Pakɔsje 97:6 - Maktub gə́ To gə Kəmee

⁶ Dara lé ila mber néreaje gə dɔ najee Ar koso-dəwje lai lé d’oo rɔnduba ləa ya.

Pakɔsje 97:6 ပူးပေါင်းရင်းမြစ်များ

2 Samel 22:47

Maji kar dɔ ri Njesigənea̰ ai səgərə ləm, Maji kar dɔ biri mbal ləm lé dəa ai səgərə ləm tɔ. Maji kula rɔnduba dɔ Ala’d gə́ to njegin kajim lé.

Pakɔsje 19:1

Pa lə Dabid gə́ ar bao-pa mba karee ɔs sə dee lé

Pakɔsje 50:6

Dara a kila mber meekarabasur ləa, Mbata Ala to njegaŋ-rəwta.

Pakɔsje 67:4

Ǝi Ala, maji kar koso-dəwje lé pidii, Maji kar koso-dəwje lai d’ɔs gajii ya.

Pakɔsje 89:2

Ndɔje kára-kára lai m’a kɔs pa Kɔr ne sor némeemajije lə Njesigənea̰, Tam a teḛ ja̰-ja̰ kar dəwje Gər ne meenda londoŋ ləi saar gə no̰ ya.

Pakɔsje 89:5

M’a kar ŋgakeaje d’isi saar gə no̰ ləm, M’a kar kalimbai ləa to njaŋg gə no̰ ləm tɔ.

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 40:5

Yen ɓa rɔnduba lə Njesigənea̰ a kila ne kɔd Ndá léegəneeya dəwje lai-lai d’a koo, Mbata Njesigənea̰ pa taree gə təa ya.

Esai 45:6

Gə mba kar dəwje gə́ d’isi loo-kuba’g lə kàr Saar teḛ dɔ deḛ gə́ d’isi loo-kuru-naŋg’g ləa lé D’a gər gao To gə́ ɓó lé ma m’godo ndá Ala kara godo tɔ. Ma m’to gə́ Njesigənea̰ Ndá yeḛ gə́ raŋg godo.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Habakuk 2:14

Mbata gər gə́ dəwje gər rɔnduba lə Njesigənea̰ lé A taa naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər bèe.

Bula lə Israɛlje 14:21

Nɛ tɔgərɔ ɓó lé m’isi kəmba ɓa rɔnduba lə Njesigənea̰ taa loo dɔ naŋg nee pəl-pəl ndá,

Matiyo 6:9

Seḭje lé maji kar ndukwɔi lə sí ɓa to nee: Bɔ síjeḛ, i gə́ sí rudu dara’g, Maji kar rii to gə kəmee ɓəd ləm,

Loo gə́ killa rea kəm Ja̰’g 19:2

mbata rəwta-gaŋg ləa to gəd ləm, to gə dɔ najee ləm tɔ. Yeḛ gaŋg rəwta ila dɔ kaiya-dené gə́ njemina̰ naŋg nee gə mɔdkaiya ləa, yeḛ dal ba̰ məs kuraje ləa gə darɔ məsee-yeḛ nja.