Loo gə́ killa rea kəm Ja̰’g 16:14 - Maktub gə́ To gə Kəmee

¹⁴ Deḛ gə́ ndilje gə́ yèr, deḛ ra nékɔbje d’aw rɔ mbaije gə́ dɔ naŋg nee’g lai mbo̰ dee mba kɔm dee loo-rɔ’g ndɔ boo-oŋg lə Ala yeḛ gə́ njedum dɔ néje lai lé.

Loo gə́ killa rea kəm Ja̰’g 16:14 ပူးပေါင်းရင်းမြစ်များ

1 Mbaije 22:6

Mbai gə́ Israɛl mbo̰ njéteggintaje ləa as tɔl-sɔ (400) jén bèe ndá yeḛ dəji dee pana: See m’a kaw rɔ gə njé gə́ Ramot gə́ dɔ naŋg gə́ Galaad lé əsé m’a kaw el wa. Deḛ d’ilá keneŋ pana: Aw ya ndá Mbaidɔmbaije a kya̰ dee meḛ ji mbai’g ya.

Ejekel 14:9

Ɓó lé njetegginta ya̰ loo ar dee su kəmee ɓa un ta pa ndá to neḛ Njesigənea̰ ya ɓa n’su kəm njetegginta neelé, n’a kula ji neḛ ndiŋ gə́ dəa’g ndá n’a tujee ne mbuna koso-dəwje’g lə neḛ gə́ Israɛl.

Matiyo 24:14

Ta gə́ maji nee gə́ wɔji dɔ ɓeeko̰ lé d’a kila ne mber gə loo mbidi-mbidi dɔ naŋg nee mba kar ginkoji dəwje gə raŋg lai d’oo ginee ɓa ndɔ gə́ rudu lé a teḛ ɓəi.

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Mark 13:22

Mbata njéndaji kəm Kristije gə́ ŋgɔm ləm, gə njétakorije ləm tɔ lé d’a kḭ gə mba ra nékɔbje gə némɔrije mba su ne kəm loo, banelə d’a su ne kəm deḛ gə́ to gə kəmee ya tɔ.

Lugu 2:1

Mee ndəaje’g neelé Sesar Auguste un ndia mba kar dee tura dəwje lai-lai dɔ naŋg nee kunda ne ri dee mee maktub-tura-dəwje’g.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

Njé gə́ Rɔmə 1:8

Kédé gə́ dɔtar ɓa ma m’ra Ala ləm oiyo gə ri Jeju Kristi mbata lə sí lai mbata ta meekun lə sí lé nea̰ oso gə loo mbidi-mbidi ya.

2 Njé gə́ Tesalonikə 2:9

Njekɔs Ala rəw lé a kunda loo teḛ gə goo siŋgamoŋ lə Njekurai ndá yeḛ a ra nékɔbje ɓəd-ɓəd ləm, gə nétɔjije ləm, gə nédumkooje gə́ ŋgɔm ləma,

1 Timote 4:1

Ndil ɓa riba dəa təsərə pana: Ndəaje gə́ rudee a gə kun ɗiao lé njé gə́ na̰je d’a tusu meekun lə dee kya̰ mba kwa goo ndilje gə́ njésutaje ləm, mba kula rɔ dee mbiriri dɔ ta’g lə ndilje gə́ yèr ləm tɔ.

Maktub gə́ Jak ula ne ar ngan-Allaje 3:15

Kəmkàr gə́ togə́bè lé to kəmkàr gə́ ḭ dara el. Yee to gə́ dɔ naŋg nee ləm, yee wɔji dɔ darɔ sí ləma, yee ḭ rɔ njekurai’g ləm tɔ.

Jujé 11:5

Mbaije gə́ lai neelé d’wɔji loo d’iŋga na̰ keneŋ ɓa ree d’wa loo-si dee mbɔr mán gə́ Merom gə mba kḭ kaw rɔ gə Israɛlje ɓəi.

1 Ja̰ 5:19

Jeḛ n’gər gao, jeḛ lé n’to gə́ ka̰ Ala ləm, loo gə́ naŋg nee bura nai gel siŋgamoŋ lə njetakori’g ləm tɔ.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 13:3

Ma m’oo dəa gə́ kára lé iŋga doo-yoo keneŋ nɛ doo-yoo lé ər kəmsə. Dəwje lai gə́ dɔ naŋg nee d’ɔm goo da’g lé gə kəm dee gə́ bə̰dərə bə̰.

Loo gə́ killa rea kəm Ja̰’g 16:16

Deḛ mbo̰ dee dɔ na̰’g loo gə́ deḛ ɓaree gə ta Ǝbrə Harmagedo̰.

Loo gə́ killa rea kəm Ja̰’g 16:7

M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 20:8

Yeḛ a teḛ gə mba su kəm ginkoji dəwje gə raŋg gə́ d’isi dɔ kum naŋg gə́ sɔ’g lé ləm, Gɔg gə Magɔg ləm tɔ gə mba mbo̰ dee ne loo-rɔ’g. Deḛ bula d’asəna gə nagəra gə́ ta baa-boo-kad’g bèe.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.

Loo gə́ killa rea kəm Ja̰’g 6:17

Mbata boo-oŋg lé kàree teḛ mba̰ ndá see na̰ ɓa askəm kaar dɔ gɔlee’g njaŋg wa.