Loo gə́ killa rea kəm Ja̰’g 22:17 - Maktub gə́ To gə Kəmee

¹⁷ Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.

Loo gə́ killa rea kəm Ja̰’g 22:17 ပူးပေါင်းရင်းမြစ်များ

Pakɔsje 34:8

Kura lə Njesigənea̰ gə́ dara ula ŋgalaŋ gugu ne dɔ deḛ gə́ ɓəlee, Yeḛ ɔr dee ne dan tuji’g.

Esai 12:3

Seḭ a toje mán gə rɔlel Mee kəm-rəw-manje gə́ wɔji dɔ kaji.

Esai 2:3

Ginkoji dəwje gə raŋg lai d’a ndɔm na̰ keneŋ Ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí torndiaje Kar sí njaaje ne kila-rəwje’g ləa. Mbata godndu a kḭ Sio̰’g ləm, Ta lə Njesigənea̰ a kḭ Jerusalem ləm tɔ.

Esai 2:5

Seḭ ŋgaka Jakobje lé Gə́ reeje ar sí njaaje dan lookàr’g lə Njesigənea̰!

Jeremi 50:5

D’a dəji rəw gə́ aw gə́ Sio̰ ləm, D’a tel kəm dee gə́ keneŋ ləm tɔ. Gə́ reeje ɔmje na̰’d gə Njesigənea̰ Gə manrɔ gə́ to gə no̰ Gə́ mee dəw a kwəi dɔ’g nda̰ el.

Ejekel 47:1

Yeḛ tel ree səm par gə́ tarəw kəi gə́ to gə kəmee doi’g. Ndá aa oo, mán ḭ gin tarəwkəi gə́ naŋg teḛ ula gə́ bər mbata kəi lé təa to par gə́ bər. Man lé ula par gə́ dɔkɔl lə kəi gə́ to gə kəmee ləm, gə dɔkɔl lə loo-nékinjaməs ləm tɔ.

Misee 4:2

Ginkoji dəwje gə raŋg bula d’a kaw keneŋ ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí kar sí njaaje kila-rəwje’g ləa. Mbata godndu a kḭ Sio̰ ləm, Ta lə Njesigənea̰ a kḭ Jerusalem ləm tɔ.

Tagə́maji gə́ Ja̰ ndang 1:37

Njékwakila Ja̰je gə́ joo d’oo ta nee gə́ yeḛ ula dee lé ndá d’ḭ d’aw goo Jeju’g.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 4:11

Dené lé tel dəjee pana: Mbai, i aar gə nékɔrman el nɛ bwa-mán lé uru yaa̰. See i a kḭ gə mán gə́ aḭ teḛ kuji-kuji lé ra wa.

Tagə́maji gə́ Ja̰ ndang 4:14

Nɛ nana ɓa a kai mán gə́ m’a karee neelé ndá kunda a tɔlee gogo el ŋga. Man gə́ m’a karee lé a tel to ŋgira mán mée’g gə́ a kaḭ teḛ kuji-kuji ndá yeḛ a si gə kəmə gə́ gə no̰ lé mée’g.

Tagə́maji gə́ Ja̰ ndang 4:29

Gə́ reeje ooje dəw kára gə́ teggin néram gə́ m’ra ləw saar ɓasinè lé. See yeḛ a to gə́ Kristi lé el wa.

Tagə́maji gə́ Ja̰ ndang 7:37

Ndɔ gə́ rudu naḭ a gə kun ɗiao gə́ to ndɔ gə́ boo lé Jeju ḭ aar tar dan dee’g ila boo-ndia naŋg ɓəgəgə pana: Lé nana ɓa kṵdaman tɔlee ndá maji karee ree rɔm’g gə mba kai.

Njé gə́ Rɔmə 3:24

Kuga gə́ Jeju Kristi uga dɔ dee lé yee ɓa gə́ noji lə Ala gə́ yeḛ wa sə dee ɔr ne ta dɔ dee’g gə kɔr.

1 Njé gə́ Kɔrḭtə 2:12

Jeḛ lé ndil gə́ ḭ rɔ dəwje gə́ dɔ naŋg nee ɓa j’iŋga el, nɛ Ndil gə́ ḭ rɔ Ala’g ɓa j’iŋga ɓó gə mba kar sí n’gər ne gin néje gə́ Ala ar sí wa ne sə sí noji lé.

Loo gə́ killa rea kəm Ja̰’g 14:13

Ma m’oo ndu dəw ɓar dara pana: Maji kam m’ndaŋg ta nee mee maktub’g pana: Un kudee ɓasinè lé deḛ gə́ d’wəi gel Mbaidɔmbaije’g ndá rɔ dee a lel dee ya. Ndil lé pa bèe to pana: Oiyo, mba kar dee d’wa rɔ dee ta kula’g lə dee mbata kula ra dee gə́ maji lé orè goo dee ndəŋ.

Loo gə́ killa rea kəm Ja̰’g 2:7

Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.

Loo gə́ killa rea kəm Ja̰’g 21:6

Tɔɓəi yeḛ ulam pana: Neḛ n’tɔlee bém. Neḛ n’to Alpa gə Omega, yeḛ gə́ dɔtar gə yeḛ gə́ rudu tɔ. Yeḛ gə́ kṵdaman tɔlee ndá n’a karee mán kəmə gə́ aḭ kəm-rəw-mán gə́ teḛ kuji-kuji lé ai, n’a karee gə́ kar ɓó yeḛ a ndogo el.

Loo gə́ killa rea kəm Ja̰’g 21:9

Tɔɓəi kura gə́ dara gə́ mbuna mareeje gə́ siri gə́ d’aar gə baije gə́ siri gə́ rudu boo-oŋg to keneŋ lé ulam ta pana: Maji kari gə́ ree, m’a kari oo njeŋgao-sigi, yeḛ gə́ to dené lə Ŋgonbad lé.

Loo gə́ killa rea kəm Ja̰’g 22:1

Yeḛ am m’oo baa gə́ ḭ gin kalimbai’g lə Ala gə ka̰ Ŋgonbad’g lé tɔ. To mán kəmə gə́ ndul konono asəna gə mán gə́ ndil ku’g bèe.

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.