Loo gə́ killa rea kəm Ja̰’g 21:15 - Maktub gə́ To gə Kəmee

¹⁵ Yeḛ gə́ ulam ta lé aw gə kag-kwɔji-né gə́ ra gə larlɔr mba kwɔji ne ɓee-boo lé ləm, gə tarəbeeje ləma, gə ndògo gə́ gugu dəa lé ləm tɔ.

Loo gə́ killa rea kəm Ja̰’g 21:15 ပူးပေါင်းရင်းမြစ်များ

Ejekel 40:3

Yeḛ ɔr nɔm aw səm lée’g neelé ndá aa oo, dəw gə́ rɔkunda ləa to asəna gə larkas bèe aar keneŋ, kúla palégal gə kag-kwɔji-né to jia’g tɔɓəi yeḛ aar tarəwkəi’g.

Jakari 2:1

Ma m’un kəm gə́ tar ndá aa oo, ma m’oo gaji daje sɔ.

Jakari 2:2

Ma m’dəji kura gə́ dara gə́ njekwɔji səm ta lé m’pana: Gaji daje neelé see wɔji dɔ ɗi wa. Ndá yeḛ ulam pana: Dee to gaji daje gə́ sané ne Judaje gə Israɛlje gə njé gə́ Jerusalem lé.

Loo gə́ killa rea kəm Ja̰’g 21:12

Ndògo gə́ dəree ŋgal lé gugu dɔ ɓee-boo lé sub. Tarəbeeje dɔg-giree-joo to keneŋ ləm, kuraje gə́ dara dɔg-gir-dee-joo d’isi tarəbeeje’g ləm tɔ. Deḛ ndaŋg ri ginkoji Israɛlje dɔg-gir-dee-joo tarəbee kára-kára dɔg-giree-joo ya tɔ.

Loo gə́ killa rea kəm Ja̰’g 21:16

Ɓee-boo neelé to dɔmbul ar ŋgalee gə tadee d’asəna ya. Yeḛ wɔji ɓee-boo neelé gə kag-kwɔji-né ndá ŋgalee as kuruloo tɔl-dɔg-loo dɔg-giree-joo. Ŋgalee ləm, gə tadee ləma, gə dəree gə́ tar ləm tɔ lé d’asəna.

Loo gə́ killa rea kəm Ja̰’g 21:21

Tarəwkəije gə́ dɔg-giree-joo neelé to mərkwɔjije ya. Tarəwkəije kára-kára lai lé to gə́ mərkwɔji ya doŋgɔ kára-kára. Tɔɓəi ndag-loo gə́ dan mee ɓee’g lé to gə́ larlɔr gə́ gəd ya, yee ndɔḭ asəna gə mán gə́ ndusu ɗəḭ-ɗəḭ bèe tɔ.

Loo gə́ killa rea kəm Ja̰’g 21:25

D’a kudu tarəwje neelé el mbata loo gə́ ndul ɗigi godo keneŋ.