Pakɔsje 96:4 - Maktub gə́ To gə Kəmee

⁴ Mbata Njesigənea̰ lé to gə́ boo ya, Yeḛ nja ɓa askəm kiŋga pidi ləm, Yeḛ to ɓəl kədm-kədm ur dɔ magəje’g lai-lai ya ləm tɔ.

Pakɔsje 96:4 ပူးပေါင်းရင်းမြစ်များ

2 Sôrta Gḭka Israɛlje 2:4

Kəi gə́ m’a gə kunda lé a to kəi gə́ boo mbata Ala lə sí lé boo ur dɔ magəje lai ya.

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Pakɔsje 145:3

Njesigənea̰ lé to gə́ boo Gə́ kəm kiŋga pidi ləm, Boo ləa lé dum gər ya ləm tɔ.

Pakɔsje 150:2

Pideeje mbata néreaje gə́ dum dɔ loo lé ləm, Pideeje mbata boi ləa al dɔ loo sula ləm tɔ.

Pakɔsje 18:3

Njesigənea̰, i to kɔr mbal ləm ləm, Gə kəi-kaar-kɔgərɔ ləm ləma, Gə njetaa dɔm ləm tɔ! Ala ləm, i to kɔr mbal ləm gə́ to loo-kula-dɔm ləm ya. I to dər-rɔ ləm ləm, Gə siŋgam gə́ m’aji ne ləma, Gə loo ləm gə́ to tar sab lé ləm tɔ.

Pakɔsje 48:1

Pakɔs lə Koréje

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Pakɔsje 66:5

Gə́ reeje, aaje néraje lə Ala ooje! Loo gə́ yeḛ ra né ar dəwje ndá Yeḛ to ɓəl kədm-kədm.

Pakɔsje 76:7

Loo gə́ i Ala lə Jakob lé tɔji dee jii ndá Njérɔ gə kundaje gə kundaje lə dee na̰’d deḛ toɓi ndələŋ.

Pakɔsje 86:10

Mbata i lé boo yaa̰ ləm, I ra néje gə́ dumkoo ləma, I nja ɓa to Ala kára ba kiao lé ləm tɔ.

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Pakɔsje 95:3

Mbata Njesigənea̰ lé to Ala gə́ boo dum dɔ loo ya ləm, Yeḛ to mbai gə́ boi gə́ ur dɔ magəje’g lai-lai dɔ naŋg nee ya ləm tɔ.

Teḛ-Raga 18:11

Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Lugu 12:5

M’a tɔji sí yeḛ gə́ kəm kar sí ɓəleeje ya. Yeḛ gə́ tɔl sí ɓa siŋga as mba kɔm sí dan pər gehene’g lé ɓəi maji kar sí ɓəleeje ya. Oiyo, ma m’ula sí təsərə, yeḛ nja ɓa kəm kar sí ɓəleeje ya.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.

1 Samel 4:8

Meeko̰ oso dɔ sí’g ya! See na̰ ɓa a taa sí ji magəje gə́ njésiŋgamoŋje’g nee wa. To magəje gə́ nee ɓa kunda njé gə́ Ejiptə lai gə yoo-kosoje gə́ gə ri dee ri dee dɔdilaloo’g lé ya.