Loo gə́ killa rea kəm Ja̰’g 9:20 - Maktub gə́ To gə Kəmee

²⁰ Dəb dəwje gə́ loo-joo gə́ nai gə́ d’wəi yoo-boo-oŋg gə́ kudu munda nee el lé d’ya̰ goo néra dee gə́ deḛ ra gə ji dee el. Deḛ d’əw rɔ dee kwa ndilje gə́ majel meḛ dee’g el ləm, d’əw rɔ dee kunda barmba no̰ magəje gə́ deḛ ra gə larlɔr gə larnda gə larkas gə mbal el ləm tɔ nɛ magəje neelé d’askəm koo loo gə kəm dee el ləm, d’askəm koo ta gə mbi dee el ləma, loo njaa lə dee kara godo ləm tɔ.

Loo gə́ killa rea kəm Ja̰’g 9:20 ပူးပေါင်းရင်းမြစ်များ

2 Mbaije 22:17

Mbata deḛ d’uba nee d’ya̰ neḛ ləm, deḛ roo néje gə́ ə̰də sululu d’ar magəje ləm tɔ gə mba kar oŋg ḭ ne sə neḛ mbata néje lai gə́ deḛ ra gə ji dee lé, yee ɓa oŋg lə neḛ gə́ to asəna gə pər gə́ a kwəi nda̰ el bèe lé to dɔ looje’g neelé gə mbəa.

2 Sôrta Gḭka Israɛlje 28:22

Loo gə́ mbai Ahas lé si dan nékəmndoo’g bèe kara yeḛ ra kaiya kəmee gə́ kédé-kédé ɔs ne ta lə Njesigənea̰ rəw ya ɓəi.

2 Sôrta Gḭka Israɛlje 34:25

Mbata deḛ d’ubam d’ya̰m d’aw tuu néje gə́ ə̰də sululu d’ar magəje, d’ar oŋg ḭ ne səm pu dɔ néje lai gə́ deḛ ra dee gə ji dee lé ndá oŋg ləm gə́ m’ɔm dɔ loo’g neelé a kwəi nda̰ el.

Pakɔsje 106:37

Ŋgan deeje gə́ diŋgam gə njé gə́ dené lé D’wa dee d’inja dee gə́ məs d’ar magəje.

Esai 2:8

Magə-poleje taa loo mee ɓee’g pəl-pəl, Deḛ d’unda barmba no̰ né’d gə́ deḛ ra gə ji dee lé Gə no̰ né’d gə́ ŋgan ji dee-deḛ ya ra tɔ.

Esai 41:7

Njetɔl néndaji ula diŋgam mee njelḛ̀ né’g, Yeḛ gə́ njekoo-né gə mo̰ ula diŋgam mee yeḛ gə́ njekunda né dɔ ɗaŋg’d, Yeḛ pa wɔji dɔ né gə́ léer né keneŋ pana: Wa maji ya. Ndá yeḛ ɓər néndaji magə neelé Gə ŋgawlarje gə mba karee oso el.

Jeremi 1:16

M’a pata gaŋg ne rəwta dɔ dee’g Mbata némeeyèrje lə deḛ lai ləm, Mbata deḛ d’ubam d’ya̰m Roo néje gə́ ə̰də sululu d’ar magəje ləma, Mbata deḛ d’unda barmba no̰ néje Gə́ deḛ ra gə ji dee ləm tɔ.

Jeremi 25:6

Maji kar sí ndolèje goo magəje mba pole dee kunda barmba no̰ dee’g el ləm, arje kula ra sí ar mee neḛ ḭ ne sə neḛ pu el ləm tɔ ndá n’a ra sə sí majel kára kara el tɔ.

Jeremi 44:8

See gelee ban ɓa seḭ arje məəm ḭ səm jugugu gə néje gə́ seḭ raje gə ji sí, tuuje ne né gə́ ə̰də sululu arje magəje gə́ mee ɓee gə́ Ejiptə gə́ seḭ ree síje keneŋ lé gə mba kam m’ar sí uduje ne guduru ləm, gə kar sí toje ne nékila ndɔl dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg’g lai dɔ naŋg nee bèe wa.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 51:17

Dəw gə́ rara kara Négər ləa aree tel mbə ləm, Jelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo mee dee’g ləm tɔ.

Loo gə́ killa rea kəm Daniel’g 5:23

I ḭ gə mbai dɔ dara ɔsee rəw. Baije gə́ to mee kəi’g ləa lé deḛ d’odo ree ne nɔḭ’g ndá seḭ aije ne mán-nduú gə́ mḭ, i seḭ gə dəwje ləi gə́ boo-boo gə denéje ləi gə gamla-denéje ləi tɔ. I pidi ne magəje gə́ ra dee gə larnda gə larlɔr gə larkas gə larndul gə kag gə mbal tɔ. Magəje neelé d’oo né gə kəm dee el ləm, d’oo ta gə mbi dee el ləma, deḛ gər né kára kara el ləm tɔ ndá Ala gə́ kəmə ləi gə rəw-kabije lai to jia’g lé i ula rɔnduba dəa’g el.

Loo gə́ killa rea kəm Daniel’g 5:4

Deḛ d’ai mán-nduú gə́ mḭ ləm, deḛ pidi ne magəje gə́ ra dee gə larlɔr gə larnda gə larkas gə larndul gə kag gə mbal ləm tɔ.

Ləbije 17:7

D’a kinja nékinjanéməsje lə dee kar ndilje gə́ yèr gə́ deḛ ndaji ne bàl bya̰je gə mba to ne kaiya dəwje el ŋga. Yee ɓa a to godndu gə́ a to saar-saar gə no̰ mbata lə dee ləm, gə mbata lə ŋgaka deeje ləm tɔ.

Misee 5:13

N’a kar magə-Astartéje godo mbuna sí’g ləm, N’a tuji ɓee-booje lə sí ləm tɔ.

Matiyo 21:32

Mbata Ja̰ lé ree rɔ sí’g gə rəw gə́ meekarabasur nɛ seḭ ɔmje meḛ sí dəa’g el. Nɛ njétaa lar-gədɓeeje ləm, gə kaiya-denéje ləm tɔ ɓa d’ɔm meḛ dee dəa’g ya. Loo gə́ seḭ ooje bèe ndá seḭ waje ndòo rɔ sí dɔ kaiya’g lə sí mba kɔmje ne meḛ sí dəa’g el.

Néra Njékaḭkulaje 17:29

Bèe ndá to gə́ jeḛ n’to ŋgan-Alaje lé ndá maji kar sí j’ə̰ji meḛ sí’g m’pana: Ala to asəna gə magə gə́ deḛ ra gə larlɔr əsé gə larnda gə́ deḛ léḛ əsé gə mbal gə́ deḛ tɔl ndaji ne né gə goo takə̰ji əsé goso lə dəwje lé maji kar sí j’ə̰ji bèe el.

Néra Njékaḭkulaje 19:26

Seḭ ooje gao to gə́ Pool lé ula ta meḛ dəwje gə́ Epesə gə kar dee el nɛ nai lam ba karee tel meḛ boo-dəwje gə́ d’isi ɓeeko̰ gə́ Asi gə loo-loo kara togə́bè ya tɔ. Yeḛ ula dee pana: Magəje gə́ dəwje ra gə ji dee lé to gə́ kankəm né el.

Néra Njékaḭkulaje 7:41

Mee ndəa’g neelé deḛ léḛ né ndaji ne ŋgon maŋg ndá d’inja néməs d’ar magə lé ləm, d’al rɔ dee wɔji dɔ né gə́ deḛ ra gə ji dee lé ya ləm tɔ.

2 Njé gə́ Kɔrḭtə 12:21

Meem to kərm nà loo gə́ m’a teḛ dɔ sí’g lé Ala a kila rɔkul dɔm’g gə mbata lə sí ya tɔɓəi ləm, m’a gə no̰-no̰ njé gə́ na̰je gə́ d’oso dan kaiya’g ɓa d’wa ne ndòo rɔ dee dɔ mɔdkaiya’g gə kəmnda gə néraje gə́ kori-kori gə́ d’ula rɔ dee keneŋ lé el ɓəi ləm tɔ.

Tel tura Godndu 31:29

Mbata ma m’gər gao loo gə́ m’wəi mba̰ ndá seḭ a gə kosoje dan kaiyaje’g ləm, seḭ a gə kya̰je goo rəw gə́ ma m’wɔji sí lé ləm tɔ, ŋga némajelje d’a teḛ dɔ sí’g loo gə́ seḭ a raje né gə́ majel kəm Njesigənea̰’g saar mba kar mée ea̰ ne dɔ kula’d gə́ seḭ raje lé.

Tel tura Godndu 32:17

Deḛ d’inja néməs d’ar magəje gə́ to Ala el ləm Deḛ d’ar magəje gə́ deḛ gər dee el ləma Deḛ gə́ sigi gə́ ree ɓasinè ɓəi Gə́ bɔ síje-je ɓəl dee el ləm tɔ.

Tel tura Godndu 4:28

Lée gə́ neelé seḭ a raje né karje magəje gə́ ji dəw ɓa ra dee gə kag əsé gə mbal gə́ d’askəm koo loo el ləm, gə koo ta el ləm, gə sɔ né el ləma, gə taa baḭ né el ləm tɔ lé.

1 Timote 4:1

Ndil ɓa riba dəa təsərə pana: Ndəaje gə́ rudee a gə kun ɗiao lé njé gə́ na̰je d’a tusu meekun lə dee kya̰ mba kwa goo ndilje gə́ njésutaje ləm, mba kula rɔ dee mbiriri dɔ ta’g lə ndilje gə́ yèr ləm tɔ.

Loo gə́ killa rea kəm Ja̰’g 15:1

Tɔɓəi ma m’oo boo-nétɔji gə́ raŋg dara gə́ to ɓəl kədm-kədm bèe: Kuraje gə́ dara siri d’isi gə tuji-boo gə́ siri, tuji neelé to rudu tuji ɓa mba kar oŋg lə Ala wəi ne bém.

Loo gə́ killa rea kəm Ja̰’g 16:8

Kura gə́ dara gə́ njekɔm dee’g sɔ lé aw ɔm oŋg gə́ to mee bai’g ləa dɔ kàr’g aree ɔs yaa̰ ar pər-boo o̰ dəwje,

Loo gə́ killa rea kəm Ja̰’g 9:19

Mbata kundaje neelé ta dee gə ɓoŋ dee ɓa gə́ siŋgamoŋ dee. Ɓoŋ kundaje lé to asəna gə ka̰ lije gə́ dɔ dee to keneŋ, yee ɓa deḛ ra ne dəwje meeyèr.

Loo gə́ killa rea kəm Ja̰’g 9:21

Dəb dəwje gə́ loo-joo lé d’əw rɔ dee tɔl mar deeje el ləm, əsé gə su kəm mar deeje su-su el ləma, mɔdkaiya lə dee gə ɓogo lə dee kara d’əw el ləm tɔ.