Loo gə́ killa rea kəm Ja̰’g 18:22 - Maktub gə́ To gə Kəmee

²² D’a koo ndu kṵdu-ko̰déje gə ndu njépaje gə ndu tébéje gə ndu to̰to̰ lé mee ɓee’g ləi gogo el ŋga ləm, d’a kiŋga njégosokulaje gə́ rara kara ɓee ləi gogo el ŋga ləma, gir mbal kusu kó kara a ɓar ɓee ləi el ŋga ləm tɔ.

Loo gə́ killa rea kəm Ja̰’g 18:22 ပူးပေါင်းရင်းမြစ်များ

Maktub gə́ wɔji dɔ Jɔb 3:7

Oiyo, maji kar mee tilee’g neelé to mee til gə́ kəm keskèm keneŋ el ləm, Maji kar ndu rɔlel ɓar keneŋ el ləm tɔ.

Njekillamber 12:4

Tabidi-rəwkəije udu dɔ mba̰-rəw’g, loo gə́ kaa mbal-kusu-né ɓar el ləm tɔ lé, d’a k’ḭtar gə goo ndu no̰ lə yelje əsé gə goo siŋga ŋgama̰dje lai gə́ njékɔspaje gə́ rəm lé el tɔ.

Esai 23:12

Yeḛ pana: Seḭ a raje rɔlel pai godo, Seḭ njéɓeeje gə́ Sido̰ gə́ d’ila rɔkul dɔ sí’g! Ḭje ta awje ɓee gə́ Kitim! Lée neelé kara seḭ a kiŋgaje loo-kwa-rɔ sí keneŋ el tɔ.

Jeremi 16:9

Mbata Njesigənea̰ gə́ njeboo-néje, Ala lə Israɛlje pa togə́bè pana: Aa ooje, lé neelé n’a kunda ŋgaŋ ndu kii rɔlel gə boo-rɔkal gə ndu paje lə njedené-sigi gə ka̰ njeŋgao-sigi kəm sí’g mee ndəaje’g lə sí.

Jeremi 25:10

N’a kar ndu rɔlel gə ndu pa kalrɔ ləm, gə pakɔs lə njedené-sigi gə pakɔs lə njeŋgao-sigi ləm, gə kaa mbal-kusu-kó ləma, gə ndogó lə pərŋgel ləm tɔ d’a godo mbuna dee’g.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Ejekel 26:13

N’a kar ndu paje lə njé’g ləi ɓar el ŋga ləm, d’a koo ndu kṵdu-kagje ləi el ŋga ləm tɔ.

Matiyo 9:23

Loo gə́ Jeju ree kəi lə mbai lé ndá yeḛ oo njékimtébéje na̰’d gə koso-dəwje gə́ ra né birim-birim.