Loo gə́ killa rea kəm Ja̰’g 5:11 - Maktub gə́ To gə Kəmee

¹¹ M’aa loo ndá m’oo ndu kuraje lə Ala gə́ dara bula gə́ gugu dɔ kalimbai gə dɔ nékundaje lə Ala gə́ d’aw kəmba gə dɔ ŋgatɔgje lé sub lé ɓar. Deḛ bula digi-digi dum tura ya.

Loo gə́ killa rea kəm Ja̰’g 5:11 ပူးပေါင်းရင်းမြစ်များ

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

Pakɔsje 103:20

Seḭ kuraje ləa gə́ dara gə́ siŋga sí to kɔgərɔ-kɔgərɔ ləm, Seḭ gə́ raje torndiaje Ilaje ne koji dɔ tapea’g ləm tɔ lé Undaje no̰ dɔkaisəgərə lə Njesigənea̰.

Pakɔsje 148:2

Seḭ kuraje ləa gə́ dara lai lé pideeje, Seḭ boo-néje ləa lai gə́ dara kara pideeje.

Pakɔsje 68:17

Seḭ mbalje gə́ sém sí bula lé See gə mba ɗi ɓa seḭ raje kəmkəḭ Dɔ mbal gə́ Ala wɔji gə mba ra loo-siée keneŋ lé wa. Lé bèe kara Njesigənea̰ a karee to loo-siée saar gə no̰ ya.

Loo gə́ killa rea kəm Daniel’g 7:10

Pər gə́ un loo lad-lad to gə́ mán-baa bèe lé unda loo nea̰’g teḛ. Dəwje tɔl-dɔg-loo-tɔl-dɔg (1.000.000) ra né d’aree ləm, dəwje tɔl-dɔg-loo-tɔl-dɔg as loo dɔg (10.000.000) kara d’aar nea̰’g ləm tɔ. Njégaŋ-rəwtaje d’isi naŋg ndá d’ɔr maktubje tɔ.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

Jude 1:14

Enɔk, yeḛ gə́ to ŋgokadɔg Adam gə́ njekɔm’g siri lé yeḛ tegginta gə́ wɔji dɔ dəwje neelé pana: Aa ooje, Mbaidɔmbaije a ree gə njémeendaje ləa gə́ dum tura gə́ dɔ dee a kwa mèŋgèŋgḛ̀

Loo gə́ killa rea kəm Ja̰’g 19:6

Tɔɓəi ma m’oo ndu ɓar asəna gə ndu boo-dəwje gə́ bula digi-digi gə́ ɓar asəna gə mán gə́ ula u-u-u bèe ləm, asəna gə ndi gə́ ndaŋg paḭ-paḭ bèe ləm tɔ pana: Aleluia! Mbata Mbaidɔmbaije Ala lə sí gə́ to Bao-siŋgamoŋ lé yeḛ nja o̰ ɓee mba̰.

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.

Loo gə́ killa rea kəm Ja̰’g 4:6

Loo gə́ no̰ kalimbai’g lé asəna gə tɔnɔno̰ ləm, tad rəg-rəg ləma, ndɔḭ mbənənə-mbənənə asəna gə jər gə́ ɓaree Kristal bèe ləm tɔ. Loo gə́ dan kalimbai’g ləm, gə gir kalimbai’g ləm tɔ lé nékundaje lə Ala sɔ gə́ d’aw kəmba ləm, kəm dee bula taa rɔ dee par gə́ gogo gə par gə́ no̰ dee’g ləm tɔ lé d’aar keneŋ.

Loo gə́ killa rea kəm Ja̰’g 5:14

Nékundaje lə Ala gə́ sɔ gə́ d’aw kəmba lé pana: Amen! Ndá ŋgatɔgje lé d’unda barmba d’ula dɔ dee naŋg d’wa ŋgon badə lé meḛ dee’g sudu.

Loo gə́ killa rea kəm Ja̰’g 5:6

M’aa loo ndá loo gə́ dan kalimbai’g ləm, gə mbuna nékundaje lə Ala sɔ gə́ d’aw kəmba ləma, gə mbuna ŋgatɔgje’g ləm tɔ lé m’oo Ŋgonbad gə́ to asəna gə ŋgonbad gə́ d’inja gə́ məs ya aar keneŋ. Ŋgonbad neelé lé gajee siri ləm, kəmee siri ləm tɔ. Deḛ ɓa gə́ ndilje lə Ala gə́ siri gə́ yeḛ ula deḛ gə́ d’un loo lad-lad dɔ naŋg nee.

Loo gə́ killa rea kəm Ja̰’g 5:8

Loo gə́ yeḛ taa maktub lé mba̰ ndá nékundaje lə Ala sɔ gə́ d’aw kəmba ləm, gə ŋgatɔgje rɔ-joo-gir-dee-sɔ ləm tɔ d’unda barmba d’ula dɔ dee naŋg no̰ Ŋgonbad’g lé. Deḛ kára-kára lai d’isi gə kṵdu-kagje ləm, bai-larlɔrje gə́ né ə̰də sululu rusu mee dee tub-tub to ji dee’g kára-kára lai ləm tɔ. Yee ɓa gə́ tamaji ra lə deḛ gə́ to gə kəmee.

Loo gə́ killa rea kəm Ja̰’g 7:11

Kuraje lə Ala gə́ dara lai gugu dɔ kalimbai lé sub ləm, gə dɔ ŋgatɔgje lé ləma, gə dɔ nékundaje lə Ala gə́ sɔ gə́ d’aw kəmba lé ləm tɔ. Deḛ d’unda barmba d’ula dɔ dee naŋg no̰ kalimbai’g, d’wa Ala meḛ dee’g

Loo gə́ killa rea kəm Ja̰’g 9:16

Njékṵda-kaw-rɔje gə́ m’oo dee lé tura deḛ ndá dɔ dee a kwa mèŋgèŋgḛ̀ dum tura.