Loo gə́ killa rea kəm Ja̰’g 18:23 - Maktub gə́ To gə Kəmee

²³ Pərndɔ a ndogó ɓee ləi el ŋga ləm, ndu njédené sigije gə denéje lə dee a ɓar ɓee’g ləi gogo el ŋga ləm tɔ, mbata njételkəmlarje ləi to dəwje gə́ boo dɔ naŋg nee ləm, mbata nésukəmlooje ləi lé i su ne kəm ginkoji dəwje gə raŋg lai su-su ləma,

Loo gə́ killa rea kəm Ja̰’g 18:23 ပူးပေါင်းရင်းမြစ်များ

2 Mbaije 9:22

Loo gə́ Joram oo Jehu ndá yeḛ pana: Jehu, see ree gə meelɔm ya wa. Jehu ilá keneŋ pana: See ree gə meelɔm ŋga ɓa gə́ ta ɗi wa. Loo gə́ kaiya ra kɔḭ gə́ Jejabel gə́ to njepole magə to keneŋ ləm, boo-némbeḛje ləa to keneŋ ɓəi ləm tɔ lé see loo a to gə́ majee to gə́ ban wa.

Maktub gə́ wɔji dɔ Jɔb 21:17

Nɛ see gɔl ka̰da ɓa pərndɔ lə njémeeyèrje wəi ləm, Ar nékəmndoo ɔm dɔ dee’g ləm, Ar Ala kai dee né gə́ wɔji dɔ dee dan oŋg’d ləa ləm,

Gosota-Kəmkàrje 24:20

Mbata yeḛ gə́ to njemeeyèr lé ndɔ gə́ bèlè lé wɔji dəa el, Pərndɔ lə njémeeyèrje wəi misi tɔ.

Esai 23:8

Ɓee gə́ Tir lé to njekai dəwje dɔguguje ləm, Njérab-néndogoje ləa to dəwje gə́ boo ləma, Njékaw gə́ loo-looje mba rab néndogo ləa To gə́ baoje gə́ d’ur dɔ baoje dɔ naŋg nee lai ləm tɔ. Ŋga see na̰ ɓa wɔji-kwɔji kar tuji Oso dɔ ɓee’g neelé wa.

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Jeremi 16:9

Mbata Njesigənea̰ gə́ njeboo-néje, Ala lə Israɛlje pa togə́bè pana: Aa ooje, lé neelé n’a kunda ŋgaŋ ndu kii rɔlel gə boo-rɔkal gə ndu paje lə njedené-sigi gə ka̰ njeŋgao-sigi kəm sí’g mee ndəaje’g lə sí.

Jeremi 25:10

N’a kar ndu rɔlel gə ndu pa kalrɔ ləm, gə pakɔs lə njedené-sigi gə pakɔs lə njeŋgao-sigi ləm, gə kaa mbal-kusu-kó ləma, gə ndogó lə pərŋgel ləm tɔ d’a godo mbuna dee’g.

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Nahum 3:4

To mbata boo-néraje lə Ninibəje Gə́ to asəna gə néra kaiya-denéje Gə́ ra rɔ dee ma̰də ləm, ra goso su ne kəm loo ləm, Gə́ ndogo ne ginkoji dəwje gə raŋg gə nérakaiyaje lə dee ləma, Ndogo koso-dəwje gə nésukəmlooje lə dee ləm tɔ.

Néra Njékaḭkulaje 8:11

Deḛ d’ur mbi dee gèŋ gə́ dəa’g mbata ləw ɓa yeḛ ar kaar dee wa dee paḭ dɔ némbeḛje’g ləa.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 17:2

Yeḛ nja ɓa mbaije gə́ dɔ naŋg nee ra səa kaiya ndá dəwje dɔ naŋg nee d’ai mán-nduú gə́ wɔji dɔ kaiya rəa aree tɔl dee ne tɔ.

Loo gə́ killa rea kəm Ja̰’g 17:5

Ria gə́ to gə ndəree lé deḛ ndaŋg ŋgo nea̰’g pana: Babilɔn, ɓee-boo, ko̰ njémɔdkaiyaje gə néndɔlje gə́ dɔ naŋg nee.

Loo gə́ killa rea kəm Ja̰’g 18:22

D’a koo ndu kṵdu-ko̰déje gə ndu njépaje gə ndu tébéje gə ndu to̰to̰ lé mee ɓee’g ləi gogo el ŋga ləm, d’a kiŋga njégosokulaje gə́ rara kara ɓee ləi gogo el ŋga ləma, gir mbal kusu kó kara a ɓar ɓee ləi el ŋga ləm tɔ.

Loo gə́ killa rea kəm Ja̰’g 18:3

Mbata ginkoji dəwje gə raŋg lai d’ai oŋg-boo, yee ɓa gə́ mɔdkaiya ləa gə́ mbaije gə́ dɔ naŋg nee ra səa lé tɔ. Njételkəmlarje kara nébaoje lə dee ur dɔ maree’g gə́ kédé-kédé gə goo nébao lə kaiya-dené gə́ turu dɔ loo lé.

Loo gə́ killa rea kəm Ja̰’g 18:9

Mbaije gə́ dɔ naŋg nee lai gə́ ndal səa mɔdkaiya ləm, d’uru səa na̰’d dan némajije gə́ d’al dɔ loo sula ləm tɔ lé d’a no̰ gə mán-no̰ kəm dee’g sii ne mbigi-mbigi mbata ləa loo gə́ d’a koo sa pər gə́ rée lé.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.

Loo gə́ killa rea kəm Ja̰’g 6:15

Mbaije gə́ dɔ naŋg nee ləm, gə dəwje gə́ boo ləm, gə ɓé-njérɔje ləm, gə baoje ləm, gə njésiŋgamoŋje ləm, gə ɓərje lai ləma, gə ŋgankojije bura ləm tɔ lé deḛ dəb rɔ dee bolè mbalje’g gə mbuna mbalje’g.

Loo gə́ killa rea kəm Ja̰’g 9:21

Dəb dəwje gə́ loo-joo lé d’əw rɔ dee tɔl mar deeje el ləm, əsé gə su kəm mar deeje su-su el ləma, mɔdkaiya lə dee gə ɓogo lə dee kara d’əw el ləm tɔ.