Loo gə́ killa rea kəm Ja̰’g 3:7 - Maktub gə́ To gə Kəmee

⁷ Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana:

Loo gə́ killa rea kəm Ja̰’g 3:7 ပူးပေါင်းရင်းမြစ်များ

Maktub gə́ wɔji dɔ Jɔb 11:10

Ɓó lé Ala dəs ləm, ɓó lé yeḛ wa dəw ləma, Ɓó lé yeḛ ɓar dəw loo-gaŋg-rəwta’g ləa ləm tɔ ndá See na̰ ɓa a kaskəm kɔgee wa.

Maktub gə́ wɔji dɔ Jɔb 12:14

Né gə́ yeḛ tuji lé dəw askəm tel gɔl gogo el, Dəw gə́ yeḛ udee kəi kara njekɔree godo tɔ.

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Pakɔsje 16:10

Mbata i a kya̰’m ɓee lə njé gə́ d’wəi’g lé el ləm, Yeḛ gə́ i undá dan kəmi’g lé I a kyá̰ k aree unda naŋg ndəs el ləm tɔ.

Pakɔsje 89:18

I nja to rɔnduba lə siŋgamoŋ lə dee ləm, Mbɔl dɔ meemaji ləi ɓa ar siŋga sí tel ḭ ne dɔ maree’g ləm tɔ.

Esai 22:22

N’a karee nékɔr takəi lə Dabid, Loo gə́ yeḛ ɔr takəi ndá Dəw kára kara a kudu el ləm, Loo gə́ yeḛ udu ndá Dəw kára kara a kɔr el ləm tɔ.

Esai 30:11

Maji kar sí ya̰je rəw gə́ danasur ləm, Ubaje kila-rəwje ya̰je ləma, Arje Njerɔkunda lə Israɛlje nai əw sə sí ləm tɔ!

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 41:20

Gə mba kar dee d’oo gər ləm, Kar dee la̰ji toree d’oo njai ləm, Kar dee d’oo to gə́ ji Njesigənea̰ Ɓa ra néje neelé ləma, Njerɔkunda lə Israɛlje ɓa gə́ njegin néje neelé ləm tɔ.

Esai 47:4

Njekoga dɔ síjeḛ lé To yeḛ gə́ ria lə Njesigənea̰ gə́ njeboo-néje, Yeḛ to Njerɔkunda lə Israɛlje.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Matiyo 16:19

M’a kari nékɔr tarəw ɓeeko̰ gə́ dara. Néje lai gə́ i a kɔg dee dɔ’g dɔ naŋg nee ndá a to né gə́ d’ɔg dee dɔ’g dara ya tɔ. Néje lai gə́ i a kun ndui kar dee ra dɔ naŋg nee ndá a to né gə́ d’a kun ndu dee kar dee ra dara tɔ.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Mark 1:24

Jeju gə́ Najaret, see ta lə síjeḛ səi aw na̰’d ra wa. See i ree mba tuji síjeḛ wa. Ma m’gəri gao, i lé to Njemeenda lə Ala ya.

Lugu 1:32

Yeḛ a to dəw gə́ boo gə́ d’a ɓaree ŋgon Njekurdɔloo’g ndá Mbaidɔmbaije Ala lé a karee si kalimbai gə́ ka̰ keaje Dabid.

Lugu 4:34

Wai, Jeju gə́ Najaret! See ɗi ləi to rɔ sí’g wa. See i ree rɔ sí’g mba tuji sí kɔ to ŋga wa. Ma m’gər gao, i to Njemeenda ka̰ Ala lé nja.

Tagə́maji gə́ Ja̰ ndang 14:6

Jeju ilá’g pana: Ma nja m’to gə́ rəw lé ləm, gə kankəmta lé ləma, gə kəmə lé ləm tɔ. Lé dəw gə́ rara ɓa ree gə rəw gə́ rɔm’g el kara yeḛ a teḛ rɔ Bɔm’g el tɔ.

Néra Njékaḭkulaje 3:14

Seḭ nja seḭ mbadje yeḛ gə́ to Njemeenda ləm, gə Njemeekarabasur ləm tɔ nɛ seḭ dəjije njetɔl dəw mareeje ɓa gə mba kar dee d’ilá tar d’ar sí.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.

Loo gə́ killa rea kəm Ja̰’g 1:11

pana: Né gə́ ma m’oo lé maji kam ndaŋg maktub’g m’ula ne m’ar Eglisəje gə́ siri gə́ to Epesə ləm, gə Smirnə ləm, gə Pergamə ləm, gə Tiatirə ləm, gə Sardes ləm, gə Piladelpi ləma, gə laodise ləm tɔ.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,

Loo gə́ killa rea kəm Ja̰’g 16:7

M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.

Loo gə́ killa rea kəm Ja̰’g 19:2

mbata rəwta-gaŋg ləa to gəd ləm, to gə dɔ najee ləm tɔ. Yeḛ gaŋg rəwta ila dɔ kaiya-dené gə́ njemina̰ naŋg nee gə mɔdkaiya ləa, yeḛ dal ba̰ məs kuraje ləa gə darɔ məsee-yeḛ nja.

Loo gə́ killa rea kəm Ja̰’g 2:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Epesə pana: Aa oo, yeḛ gə́ kéréméje gə́ siri to jikɔlee’g lé yeḛ gə́ njaa dan kag pərndɔje gə́ siri gə́ ra gə larlɔr neelé yeḛ nja ɓa pana:

Loo gə́ killa rea kəm Ja̰’g 21:5

Yeḛ gə́ si kalimbai’g lé pana: Aa ooje, neḛ n’tum gin néje lai sigi. Tɔɓəi yeḛ ulam pana: Maji kam m’ndaŋg ta neelé mee maktub’g mbata ta neelé to kankəmta gə́ to njaŋg.

Loo gə́ killa rea kəm Ja̰’g 3:14

Maji kam m’ndaŋg maktub nee m’ar kura lə Eglisə gə́ Laodise pana: Aa oo, yeḛ gə́ njepa ta Amen gə́ to njekɔrgoota gə́ to majikoji gə njepa kankəmta lé ləm, yeḛ gə́ to gə́ njegin nékundaje lə Ala ləm tɔ lé yeḛ nja pana:

Loo gə́ killa rea kəm Ja̰’g 4:8

Nékundaje gə́ d’aw kəmba sɔ lé deḛ kára-kára lai lé bag dee misa̰-misa̰ ləm, kəm dee taa rɔ dee gə meḛ dee pəl-pəl ləm tɔ. Deḛ pata nee dan kàrá gə loondul’g ɓó d’əw rɔ dee el pana: Mbaidɔmbaije Ala gə́ Njedumnéje lai, Njerɔkunda, Njerɔkunda, Njerɔkunda, yeḛ gə́ si dɔtar lé yeḛ si gən, yeḛ si ree tɔ.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.