Loo gə́ killa rea kəm Ja̰’g 19:1 - Maktub gə́ To gə Kəmee

¹ Gée gə́ gogo m’oo ndu boo-dəwje gə́ bula digi-digi gə́ ɓar dara pana: Aleluia! Kaji, ləm gə rɔnduba ləma, gə siŋgamoŋ ləm tɔ lé to ka̰ Ala lə sí ya,

Loo gə́ killa rea kəm Ja̰’g 19:1 ပူးပေါင်းရင်းမြစ်များ

1 Sôrta Gḭka-Israɛlje 29:11

I Njesigənea̰ lé boo-riɓar, gə siŋgamoŋ, gə néra gə́ maji dum, gə si gə ləb-ləb, gə rɔnduba to kaḭ ya, mbata néje lai gə́ dara gə dɔ naŋg nee to kaḭ ya, ko̰ɓee to kaḭ-i Njesigənea̰ ya mbata i to mbai gə́ ur dɔ néje’g lai tɔ.

Pakɔsje 104:35

Maji kar njékaiyaje lé Sané pá dɔ naŋg nee ləm, Maji kar njémeeyèrje lé kara Godo ya ləm tɔ. Ŋgaw məəm, maji kari unda no̰ dɔkaisəgərə lə Njesigənea̰ ya! Pidije Njesigənea̰!

Pakɔsje 106:1

Maji kar sí pidije Njesigənea̰! Pidije Njesigənea̰ mbata yeḛ lé to njemaji kɔr njoroŋ, Mbata meekɔrjol ləa lé to saar-saar gə no̰.

Pakɔsje 111:1

Pidije Njesigənea̰. M’a kɔs gaji Njesigənea̰ gə ŋgaw məəm bura Loo-kwa-dɔ-na̰’g lə dəwje gə́ njéra nédanaje ləm, Gə loo-mbo̰-dɔ-na̰’g lə koso-dəwje ləm tɔ.

Pakɔsje 115:18

Nɛ jeḛ lé j’a kunda no̰ dɔkaisəgərə lə Njesigənea̰ Un kudee ɓasinè saar-saar gə no̰ ya. Pidije Njesigənea̰ ya.

Pakɔsje 146:1

Maji kar sí pidije Njesigənea̰. Ŋgaw məəm lé maji kari pidi Njesigənea̰ lé tɔ.

Pakɔsje 148:1

Maji kar sí pidije Njesigənea̰! Seḭ gə́ síje sém dara’g, pidije Njesigənea̰, Seḭ gə́ síje dɔ looje gə́ ndəw’g lé pideeje.

Pakɔsje 149:1

Maji kar sí pidije Njesigənea̰! Ɔsje pa gə́ sigi arje Njesigənea̰. Ɔsje pa pideeje ne mbuna ŋgankojije’g!

Pakɔsje 150:1

Maji kar sí pidije Njesigənea̰! Pidije Ala dan loo’g ləa gə́ to gə kəmee doi lé, Pideeje dan dara’d Gə́ to loo-kila-siŋgamoŋ ləa.

Pakɔsje 3:8

Njesigənea̰, maji kari uba naŋg ḭta! Ala ləm, maji kari taam ya! Mbata i to njekunda kwɔji njéba̰je ləm lai ləm, I təd ŋgaŋ njémeeyèrje njigi-njigi ləm tɔ.

Pakɔsje 62:11

Undaje meḛ sí dɔ néraje gə́ kərm-kərm’g el ləm, Undaje meḛ sí yel dɔ né gə́ taa gə buguru’g el ləm tɔ. Loo gə́ nébaoje un kudu kḭ dɔ maree’d gə́ kédé-kédé ndá Undaje meḛ sí yel gə́ dɔ’g el.

Jeremi 51:48

Baŋga rɔlel a kḭ mee dara’g Gə dɔ naŋg nee ɓar kiu-kiu dɔ Babilɔn’g Gə dɔ néje lai gə́ to keneŋ. Mbata njétujilooje d’a kḭ dɔgel Ree ɓugu na̰ dəa’g. Njesigənea̰ ɓa pa bèe.

Junas 2:9

Deḛ gə́ d’unda rɔ dee mbo̰-mbo̰ rɔ magə-poleje’d gə́ kari ba lé D’ɔs meekoso lemsé rɔ dee’g rəw.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 12:10

Ma m’oo ndu dəw gə́ ḭ dara ɓar ɔr loo lɔi-lɔi pana: Kaji lé ɓasinè kàree teḛ mba̰ ndá siŋgamoŋ gə tɔgmbaŋ ləm, gə ko̰ɓee lə Ala lə sí ləma, gə dɔmoŋ lə Kristi ləa ləm tɔ lé ndəa teḛ mba̰ tɔ. Mbata yeḛ wa njegaŋgta gə́ gaŋgta badə-badə ɔm ta ŋgako̰ síje no̰ Ala’g lə sí gə ndəa-ndəa dan kàrá ləm gə loondul’g ləm tɔ lé yeḛ wá ilá naŋg nee ya.

Loo gə́ killa rea kəm Ja̰’g 19:6

Tɔɓəi ma m’oo ndu ɓar asəna gə ndu boo-dəwje gə́ bula digi-digi gə́ ɓar asəna gə mán gə́ ula u-u-u bèe ləm, asəna gə ndi gə́ ndaŋg paḭ-paḭ bèe ləm tɔ pana: Aleluia! Mbata Mbaidɔmbaije Ala lə sí gə́ to Bao-siŋgamoŋ lé yeḛ nja o̰ ɓee mba̰.