Loo gə́ killa rea kəm Ja̰’g 16:8 - Maktub gə́ To gə Kəmee

⁸ Kura gə́ dara gə́ njekɔm dee’g sɔ lé aw ɔm oŋg gə́ to mee bai’g ləa dɔ kàr’g aree ɔs yaa̰ ar pər-boo o̰ dəwje,

Loo gə́ killa rea kəm Ja̰’g 16:8 ပူးပေါင်းရင်းမြစ်များ

Esai 24:23

Naḭ a tel ndul njudu-njudu ləm, Kàr a kɔs el ləm tɔ, Mbata Njesigənea̰ gə́ njeboo-néje a ko̰ɓee Mee ɓee gə́ Jerusalem gə́ to dɔ mbal gə́ Sio̰ Kar rɔnduba ləa ndogó kəm ŋgatɔgje’g ləa ya.

Junas 4:8

Loo gə́ kàr uba mba̰ ndá Ala ar lel gə́ nuŋga pid-pid ḭ bər ula ləm, ar kàr kara nuŋga dɔ Junas’g ləm tɔ ndá yeḛ guru naŋg rug. Yeḛ ndiŋga rəa gə yoo pana: Ma lé kwəi ɓa ma m’ndigi yaa̰ unda kisi kəmba tɔ.

Matiyo 13:6

Yee ḭ wububu mbata naŋg to keneŋ ŋgwɔidɔ bèe, nɛ loo gə́ kàr ɔs keneŋ ndá wa mèŋgèŋgḛ̀, ndòlé mbata ŋgirá wa naŋg el.

Lugu 21:25

Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.

Néra Njékaḭkulaje 2:20

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Loo gə́ killa rea kəm Ja̰’g 14:18

Kura gə́ dara gə́ raŋg ya ɓəi, yeḛ gə́ to njepər lé ḭ loo-nékinjaməs’g teḛ raga ndá yeḛ ula yeḛ gə́ aar gə marm gə́ adə làm-làm jia’g neelé pana: Ila marm ləi gə́ adə làm-làm lé gə mbɔree ler inja ne kandə nduú gə́ dɔ naŋg neelé gə kulee bura gaŋg, mbata kandə nduúje gə́ dɔ naŋg neelé kas mba̰ ya.

Loo gə́ killa rea kəm Ja̰’g 6:12

M’aa loo gərərə ndá loo gə́ Ŋgonbad lé ɔr nérḛdə ta maktub gə́ njekɔm’g misa̰. Naŋg yə ɓugu-ɓugu ləm, kàr tel ndul asəna gə wul-kunda gə́ d’ṵji gə́ ɓɔl ləma, naḭ gə kuburee kara tel məs ləm tɔ.

Loo gə́ killa rea kəm Ja̰’g 7:16

Ɓó a tɔl dee nda̰ bèe el ləm, kṵdaman a tɔl dee nda̰ el ləm, kàr a kɔs dee nda̰ el ləma, né gə́ nuŋga kəd-kəd gə́ rara kara a nuŋga dee el ləm tɔ.

Loo gə́ killa rea kəm Ja̰’g 8:12

Kura lə Ala gə́ dara gə́ njekɔm dee’g sɔ im to̰to̰ ləa ndá kàr ləm, gə naḭ ləma, gə kéréméje ləm tɔ lé né unda dee, tuji ne dəb ndɔḭ lə dee kára-kára nɛ debeeje nai joo-joo ɓəi mba kar dəb loo kára-kára dan kàrá gə loondul’g lé loo dəb rigim nɛ dəb loo nai joo-joo ɓəi.

Loo gə́ killa rea kəm Ja̰’g 9:2

ndá yeḛ ɔr ta bwa-wəl neelé. Sa uba keneŋ ŋgɔg-ŋgɔg asəna gə sa pər mbo-boo bèe ndá sa gə́ ḭ bwa-wəl’g neelé udu kəm kàr rəd-rəd ar loondul ndiŋ-ndiŋ.