ gə́ toje njékəmkàrje lé seḭ ḭje rad ndigije ta lə mbəje gə́ ndigi par.

Njé gə́ Kolosə 3:11

Grek əsé Jib godo nee ləm, njekḭja tamɔd əsé yeḛ gə́ lal kinja godo ləm, dəw-dɔ-ɓee əsé dəw walá godo ləma, ɓər əsé ŋgonkoji godo ləm tɔ, nɛ Kristi ɓa gə́ dəw kára ba dan dee’g lai.

2 Timote 2:10

Gelee gə́ nee ɓa, m’wa ne siŋgam kɔgərɔ dɔ néje’g lai mbata lə deḛ gə́ yeḛ mbər dee lé gə mba kar dee-deḛ nja kara d’iŋga kaji gin Jeju Kristi lé na̰’d gə rɔnduba gə́ to gə no̰ lé tɔ.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.