Loo gə́ killa rea kəm Ja̰’g 15:5 - Maktub gə́ To gə Kəmee

⁵ Gée gə́ gogo m’aa loo gərərə ndá m’oo ta kəi-Ala gə́ wɔji dɔ dəb kəi gə́ to gə kəmee gə́ ka̰ kɔr goo ta lé teḛ to tag.

Loo gə́ killa rea kəm Ja̰’g 15:5 ပူးပေါင်းရင်းမြစ်များ

Teḛ-Raga 25:21

D’a ra kidata sa̰duk gə́ ka̰ meekoso lemsé ndá nékɔrgoota gə́ m’a gə kari lé d’a kila mee sa̰duk’g tɔ.

Teḛ-Raga 38:21

Aa ooje, tura gə deḛ tura goo néje gə́ deḛ ra ne kula kəi-kubu-si-Ala gə kəi-kubu-kiŋga-na̰ gə́ to gə kəmee gə goo ndukun gə́ Moyis un ar dee gə́ wɔji dɔ kula ra Ləbije gə́ Itamar, ŋgolə Aaro̰ gə́ to njekinjanéməs aa dɔ dee keneŋ lé ɓa to nee.

Bula lə Israɛlje 1:50

Kəi-surum lə Ala gə́ ka̰ kɔrgoota ləm, gə nékulaje gə́ mée’g ləma, gə néje lai gə́ wɔji dəa ləm tɔ lé maji kari ar Ləbije tɔs kəm dee dɔ’g bao-bao. D’a kodo kəi-kubu lé ləm, gə nékulaje gə́ mée’g lai ləm, d’a ra kula keneŋ ləma, d’a si gugu dɔ kəi-kubu neelé sub ləm tɔ.

Bula lə Israɛlje 1:53

Nɛ Ləbije lé ya ba ɓa d’a si gugu dɔ kəi-kubu gə́ ka̰ kɔrgoota lé, gə mba kar oŋg ləm ḭ səm pu dɔ koso-dəwje’g lə Israɛlje lé el ndá Ləbije d’a kaḭ ŋgaŋ kəi-kubu gə́ ka̰ kɔrgoota lé kɔr-kɔr ya.

Matiyo 27:51

Yen ŋga kubu gə́ gaŋg ne mee kəi-Ala lé un tar til dana njal uru naŋg jig ləm, naŋg yə ləm, mbalje kara ta̰ ɓəgəgə-ɓəgəgə ləma,

Ǝbrəje 8:5

Deḛ gə́ ra kula kwa Ala meḛ dee’g lé d’wa néje gə́ naŋg nee tɔji dee ne néje gə́ dara, gə goo né gə́ Ala tɔji Moyis loo gə́ yeḛ a gə la kəi-kubu-kiŋga-na̰ lé pana: Ra lɔr-lɔr to gə́ nékwɔji maree gə́ ma m’tɔjii dɔ mbal’g lé.

Loo gə́ killa rea kəm Ja̰’g 11:19

Kəi-Ala gə́ to dara lé təa ɔr to tag, ar sa̰duk-manrɔ gə́ yeḛ man ne rəa lé to raga ndəgəsə. Ndi tel ləm, dəwje d’unda bula ləm, ndi ndaŋg ləm, naŋg yə ɓugu-ɓugu ləma, ndi kwɔji kara ər ɓai-ɓai ləm tɔ.

Loo gə́ killa rea kəm Ja̰’g 13:6

Tea teḛ gə ta ndɔlje ɔm dɔ Ala’g ləm, gə dɔ ri Ala’g ləm, gə dɔ kəi’g ləa ləma, gə dɔ deḛ gə́ d’isi dara lé ləm tɔ.