Loo gə́ killa rea kəm Ja̰’g 13:2 - Maktub gə́ To gə Kəmee

² Da gə́ ma m’ée lé to tana gə kàg. Gɔlee to tana gə gɔl da-urs nɛ təa to asəna gə ta toboḭ. Dakɔb lé ar kàg siŋgamoŋ ləa-yeḛ ləm, aree kalimbai ləa-yeḛ ləma, aree si gə́ dəw dɔ dee ləm tɔ.

Loo gə́ killa rea kəm Ja̰’g 13:2 ပူးပေါင်းရင်းမြစ်များ

2 Mbaije 2:24

Yeḛ tel kəmee aa dee gərərə ndá yeḛ man dee gə ri Njesigənea̰. Yen ŋga ko̰ da-ursje joo d’unda loo mee kag-kɔr’g teḛ d’ar dee-deḛ basaje gə́ rɔ-sɔ-gir-dee-joo mbuna mar deeje’g lé doo gə́ toɓəl.

Pakɔsje 22:21

Maji kari aḭ bada dɔm’g ar kiambas tibi mbɔrm el ləm, Ɔrm ji siŋgamoŋ’d lə bisije neelé ləm tɔ.

Gosota-Kəmkàrje 17:12

Kiŋga ko̰ da-urs gə d’odo ŋganee rəw lé Maji unda kiŋga mbə-dəw dɔ némbə’g ləa.

Gosota-Kəmkàrje 28:15

Njemeeyèr gə́ o̰ ɓee dɔ dəwje’d gə́ to njéndooje lé To asəna gə toboḭ gə́ inja miḭ ləm, gə da-urs gə́ ɓó tɔlee bèe ləm tɔ.

Esai 5:29

Ndu no̰ lə dee to asəna gə ndu no̰ lə ko̰ toboḭ bèe ləm, Deḛ no̰ to gə́ ŋgan toboḭje ləma, D’inja miḭ d’wa né ndá ndɔree d’aw ne D’ar dəw kára kara taa ji dee’g el ləm tɔ.

Jeremi 13:23

See dəw gə́ Etiopi askəm tel ndar rəa ɓəd, Esé kàg a tel ndaŋg ləa ɓəd wa. Seḭ gə́ néra gə́ majel ɓa gə́ né gel sí, See seḭ asjekəm tel raje né gə́ maji Gə dɔ rɔ sí wa.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Ojee 11:10

D’a njaa goo Njesigənea̰’d Gə́ ndia ɓar to gə́ ndu no̰ lə toboḭ bèe lé, Mbata ndia a ɓar wəl ndá Ŋganeeje d’a kḭ kel tura-baa-boo’d gə́ nu kaḭ ree ne.

Amɔs 3:12

Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.

Habakuk 1:8

Kundaje lə dee d’aiŋgwɔd kalaŋ d’unda daje gə́ tana gə da-kàgje bèe ləm, Deḛ d’ila riŋga d’unda jagmjərje gə́ kàrkemetag bèe ləma, Njérɔ gə kundaje lə dee ti rɔ dee D’aw ne kəm dee gə́ kédé-kédé ləm tɔ. Njérɔ gə kundaje lə dee lé d’ḭ əw ɓa ree ləm, Deḛ d’aw gə tɔg dee to gə́ niŋgatə̰də Gə́ nar gə bagee dəb dɔ nékwa’g ləa bèe ləm tɔ.

2 Timote 4:17

Mbaidɔmbaije nja la səm ləm, yeḛ to dərgelm ləm tɔ mba kar tagə́maji lé ɓar ne mḭ tam’g ləm, mba kar njépole-magəje lai d’oo taree ləm tɔ. Yeḛ am m’wa dɔm ta toboḭ’g m’bɔr.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.

Loo gə́ killa rea kəm Ja̰’g 12:13

Loo gə́ dakɔb lé oo to gə́ deḛ d’ilá naŋg nee ndá yeḛ ndolè goo dené gə́ oji ŋgon gə́ diŋgam lé.

Loo gə́ killa rea kəm Ja̰’g 12:15

Li lé ubu masee njiriri-njiriri aree ula asəna gə mán-baa goo dené’g gə mba kar manee unee aw səa.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 13:12

Yeḛ to dəw dɔ dəwje asəna gə da gə́ kédé loo gə́ da gə́ kédé lé si keneŋ ləm, yeḛ ar naŋg nee gə dəwje lai gə́ d’isi keneŋ lé d’wa da gə́ kédé gə́ doo-yoo ər rəa’g kəmsə lé meḛ dee’g ləm tɔ.

Loo gə́ killa rea kəm Ja̰’g 13:4

Deḛ d’wa dakɔb lé meḛ dee’g mbata yeḛ ar da lé siŋgamoŋ, tɔɓəi d’wa da lé meḛ dee’g pana: See na̰ ɓa as gə da lé wa. See dəw gə́ ra ɓa askəm rɔ səa wa.

Loo gə́ killa rea kəm Ja̰’g 16:10

Kura gə́ dara gə́ njekɔm dee’g mi lé aw ɔm oŋg gə́ to mee bai’g ləa dɔ kalimbai’g lə dakɔb lé ndá loondul dəb dɔ ɓeeko̰’g ləa. Dəwje to̰ ndo̰ dee mbata né gə́ too ra dee.

Loo gə́ killa rea kəm Ja̰’g 17:12

Gajeje gə́ dɔg gə́ ma m’oo lé to mbaije gə́ dɔg gə́ d’iŋga ɓeeko̰ lə dee el ɓəi, nɛ d’un ndu dee gə mba kar dee d’isi gə́ mbaije na̰’d gə da lé waga ba.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

Loo gə́ killa rea kəm Ja̰’g 2:13

Ma m’oo loo-sii ləm, ma m’gər gao kalimbai lə Njekurai to keneŋ ləm tɔ. I wa rim kɔgərɔ ləm, ndɔ tɔl Antipas, njekɔrginta ləm gə́ to majikoji gə́ deḛ tɔlee ɓee lə sí loo gə́ loo-si Njekurai to keneŋ kara i ya̰ goo meekun ləi el ləm tɔ.

Loo gə́ killa rea kəm Ja̰’g 20:2

Yeḛ wa dakɔb gə́ to li gə́ ləw gə́ ria lə njekurai ləm, gə Njeyèr ləm to lé ndá yeḛ teá ilá as ləbee tɔl-dɔg.