Pakɔsje 97:2 - Maktub gə́ To gə Kəmee

² Kil lə ndi gə loo gə́ ndul njudu-njudu lé D’aḭ dəa sub ləm, Meekarabasur gə néra gə́ gə dɔ najee lé ɓa To gə́ gin kalimbai ləa ləm tɔ.

Pakɔsje 97:2 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

Maktub gə́ wɔji dɔ Jɔb 23:14

Bèe ɓa né gə́ yeḛ wɔji-kwɔji ra mbata ləm lé a kaw lée’g béréré ləm, Yeḛ a kḛji néje gə́ raŋg bula mba ra ya ləm tɔ.

Maktub gə́ wɔji dɔ Jɔb 26:9

Yeḛ o̰ kəm naḭ gə́ ndá mbèd ləm, Yeḛ la loo-kil-lə-ndi ləa dɔ’g ləm tɔ.

Pakɔsje 77:19

Ndi ləi gə́ ndaŋg lé ɓar paḭ-paḭ dan lel-mal’g ləm, Telee gə́ yee tel lé ndogó dɔ loo gə́ naŋg nee ləma, Naŋg kara ula ne déréré-dèrèrè ya ləm tɔ.

Pakɔsje 89:14

Kag jii to kɔgərɔ-kɔgərɔ ləm, Jii ɓar mèr-mèr ləma, Jikɔli to gə́ tar ndiŋ ləm tɔ,

Pakɔsje 89:15

Ta gə́ to gə dɔ najee gə néra gə́ danasur lé ɓa gə́ gin kalimbai ləi ləm, Meemaji gə meenda londoŋ ləi lé to nɔḭ’g ya ləm tɔ.

Pakɔsje 99:4

Maji kar dee d’ila riɓar dɔ siŋgamoŋ’g Le mbai gə́ njekunda meekarabasur dan kəmee’g lé ya, Néra gə́ danasur lé I nja aree to njaŋg ləm, Meekarabasur gə néra gə́ gə dɔ najee lé kara I nja ra mbuna njé’g lə Jakob lé ləm tɔ.

Teḛ-Raga 19:9

Njesigənea̰ ula Moyis pana: Aa oo, m’a ree rɔi’g dan mum’d gə́ dəb bigim’g, mba kar dəwje d’oo ndum loo gə́ ma k’aar kwɔji səi ta ləm, gə mba kar dee d’ɔm ne mee dee dɔi’g ta-ta ləm tɔ. Ndá Moyis lé ndaji ta lə koso-dəwje lé ar Njesigənea̰ ya.

Teḛ-Raga 20:21

Koso-dəwje neelé d’aar ŋgərəŋ, nɛ Moyis rəm pər gə́ rɔ ndi gə́ ḭ ŋgwɔḭ-ŋgwɔḭ’g loo gə́ Ala si keneŋ lé.

Gosota-Kəmkàrje 16:12

Mbaije d’oo to gə́ ra némajel to né gə́ to kḛji Mbata mbɔl dɔ néra gə́ gə dɔ najee ɓa Kalimbai to ne njaŋg,

Nahum 1:3

Njesigənea̰ lé to njekar oŋg ḭ səa kalaŋ el, Yeḛ to Bao-siŋgamoŋ: Dəw gə́ njera némajel lé Yeḛ a lal kar bo̰ nérea ɔs təa’g el. Njesigənea̰ njaa dan ko̰ ndi’g ləm, Gə dan lel-mal’g ləm tɔ. Ndije gə́ pélé dara lé to kor gə́ ḭ tor gɔlee’g.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.