Njé gə́ Rɔmə 1:10 - Maktub gə́ To gə Kəmee

¹⁰ m’ndəjee ta-ta gə mba karee ɔr rəw am m’aw ɓee lə sí to gə́ mée-yeḛ nja wɔji ləm tɔ.

Njé gə́ Rɔmə 1:10 ပူးပေါင်းရင်းမြစ်များ

Néra Njékaḭkulaje 18:21

Nɛ yeḛ ndigi sə dee el. Yeḛ ra dee lapia pana: Lé riri kara m’a kaw ra naḭ gə́ gogo mee ɓee gə́ Jerusalem ya. Ɓó lé mee Ala ndigi ndá m’a tel kiŋga sí ɓəi. Yeḛ ḭ Epesə uru mee bato’g ɔd aw.

Néra Njékaḭkulaje 19:21

Gée gə́ gogo ndá Pool wɔji-kwɔji kunda mee dəb ɓeeko̰ gə́ Masedoinə gə Akai gaŋg kaw Jerusalem. Yeḛ pa mée’g pana: Loo gə́ ma m’teḛ keneŋ ndá lé riri kara m’a kaw gə nɔm kaw Rɔm ya.

Néra Njékaḭkulaje 21:14

Loo gə́ yeḛ ya̰ rəw ar sí j’ula ta mée’g el lé ndá jeḛ j’yá̰ tɔ, m’pa ne pana: Maji karee to gə goo rəw gə́ Mbaidɔmbaije wɔji mée’g ya.

Njé gə́ Rɔmə 15:29

Ma m’gər gao loo gə́ m’a kaw ɓee lə sí ndá Kristi a tɔr ndia dɔm’g korè səm rəw na̰’d més karm m’teḛ ne ɓee lə sí gə́ majee.

1 Njé gə́ Kɔrḭtə 1:1

Ma Pool, njekaḭkula lə Jeju Kristi gə́ Ala ɔree kəmee’g to gə́ mée wɔji lé jeḛ gə ŋgoko̰ sí Sostɛnə lé

1 Njé gə́ Kɔrḭtə 4:19

Ɓó lé mee Mbaidɔmbaije ndigi ndá mbɔr ɓa m’a kila gɔlm ɓee lə sí. Bèe ɓa m’a gər ne siŋga lə njéti rɔ deeje koo ɓó m’a gər tapa dee goo kára ba el.

Njé gə́ Pilibə 4:6

Arje meḛ sí pélé wəs-wəs dɔ né gə́ kára kara el, nɛ né gə́ rara kara maji kar sí dəjije Ala gə tamaji lə sí ləm, gə ndòo gə́ seḭ raje ndòo rəa’g ləma, gə ta oiyo gə́ seḭ reaje ləm tɔ.

1 Njé gə́ Tesalonikə 2:18

Jeḛ lé j’ə̰ji meḛ sí’g mba kaw koo sí gɔl kára əsé joo jén nja ləm, ar darɔm-ma Pool nja kara m’ndigi mba kaw ya nɛ Njekurai ɓa ɔg sí rəbee ya.

Piləmɔ̰ 1:22

Ndəa neelé nja wa dɔ gɔl loo-toom mba kwam mbá keneŋ mbata mbɔl dɔ tamaji lə sí gə seḭ raje ɓa m’a teḛ ne rɔ sí’g ɓəi, yee ɓa m’unda məəm yel dɔ’g.

Ǝbrəje 13:19

Yee ɓa m’wa ta sí mba kar sí raje togə́bè mba kar nai lam ba d’ya̰ loo d’am m’aw rɔ sí’g ɓəi.

Maktub gə́ Jak ula ne ar ngan-Allaje 4:15

Ta gə́ kəm kar sí paje lé ɓa nee: Ɓó lé mee Ala ndigi ndá j’a si kəmba ləm, j’a ra né gə́ yo əsé né gə́ nee ləm tɔ.