Loo gə́ killa rea kəm Ja̰’g 22:18 - Maktub gə́ To gə Kəmee

¹⁸ Nana ɓa gə́ oo ta gə́ a gə teḛ gə goo ta gə́ to mee maktub’g neelé ndá ma m’ulá təsərə m’pana: Ɓó lé yeḛ pa təa gə́ ɓəd ɔm ta gə́ raŋg dɔ’g ndá Ala a kundá gə oŋg-booje gə́ ndaŋg taree mee maktub’g neelé nja.

Loo gə́ killa rea kəm Ja̰’g 22:18 ပူးပေါင်းရင်းမြစ်များ

Gosota-Kəmkàrje 30:6

Taje ləa lé maji kari ila maree dɔ’g el, Nà banelə yeḛ a ndaŋgi ndá d’a kooi gə́ njetaŋgɔm.

Ləbije 26:18

Ɓó lé seḭ ooje ta ləm el ya ɓəi ndá m’a kar bo̰ néra sí ɔs ta sí’g unda nje gə́ kédé as gɔl siri mbata lə kaiyaje lə sí.

Ləbije 26:28

m’a kɔs sí rəw gə oŋg gə́ to ɓəl kədm-kədm, tɔɓəi m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Ləbije 26:37

D’a dar na̰ yo gə́ nee to gə́ d’aar no̰ kiambas’g bèe, lal kar dəw korə dee. Seḭ a kiŋgaje siŋga sí mba kaar ne naŋg gəs no̰ njéba̰je’g lə sí el.

Matiyo 15:13

Yeḛ ila dee keneŋ pana: Néje gə́ ma̰a lé yee gə́ ra ɓa Bɔm ma̰a el kara d’a tɔr gə ŋgira ɓɔgədɔ-ɓɔgədɔ kɔm kɔ ya.

Njé gə́ Epesə 4:17

Ooje ta gə́ ma m’ula sí ləm, ta gə́ m’pa njaŋg gə ri Mbaidɔmbaije ləm tɔ lé maji kar sí njaaje asəna gə njépole-magəje el ŋga mbata deḛ nja ndolè goo takə̰ji lə deḛ gə́ gə mḭdé-mḭdé ba.

Tel tura Godndu 4:2

Seḭ a kilaje ta gə́ raŋg kára kara dɔ ta gə́ ma m’un ne ndum m’ar sí nee lé el ləm, seḭ a kɔrje ta kára kara keneŋ el ləm tɔ, nɛ seḭ a kaaje dɔ godndu Ala lə sí gə́ Njesigənea̰ kər-kər gə mba karee to gə goo taree gə́ m’ndaŋg ne m’ar sí lé ya.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

Loo gə́ killa rea kəm Ja̰’g 1:3

Yeḛ gə́ tura maktub lé ləm, gə deḛ gə́ d’oo ta gə́ tegginee ləma, gə deḛ gə́ tɔs ne kəm dee dɔ néje lai gə́ ndaŋg mee maktub’g neelé ləm tɔ ndá deḛ nja ɓa rɔlel nai sə dee. Mbata néje neelé ndəa to dəb ya.

Loo gə́ killa rea kəm Ja̰’g 15:1

Tɔɓəi ma m’oo boo-nétɔji gə́ raŋg dara gə́ to ɓəl kədm-kədm bèe: Kuraje gə́ dara siri d’isi gə tuji-boo gə́ siri, tuji neelé to rudu tuji ɓa mba kar oŋg lə Ala wəi ne bém.

Loo gə́ killa rea kəm Ja̰’g 15:6

Kuraje gə́ dara gə́ siri gə́ d’isi gə tuji-boo gə́ siri lé d’unda loo mee kəi-Ala’g teḛ raga. Kubu gə́ d’ṵji gə kúla palégal gə́ àr ŋgad-ŋgad ləm, ndɔḭ yaa̰ ləm tɔ lé to rɔ dee’g ndá d’wa kaar dee gə ndar gə́ ra gə larlɔr tɔ.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

Loo gə́ killa rea kəm Ja̰’g 20:10

Njekurai gə́ su kəm dee lé d’wá d’ilá dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé loo gə́ da gə njéteggintaje gə́ ŋgɔm d’isi keneŋ. Ndá néurti a kula kəm dee ndòo dan kàrá gə loondul’g gə ləb dee ləb dee saar-saar gə no̰.

Loo gə́ killa rea kəm Ja̰’g 20:15

Nana ɓa gə́ ria godo mee maktub kəmə’g neelé ndá d’ilá dan pər gə́ tad rəg-rəg’d neelé tɔ.

Loo gə́ killa rea kəm Ja̰’g 22:10

Yeḛ ulam pana: Ta néje gə́ a gə ree gə́ maktub neelé tegginee lé maji kam m’rḛdə təa el. Mbata kàree nai dəb ba ŋga.

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.

Loo gə́ killa rea kəm Ja̰’g 22:7

Aa oo, waga ɓa, n’a ree ɓəi, yeḛ gə́ taa ta gə́ to mee maktub’g neelé gə́ wɔji dɔ né gə́ ma gə ra lé ŋgəm dɔɓəŋgəree’g ndá rəa a lelee ne ya.

Loo gə́ killa rea kəm Ja̰’g 22:9

Nɛ yeḛ ulam pana: Ra togə́bè el! Ma m’to gə́ njeboakula mari ləm, gə ka̰ ŋgakɔḭje gə́ njékɔrgootaje ləma, gə ka̰ dee-deḛ gə́ ŋgəm ta gə́ to mee maktub’g neelé dɔɓəŋgərə dee’g lé ləm tɔ. Ala ɓa maji kari wá məəi’g ya.

Loo gə́ killa rea kəm Ja̰’g 3:14

Maji kam m’ndaŋg maktub nee m’ar kura lə Eglisə gə́ Laodise pana: Aa oo, yeḛ gə́ njepa ta Amen gə́ to njekɔrgoota gə́ to majikoji gə njepa kankəmta lé ləm, yeḛ gə́ to gə́ njegin nékundaje lə Ala ləm tɔ lé yeḛ nja pana: