Pakɔsje 98:4 - Maktub gə́ To gə Kəmee

⁴ Seḭ dəwje lai gə́ síje dɔ naŋg neelé Ɔrje ndu sí gə́ tar wəl gə rɔlel par gə́ rɔ Njesigənea̰’g ya ləm, Ɔsje pa ndubaje ne rɔ sí gə boo-rɔkal ya ləm tɔ.

Pakɔsje 98:4 ပူးပေါင်းရင်းမြစ်များ

Pakɔsje 100:1

Pa pidi lé. Seḭ dəwje lai gə́ síje dɔ naŋg neelé Ɔrje ndu sí wəl gə rɔlel par gə́ rɔ Njesigənea̰’g.

Pakɔsje 66:1

Pakɔs lə Dabid gə́ ar bao-pa mba karee ɔs sə dee lé. Seḭ dəwje lai gə́ dɔ naŋg neelé Arje ndu rɔlel lə sí ɓar wəl-wəl gə́ rɔ Ala’g lé.

Pakɔsje 66:4

Deḛ lai gə́ dɔ naŋg neelé D’unda barmba dəb kəm dee naŋg nɔḭ’g, D’ɔs pa d’ula ne rɔnduba dɔi’g ləm, Pa gə́ wɔji dɔ rii ɓa d’ɔs ya ləm tɔ.

Pakɔsje 67:4

Ǝi Ala, maji kar koso-dəwje lé pidii, Maji kar koso-dəwje lai d’ɔs gajii ya.

Pakɔsje 71:22

Ma lé m’a kɔs gajii gə ndu pa kṵdu-ko̰dè ləm, M’a kɔs pa meenda londoŋ ləi-i Ala ləm lé ya ləma, M’a pidii gə ndu pa kṵdu-kag lé ləm tɔ, I gə́ to Njerɔkunda lə Israɛlje lé ya.

Pakɔsje 95:1

Gə́ reeje ar sí j’ɔsje pa gə boo-rɔkal J’arje Njesigənea̰ lé, Ar sí n’raje né wəl gə rɔlel Par gə́ dɔ biri mbal gə́ ka̰ kaji lə sí lé tɔ.

Pakɔsje 95:2

Ar sí j’awje nea̰’g gə pa pidee ləm, Maji kar ndu paje gə́ ka̰ kila riɓar dəa’g lé Ɓar ɔr loo lɔi-lɔi ləm tɔ,

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 42:11

Maji kar deḛ gə́ d’isi dɔdilaloo’g gə ɓee-booje ləa lé D’ɔr ndu gə́ tar ləm, Maji kar njé gə́ Kedar gə́ d’isi ɓee-kogoje’g lé D’ɔr ndu dee gə́ tar ləm tɔ! Maji kar dəwje gə́ d’isi dɔ mbalje’g lé D’al rɔ dee gə boo-rɔkal! Maji kar ndu kii rɔlel ɓar dɔ sém mbalje gə́ tar to!

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Soponi 3:14

Seḭ gə́ síje ɓee-boo gə́ Sio̰ lé, Maji kar sí ɔsje pa gə rɔlel! Seḭ Israɛlje, Maji kar sí ɔsje pa gə rɔkal! Seḭ gə́ síje Jerusalem lé Maji kar sí alje rɔ sí Unje ne baŋga gə ŋgaw meḛ sí bura,

Matiyo 21:9

Deḛ gə́ njaa nea̰’g gə deḛ gə́ ndɔm gée’g lé ra né tar u-u-u pana: Hosana, arje ŋgon Dabid. Maji kar dɔkaisəgərə nai gə yeḛ gə́ ree gə ri Mbaidɔmbaije lé. Hosana, arje deḛ gə́ d’isi mee loo gə́ to tar sab lé ləm tɔ.

Loo gə́ killa rea kəm Ja̰’g 19:1

Gée gə́ gogo m’oo ndu boo-dəwje gə́ bula digi-digi gə́ ɓar dara pana: Aleluia! Kaji, ləm gə rɔnduba ləma, gə siŋgamoŋ ləm tɔ lé to ka̰ Ala lə sí ya,

Loo gə́ killa rea kəm Ja̰’g 19:6

Tɔɓəi ma m’oo ndu ɓar asəna gə ndu boo-dəwje gə́ bula digi-digi gə́ ɓar asəna gə mán gə́ ula u-u-u bèe ləm, asəna gə ndi gə́ ndaŋg paḭ-paḭ bèe ləm tɔ pana: Aleluia! Mbata Mbaidɔmbaije Ala lə sí gə́ to Bao-siŋgamoŋ lé yeḛ nja o̰ ɓee mba̰.