Loo gə́ killa rea kəm Ja̰’g 13:18 - Maktub gə́ To gə Kəmee

¹⁸ Yee neelé ɓa gə́ kəmkàr. Nana ɓa gə́ si gə gosonégər ndá maji karee tura nétura gə́ wɔji dɔ da lé. Mbata to nétura lə dəw ya ndá nétura ləa lé to tɔl-misa̰-dəa-rɔ-misa̰-giree-misa̰ ya.

Loo gə́ killa rea kəm Ja̰’g 13:18 ပူးပေါင်းရင်းမြစ်များ

Pakɔsje 107:43

Maji kar yeḛ gə́ to gə́ njekəmkàr lé Tɔs kəmee dɔ néje’g neelé ləm, Maji karee ra kəmee rakaa dɔ némeemajije’g lə Njesigənea̰ lé ləm tɔ.

Loo gə́ killa rea kəm Daniel’g 12:10

Dəwje bula d’a kar dee d’àr ŋgad-ŋgad ləm, kar meḛ dee ndá londoŋ ləma, d’a naa meḛ dee ləm tɔ. Nɛ njémeeyèrje d’a ra majel ləm, dəw kára kara mbuna dee-deḛ njémeeyèrje’g lé a gər ginee el ləm tɔ. Nɛ deḛ gə́ d’a to njégosonégərje ɓa d’a gər ginee ya.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Mark 13:14

Loo gə́ seḭ a kooje né gə́ mina̰ gə́ ka̰ tuji ne loo gə́ kəm karee teḛ keneŋ el lé (maji kar yeḛ gə́ tura ta neelé ndá ra kəmee ra kaa keneŋ ya) yen ndá maji kar deḛ gə́ d’isi Jude lé d’aḭ d’aw dɔ mbalje’g ləm,

Njé gə́ Rɔmə 3:5

Nɛ ɓó lé néra sí gə́ gə dɔ najee el lé a kila meekarabasur lə Ala lé kɔd ndá see ta ɗi ɓa j’a pa wa. Ala lé loo gə́ yeḛ kila oŋg ləa gə́ raga ndá see a to njera né gə́ to gə dɔ najee el wa. (Ma m’pa gə goso tapa lə dəwje ya.)

Tel tura Godndu 3:11

Mbata dəw gə́ nai gə́ rudu ginkoji’g lə Repayimje gə karee ba lé, to Og. Tira ləa gə́ to gə́ larndul lé, to mee ɓee gə́ Rabat, ɓee-boo’g lə ŋgalə Amo̰. Ŋgalee as kəmkil dəw jinaikara ləm, tadee as kəmkil dəw sɔ ləm tɔ.

Loo gə́ killa rea kəm Ja̰’g 1:3

Yeḛ gə́ tura maktub lé ləm, gə deḛ gə́ d’oo ta gə́ tegginee ləma, gə deḛ gə́ tɔs ne kəm dee dɔ néje lai gə́ ndaŋg mee maktub’g neelé ləm tɔ ndá deḛ nja ɓa rɔlel nai sə dee. Mbata néje neelé ndəa to dəb ya.

Loo gə́ killa rea kəm Ja̰’g 15:2

Tɔɓəi ma m’oo né asəna gə tad-mán gə́ dəa ndusu oso ɗəḭ-ɗəḭ bèe ar manee lé pélé gə́ pər ləm, deḛ gə́ dum da gə néndaji ria gə nétura gə́ ka̰ ria lé deḛ d’aar dɔ tad-mán’g neelé kṵdu-ko̰dè to ji dee’g ləm tɔ.

Loo gə́ killa rea kəm Ja̰’g 17:9

Yee neelé ɓa gə́ gosonégər gə́ wɔji dɔ kəmkàr. Dəa gə́ siri lé to mbalje gə́ siri gə́ to loo-si dené lé.

Loo gə́ killa rea kəm Ja̰’g 21:17

Yeḛ wɔji ŋgal ndògo ləa ndá as kəmkil dəw tɔl-dəa-rɔ-sɔ-giree-sɔ, to rəw gə́ dəw ɓa wɔji gə́ to ka̰ kura gə́ dara lé.