Loo gə́ killa rea kəm Ja̰’g 19:20 - Maktub gə́ To gə Kəmee

²⁰ Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

Loo gə́ killa rea kəm Ja̰’g 19:20 ပူးပေါင်းရင်းမြစ်များ

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

Maktub gə́ wɔji dɔ Jɔb 18:15

Dəw ləa kára kara nai mee kəi’g ləa el ləm Kṵji pər gə́ kas njir-njir taa loo-siée pəl-pəl ləm tɔ.

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 34:9

Kəm-rəw-manje gə́ Edɔm d’a tel to asəna gə tibi bia̰ ləm, Nduji naŋgee a tel to asəna gə tibi bia̰ gə́ gel naŋg’d ləm tɔ, Tɔɓəi dɔ naŋgee a to asəna gə tibi bia̰ gə́ o̰ pər bèe.

Ejekel 24:5

Mbər ŋgon nékul gə́ maji wa, Tɔɓəi tɔs kag gel jo’g, Aree ndiri ɓugu-ɓugu Ar siŋgaje gə́ mee jo’g lé kara iri yɔm-yɔm.

Ejekel 38:22

N’a gaŋg rəwta dəa’g gə yoo-koso ləm, gə məs ləm, gə ndi-bura-boo ləma, gə ndi kwɔjije ləm tɔ. N’a ɓugu pər gə kṵji pər gə́ kas gə́ o̰ bilim-bilim dəa’g gə dɔ kudu-njérɔje’g ləa ləm, gə dɔ koso-dəwje gə́ bula digi-digi gə́ d’a kaw səa lé ləm tɔ.

Loo gə́ killa rea kəm Daniel’g 11:45

Yeḛ a la kəi-kubuje gə́ ka̰ kəi-mbai ləa mbuna baa-booje’g par gə́ mbɔr mbal gə́ to gə kəmee gə́ maji dum lé. Togə́bè ɓa yeḛ a teḛ ne rudu ndɔ’g ləa kar dəw kára kara la səa el tɔ.

Loo gə́ killa rea kəm Daniel’g 8:24

Siŋgamoŋ ləa a kḭ dɔ maree’d gə́ kédé-kédé, nɛ gə goo siŋgamoŋ gə́ ḭ rəa’g el. Yeḛ a kar tujije gə́ dumkoo d’oso dɔ loo’g ləm, kula reaje lai a teḛ mbi teḛ boo ləma, yeḛ a tuji njésiŋgamoŋje gə koso-dəwje gə́ to gə kəmee ləm tɔ.

Loo gə́ killa rea kəm Daniel’g 8:26

Némḭdi gə́ wɔji dɔ kàrkemetagje gə ndɔje gə́ m’oo lé to kankəmta ya. Ma lé maji kam m’ŋgəm ta némḭdi neelé məəm’g mbata to ta gə́ wɔji dɔ né gə́ ndəa nai əw ɓəi.

Matiyo 7:15

Maji kar sí aaje rɔ sí dɔ njéteggintaje gə́ ŋgɔm gə́ d’a kḭ mbuna sí’g nee ya tel rɔ dee asəna gə badje nɛ meḛ dee gə́ kəi to asəna gə jagmjərje gə́ njétɔ kó dəwje.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.

Jujé 8:23

nɛ deḛ d’wa mbai gə́ Ai lé kəmba d’aw səa rɔ Juje’g.

Loo gə́ killa rea kəm Ja̰’g 14:10

ndá yeḛ kara boo-oŋg lə Ala a rəa to gə́ dəw gə́ ai kido bèe, a to kido gə́ mḭ yaa̰ gə́ d’a ndusu mee bai’g gə goo kára ba ya. Yeḛ neelé a si dan néurti dan pər’g ləm, gə dan kṵji pər gə́ teḛ sa gi-gi’g ləm tɔ kəm kuraje gə́ dara gə́ to gə kəmee ləm, gə kəm Ŋgonbad’g lé ləm tɔ.

Loo gə́ killa rea kəm Ja̰’g 17:12

Gajeje gə́ dɔg gə́ ma m’oo lé to mbaije gə́ dɔg gə́ d’iŋga ɓeeko̰ lə dee el ɓəi, nɛ d’un ndu dee gə mba kar dee d’isi gə́ mbaije na̰’d gə da lé waga ba.

Loo gə́ killa rea kəm Ja̰’g 19:19

Ma m’oo da gə mbaije gə́ dɔ naŋg nee gə njérɔje lə dee tɔ. Deḛ mbo̰ dɔ na̰ gə mba rɔ gə yeḛ gə́ si gir kunda’g lé gə njérɔje ləa tɔ.

Loo gə́ killa rea kəm Ja̰’g 20:10

Njekurai gə́ su kəm dee lé d’wá d’ilá dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé loo gə́ da gə njéteggintaje gə́ ŋgɔm d’isi keneŋ. Ndá néurti a kula kəm dee ndòo dan kàrá gə loondul’g gə ləb dee ləb dee saar-saar gə no̰.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.

Loo gə́ killa rea kəm Ja̰’g 9:17

Togə́bè ɓa m’oo kunda-kaw-rɔje lé gə́ némḭdi, m’oo njékuba gir deeje tɔ. Njékṵdaje neelé kubu-lar gə́ ŋgira kiŋ-kiŋ gə́ to rɔ dee’g lé kas asəna gə pər bèe ləm, gə ndul asəna gə jər gə́ ɓaree hyasintə ləma, gə kas asəna gə kṵji pər bèe ləm tɔ. Dɔ kundaje lé to asəna gə dɔ toboḭje. Pər teḛ ta dee’g gə sia ləm, gə kṵjee ləm tɔ.