Pakɔsje 97:7 - Maktub gə́ To gə Kəmee

⁷ Deḛ lai gə́ pole magəje lé Deḛ gə́ ti rɔ dee mbata magəje lə dee lé Kəm sɔḭ wa kəm dee. Magəje lai lé d’unda barmba dəb kəm dee naŋg nea̰’g.

Pakɔsje 97:7 ပူးပေါင်းရင်းမြစ်များ

2 Sôrta Gḭka Israɛlje 3:13

Néndaji Nékundaje gə́ dara neelé naji bag dee ndá ŋgal as kəmkil dəw rɔ-joo. Deḛ d’aar tar gə gɔl dee, tel kəm dee gə́ dɔ kəi’g lé tɔ.

Teḛ-Raga 20:4

I a tɔl né ndaji ne magə el, lé néje gə́ tar mee dara’g əsé néje gə́ dɔ naŋg nee əsé néje gə́ dan mán’d gə́ to gel naŋg kara i a ra né ndaji dee ne kára kara bèe el ya.

Teḛ-Raga 25:20

Néndaji Nékundaje gə́ dara neelé d’a naji bag dee gə́ tar mba ko̰ ne dɔ kidata sa̰duk neelé ləm, d’a tel kəm dee gə́ rɔ na̰’g ləm tɔ, kəm néndaji Nékundaje gə́ dara lé a to par gə́ dɔ kidata sa̰duk’g ya tɔ.

Esai 41:29

Aa ooje, deḛ lai to né gə́ kari ba ləm, Kula ra dee to gə́ né el ləma, Magəje lə dee kara to gə́ lel gə́ ula kari ba ləm tɔ.

Esai 42:17

Deḛ gə́ d’ɔm meḛ dee dɔ magəje gə́ tɔl gə ji dee lé Deḛ gə́ d’ula magəje gə́ léḛ dee pana: Seḭ toje Ala lə neḛje lé Ndá d’a rəm gə goo dee ləm, Rɔkul a dəb dɔ dee’g ləm tɔ!

Esai 42:7

Gə mba kar kəm njékəmtɔje teḛ ləm, Gə mba kar deḛ gə́ d’wa dee ɓər lé D’unda loo teḛ ləma, Kar deḛ gə́ d’udu dee duu-loo gə́ loondul’g lé D’unda loo teḛ ləm tɔ.

Esai 45:16

Deḛ gə́ njéra magəje lé Deḛ lai nai gə rɔkul ləm, Kəm sɔḭ wa kəm dee ləma, Deḛ lai d’ɔd d’aw d’ula dɔ dee naŋg jugum ləm tɔ.

Jeremi 10:14

Dəw gə́ rara kara Négər ləa aree tel mbə ləm, Njelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo meḛ dee’g ləm tɔ.

Jeremi 2:26

To gə́ njeɓogo gə́ dəw teḛ dəa’g wai ar rəa kul lé Gel-bɔje lə Israɛl kara Rɔ dee a kul togə́bè tɔ, Deḛ ləm, gə mbaije lə dee Gə ŋgan-mbaije lə dee ləm, Gə njékinjanéməsje lə dee Gə njéteggintaje lə dee ləm tɔ.

Ləbije 26:1

Seḭ a ndajije magəje nda̰ el ləm, seḭ a tɔlje magəje gə́ to ər əsé a kuruje mbal tar ndaŋgje né keneŋ el ləma, seḭ a tɔlje mbal gə́ ndaji né keneŋ kára kara mee ɓee’g lə sí gə mba kunda barmba nea̰’g el ləm tɔ, mbata ma m’to Njesigənea̰, Ala lə sí ya.

Tel tura Godndu 27:15

Meeko̰ a koso dɔ dəw gə́ tɔl néndaji əsé ndil né gə́ léḛ gə́ tokə̰ji kəm Njesigənea̰’g ləm, gə́ to kula ra njegər goso kula ləm tɔ ɓa undá loo-kiya’g mba pole lé. Ndá koso-dəwje lai d’a kila dee keneŋ pana: A to togə́bè ya!

Tel tura Godndu 5:8

I a tɔl néndaji mbata ləi pai el ləm, əsé néndaji gə́ tana gə néje gə́ rara gə́ to mee dara’g əsé gin naŋg’d, əsé deḛ gə́ to dan manje gə́ to gel naŋg’d lé el ləm tɔ.

Ǝbrəje 1:6

Nɛ loo gə́ yeḛ ar ŋgondəree ree naŋg nee ndá yeḛ pana: Maji kar kuraje lə Ala gə́ dara lai d’wá meḛ dee’g.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.

1 Samel 5:3

Bèlè loo kàree lé, loo gə́ dəwje gə́ Asdod teḛ gə ndɔ rad d’aw ndá, deḛ d’oo magə-Dago̰ gə́ oso dəb kəmee naŋg no̰ sa̰duk-manrɔ’g lə Njesigənea̰. Ndá deḛ tel d’un magə-Dago̰ lé d’uree tar toree’g gogo.