Loo gə́ killa rea kəm Ja̰’g 18:20 - Maktub gə́ To gə Kəmee

²⁰ Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 18:20 ပူးပေါင်းရင်းမြစ်များ

Pakɔsje 107:42

Dəwje gə́ njéra nédanaje lé D’oo ndá d’al ne rɔ dee Nɛ néra gə́ kori-kori ɔg dəw loo pata.

Pakɔsje 109:28

Ɓó lé deḛ d’ila ndɔl dɔm’g ndá I nja a tɔr ndui dɔm’g ɓəi, Ɓó lé deḛ d’ḭ səm ndá D’a tel nai gə rɔkul dɔ dee’g tɔ, Nɛ ma kura ləi lé m’a kal ne rɔm ya.

Pakɔsje 18:47

Maji kar dɔ ri Njesigənea̰ ai səgərə ləm, Maji kar dɔ kɔr mbal ləm ai səgərə ləm tɔ. Maji kula rɔnduba dɔ Ala’g lé ləm gə́ to njegin kajim lé.

Pakɔsje 48:11

Ǝi Ala, to gə́ rii ɓar ɔr loo lɔi-lɔi lé Ta pidii kara ɓar ɔr loo lɔi-lɔi dɔ naŋg nee tɔ. Néra gə́ to gə dɔ najee lé taa mee jikɔli pəl-pəl.

Pakɔsje 58:10

Ɓad ɓa kar ŋgoroje lə sí d’oo ŋgəw kag gə́ təb əsé yeḛ gə́ taa pər lé Lel-mal a sa dee rəw.

Pakɔsje 94:1

Njesigənea̰, Ala gə́ njedalba̰ lé! Ala gə́ njedalba̰ lé Maji kari nduba rɔi gə́ raga.

Gosota-Kəmkàrje 11:10

Loo gə́ njémeekarabasurje d’isi dan rɔlel’g ndá Ɓee-boo al ne rəa, Nɛ loo gə́ njémeeyèrje tuji ndá Dəwje d’ɔr ndu dee gə́ tar wəl gə rɔlel,

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Soponi 3:15

Njesigənea̰ ya̰ goo bo̰ néra sí Gə́ yeḛ wɔji mba karee ɔs ta sí’g ləm, Yeḛ ɔs njeba̰ lə sí rɔ sí’g rəw gə́ raŋg ləm tɔ, Mbai gə́ Israɛl gə́ to Njesigənea̰ lé Si mbuna sí’g ya, Seḭ a ɓəlje némeeko̰ gə́ a teḛ dɔ sí’g nda̰ el.

Njé gə́ Epesə 2:20

Seḭ toje kəi gə́ deḛ rɔd dɔ njékaḭkulaje gə njéteggintaje gə́ to gin kəi ləm, Jeju Kristi lé to mbal gə́ moŋg kəi gə́ d’unda ne dɔ kum kəi lé ləm tɔ.

Njé gə́ Epesə 3:5

Né gə́ to loo-kiya’g neelé dəw riba dəa ar ginka dəwje gə́ ləw d’oo el ɓəi. Nɛ ɓasinè lé Ndil ɓa riba dəa wagəsa ar njékaḭkulaje gə njéteggintaje gə́ to njémeendaje ləa.

Njé gə́ Epesə 4:11

Yeḛ nja ɓa ar njé gə́ na̰je to gə́ njékaḭkulaje ləm, ar njé gə́ raŋg to gə́ njéteggintaje ləm, ar njé gə́ raŋg to gə́ njékilamber tagə́majije ləma, ar njé gə́ raŋg ya ɓəi to gə́ njékul dəwje gə njékɔrgootaje ləm tɔ,

Tel tura Godndu 32:42

Kiambas ləm a gaŋg dakasrɔ dee mbidi-mbidi ndá M’a kar kandə ɓandaŋgje ləm d’ai məs dee, Məs dee gə́ d’iŋga dooje ləm Gə ɓərje ləma, Gə yiŋga dɔ njéba̰je ləm lé ləm tɔ.

2 Piɛrə 3:2

mba kar sí arje meḛ sí olé ne dɔ ta gə́ njéteggintaje gə́ to njémeendaje lé pa kédé ləm, gə dɔ godndu Mbaidɔmbaije gə́ Njekaji sí gə́ njékaḭkulaje lə sí ndoo sí lé ləm tɔ.

Jude 1:17

Nɛ seḭ gə́ m’unda sí dan kəm’g lé arje meḛ sí olé dɔ néje gə́ njékaḭkulaje lə Mbaidɔmbaije Jeju Kristi pa taree d’ula sí kédé lé.

Loo gə́ killa rea kəm Ja̰’g 12:12

Gelee gə́ nee ɓa dara, maji kari al rɔi ləm, seḭ gə́ sije keneŋ lé maji kar sí alje rɔ sí tɔ. Némeeko̰ a nai dɔ naŋg nee ləm, gə dɔ baa-boo’g ləm tɔ mbata njekurai lé risi uru naŋg rɔ sí’g mba̰ ndá mée ḭ jugugu mbata yeḛ gər gao, ndəa nai dəb ba ŋga.

Loo gə́ killa rea kəm Ja̰’g 18:6

Raje səa né godə maree gə́ yeḛ nja ra sə sí-seḭ ləm, telje gə maree as gɔl joo ɓa areeje gə goo kula reaje ləm tɔ. Nékaiya gə́ yeḛ nja ndusu mee ŋgo-kai-né’g lé telje ndusuje maree as gɔl joo lé mee ŋgo-kai-né’g ləa-yeḛ lé tɔ.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.

Njéga̰g-Rəwtaje 5:31

Ǝi Njesigənea̰, ar njéba̰je ləi lai d’udu togə́bè ya. Deḛ gə́ d’undai dan kəm dee’g lé Ar dee to d’asəna gə kàr bèe Loo gə́ yee teḛ ɔs keḭ-keḭ. Yen ŋga ɓee lé to lɔm as ləb rɔ-sɔ ya.