Loo gə́ killa rea kəm Ja̰’g 11:10 - Maktub gə́ To gə Kəmee

¹⁰ Dəw-mee-ɓeeje gə́ dɔ naŋg nee rɔ dee a lel dee ləm, d’a kal ne rɔ dee kar ne na̰ nénoji yo gə́ nee ləm tɔ mbata njékɔrgootaje gə́ joo lé to njébəg dəw-mee-ɓeeje gə́ d’isi dɔ naŋg nee.

Loo gə́ killa rea kəm Ja̰’g 11:10 ပူးပေါင်းရင်းမြစ်များ

1 Mbaije 18:17

Loo gə́ Akab ila kəmee dɔ Eli’g ndá yeḛ dəjee pana: See to i ɓa gə́ njékar kəmndoo teḛ dɔ Israɛlje’g lé el wa.

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

1 Mbaije 22:18

Mbai gə́ Israɛl lé ula Josapat pana: See m’ulai ta ləa togə́bè el wa. Yeḛ lé tegginta gə́ maji wɔji ne dɔm el nɛ yeḛ ginta gə́ majel ya ɓa yeḛ teg wɔji ne dɔm-dɔm ya.

1 Mbaije 22:8

Mbai gə́ Israɛl ila Josapat’g pana: Dəw kára gə́ kəm kaw rəa’g dəjee ta lə Njesigənea̰ si keneŋ ya, nɛ ma m’ə̰jee bəḭ-bəḭ mbata yeḛ tegginta né gə́ maji kára kara gə́ wɔji dɔm el nɛ ta né gə́ majel ya ɓa yeḛ tegginee dɔm’g dɔm’g. Yeḛ to Mise, ŋgolə Jimla ya. Ndá Josapat pana: Maji kar mbai pata gə́ togə́bè el!

Pakɔsje 13:4

Njesigənea̰, Ala ləm, Maji kari aa loo oo ndá tel ilam keneŋ ya. Ar kəm to jəgəgə Mba kam m’toɓi gə́ wɔji dɔ yoo lé el ləm,

Pakɔsje 35:19

Maji kar deḛ gə́ to njéba̰je ləm lal né gə́ bèe lé D’al rɔ dee d’wɔji ne dɔm el ləm, Maji kar deḛ gə́ d’ḛjim bəḭ-bəḭ lal né gə́ bèe lé D’ula sul dɔm’g el ləm tɔ.

Pakɔsje 89:42

Deḛ lai gə́ dəs rəa’g lé Tɔr néje ləa mbad-mbad ləm, Yeḛ to nérɔkul mbata lə njéboataɓeeje ləa ləm tɔ.

Gosota-Kəmkàrje 24:17

Maji kari ra rɔlel dɔ koso’g lə njeba̰ ləi el ləm, Maji kari al rɔi loo gə́ gɔlee unda ndolè el ləm tɔ.

Jeremi 38:4

Bèe ɓa ŋgan-mbaije d’ula mbai pana: Dəw neelé kəm karee wəi mbata yeḛ ila mber togə́bè ar meḛ dəwje gə́ njérɔje gə́ nai mee ɓee-boo’g neelé ləm, gə koso-dəwje lai ləm tɔ ila kas bilim. Dəw neelé saŋg maji lə koso-dəwje el nɛ meeko̰ lə dee ɓa.

Jeremi 50:11

Oiyo, maji kar sí síje Dan rɔlel’g gə dan kalrɔ’g Seḭ gə́ undaje nédɔji ləm banrɔ. Oiyo, maji kar sí tilaje riŋga To gə́ ma̰də maŋgje Gə́ d’aar loo-ko̰-mu’g ləm, Maji kar sí no̰je to gə́ kundaje Gə́ gə siŋga dee bèe ləm tɔ.

Abdias 1:12

Mee kàree gə́ némeeko̰ ra ŋgoko̰ sí lé Kəm kar sí ooje gə́ nérɔlel el ləm, Kəm kar sí alje rɔ sí dɔ ŋgaka Judaje’g ndɔ tuji’g lə dee el ləma, Ndɔ gə́ néurti teḛ lé Kəm kar sí teḛje ta sí Ulaje ne sul dɔ dee’g el ləm tɔ.

Misee 7:8

Seḭ njéba̰je lə sí lé, maji kar sí alje rɔ sí Wɔjije ne dɔ síjeḛ el Mbata jeḛ j’oso ya Nɛ j’a kḭje ta ɓəi. Ɓó lé j’isi dan loondul’g kara Njesigənea̰ a to lookàr lə sí ɓəi.

Matiyo 10:22

Dəwje lai d’a koo sí gə kəm dɔbee gə mbata lə rim ya, nɛ yeḛ gə́ a kai mée sam-sam ndá ndəa lé a kaji ne ya.

Tagə́maji gə́ Ja̰ ndang 16:20

Ma m’ula sí təsərə, seḭ a no̰je gə mán-no̰ kəm sí’g ləm, seḭ a no̰je gə kii wəl-wəl ləm tɔ ndá njé gə́ naŋg nee d’a si kal rɔ dee, seḭ lé a sije dan némeeko̰’g nɛ meeko̰ lə sí lé a tel to rɔlel ɓəi.

Tagə́maji gə́ Ja̰ ndang 7:7

Njé gə́ dɔ naŋg nee d’ə̰ji sí bəḭ-bəḭ el, nɛ ma lé deḛ d’ə̰jim mbata ma lé m’to gə́ njekɔrgoo néra gə́ majel lə dee gə́ deḛ ra lé gə́ raga.

Néra Njékaḭkulaje 5:33

Loo gə́ ta neelé oso mbi dee’g ndá oŋg ḭ meḛ dee’g pu, ar dee d’wɔji-kwɔji tɔl dee.

1 Njé gə́ Kɔrḭtə 13:6

Yee al rəa dɔ ta gə́ to gə dɔ najee’g ɓó yee al rəa dɔ ta gə́ to dɔ buguru’g el.

Loo gə́ killa rea kəm Ja̰’g 12:13

Loo gə́ dakɔb lé oo to gə́ deḛ d’ilá naŋg nee ndá yeḛ ndolè goo dené gə́ oji ŋgon gə́ diŋgam lé.

Loo gə́ killa rea kəm Ja̰’g 13:14

Nékɔbje gə́ d’un ndu dee d’aree mba ra lé yeḛ su ne kəm dəwje gə́ dɔ naŋg nee su-su ləm, yeḛ ula dəwje gə́ dɔ naŋg nee mba kar dee ndaji rɔ da gə́ kédé gə́ iŋga doo-kiambas neelé ɓa aw kəmba bèe ləm tɔ.

Loo gə́ killa rea kəm Ja̰’g 13:8

Dəwje lai gə́ d’isi dɔ naŋg nee lé deḛ gə́ ri dee godo mee maktub kəmə’g lə Ŋgonbad gə́ d’inja gə́ məs un kudee mee ndəa gə́ Ala tum ne gin naŋg nee lé ndá d’a kwá meḛ dee’g sud.

Loo gə́ killa rea kəm Ja̰’g 16:10

Kura gə́ dara gə́ njekɔm dee’g mi lé aw ɔm oŋg gə́ to mee bai’g ləa dɔ kalimbai’g lə dakɔb lé ndá loondul dəb dɔ ɓeeko̰’g ləa. Dəwje to̰ ndo̰ dee mbata né gə́ too ra dee.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.