Pakɔsje 96:8 - Maktub gə́ To gə Kəmee

⁸ Ulaje rɔnduba dɔ ri Njesigənea̰’g! Unje nékarje lə sí reeje ne gadlooje’g ləa areeje.

Pakɔsje 96:8 ပူးပေါင်းရင်းမြစ်များ

Pakɔsje 100:4

Maji kar sí a̰dje tarəwkəije’g ləa gə pa pidije ləm, A̰dje gadlooje’g ləa gə pakɔsje ləm tɔ. Ilaje riɓar dəa’g arje dɔ ria ai səgərə.

Pakɔsje 111:9

Yeḛ ɓa ɔm koso-dəwje tar ya. Yeḛ ar ndu manrɔ ləa lé to njaŋg gə no̰. Ria lé to gə kəmee ləm, to ɓəl kədm-kədm ləm tɔ.

Pakɔsje 116:19

Mee kəi-si Njesigənea̰’g, Dan mee ɓee gə́ Jerusalem. Pidije Njesigənea̰ ya.

Pakɔsje 29:2

Ulaje rɔnduba dɔ ri Njesigənea̰’g! Néje gə́ bə̰dərə bə̰ gə́ to gə kəmee doi lé Reeje ne undaje ne barmba nea̰’g wáje ne meḛ sí’g.

Pakɔsje 45:12

Mbai undai dan kəmee’g mbata ma̰də ləi, Yeḛ lé to mbai ləi ndá maji kari ula rɔnduba dəa’g.

Pakɔsje 72:10

Mbaije gə́ Tarsis gə deḛ gə́ d’isi dɔgoré-loo’g lé D’a karee nékoga-dɔ-rɔ dee ləm, Mbaije gə́ Saba gə Seba lé D’a karee nénojije ləm tɔ.

Ejekel 46:3

Koso-dəwje gə́ mee ɓee’g d’a kunda barmba no̰ Njesigənea̰’g tarəwkəi’g neelé ndɔ-kwa-rɔje’g ləm, gə ndɔje gə́ naḭ teḛ sigi ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Njé gə́ Rɔmə 15:16

ɔrm ne am m’to ne kura lə Jeju Kristi mbuna njépole-magəje’g. Kula gə́ wɔji dɔ Tagə́maji lə Ala lé m’ra gə mba kun ne njépole-magəje gə́ Ndilmeenda ɔr dee unda dee gə kəmee mba kar dee to nékar Ala gə́ a taa kəmee rəgm.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

Njé gə́ Pilibə 4:18

Ma m’iŋga néje lai m’isi danee bèdèg ya. Némajije gə́ seḭ ulaje ne Epaproditə areeje am lé m’iŋga dee m’ar dee taa rɔm pəl-pəl ya. Néje neelé to asəna gə né gə́ ə̰də sululu ləm, asəna gə nékinjaməs gə́ baḭyee ə̰də lel Ala lé gə́ taa ne kəmee rəgm tɔ.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.