Pakɔsje 96:2 - Maktub gə́ To gə Kəmee

² Ɔsje pa arje Njesigənea̰ Arje ria ɓar ne ləm, Ilaje ne mbər ta kaji ləa gə ndɔ sí ndɔ sí ləm tɔ.

Pakɔsje 96:2 ပူးပေါင်းရင်းမြစ်များ

1 Sôrta Gḭka-Israɛlje 29:20

Dabid ula koso-dəwje lai pana: Pidije Njesigənea̰, Ala lə sí. Ndá koso-dəwje lai lé pidi Njesigənea̰, Ala lə bɔ deeje-je ya tɔ. Tɔɓəi deḛ d’unda barmba dəb kəm dee naŋg no̰ Njesigənea̰’g ləm, gə no̰ mbai’g ləm tɔ.

Pakɔsje 103:20

Seḭ kuraje ləa gə́ dara gə́ siŋga sí to kɔgərɔ-kɔgərɔ ləm, Seḭ gə́ raje torndiaje Ilaje ne koji dɔ tapea’g ləm tɔ lé Undaje no̰ dɔkaisəgərə lə Njesigənea̰.

Pakɔsje 145:1

Pakɔs pidi lə Dabid. Ǝi Ala ləm, i gə́ to mbai ləm lé, M’a kula rɔnduba dɔi’g ləm, M’a kar dɔ rii ai səgərə ta-ta saar gə no̰ ya ləm tɔ.

Pakɔsje 145:10

Ǝi Njesigənea̰, néraje ləi lai lé d’a kɔs ne gajii ləm, Majikojije ləi kara d’a kunda no̰ dɔkaisəgərə ləi ya ləm tɔ.

Pakɔsje 145:2

M’a kar dɔi ai səgərə gə ndɔm-ndɔm ləm, M’a kunda no̰ rii gə ndɔm-ndɔm saar gə no̰ ya ləm tɔ.

Pakɔsje 40:10

Ma m’ila mber meekarabasur lé loo-mbo̰-dɔ-na̰ gə́ boo lə koso-dəwje, Aa oo, tam kara m’ndèm na̰’d el nja ɓəi, I Njesigənea̰ lé i gər gao ya tɔ.

Pakɔsje 71:15

Tam a teḛ kila mber meekarabasur ləi gə ta kaji ləi lé gə ndɔje kára-kára lai ya Mbata deḛ bula yaa̰ dum tura.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Mark 16:15

Tɔɓəi yeḛ ula dee pana, awje gə loo-loo dɔ naŋg nee ilaje mber tagə́maji lé arje dəw-kundaje lə Ala lé lai.

Néra Njékaḭkulaje 13:26

Ŋgakɔmje gə́ dəwje gə́ toje ŋgaka Abrakam ləm, gə seḭ gə́ ɓəlje Ala lé ləm tɔ lé ta kaji neelé d’ula ne d’ar sí-seḭ ya.

Njé gə́ Epesə 1:3

Maji kar dɔ Ala Bɔ Mbaidɔmbaije lə sí Jeju Kristi lé ai səgərə, mbɔl dɔ Kristi ɓa yeḛ tɔr ne ndia dɔ sí’g ar sí j’isi ne gə nénojije ɓəd-ɓəd gə́ ka̰ Ndil lé mee dara’g.

Loo gə́ killa rea kəm Ja̰’g 5:13

Nékundaje lə Ala gə́ gə ri dee ri dee mbuna dara’g ləm, gə dɔ naŋg nee ləm, gə gin naŋg’d ləm, gə dan baa-boo-kad’g ləma, gə néje gə́ gə ria-ria gə́ to keneŋ ləm tɔ lé ma m’oo ndu dee ɓar pana: Yeḛ gə́ si kalimbai’g ləm, Gə Ŋgonbad ləm tɔ lé Maji kar dɔ ri dee ai səgərə-səgərə ləm, Maji kar ta pidi gə riɓar gə rɔnduba gə siŋgamoŋ To ka̰ dee gə ləb dee ləb dee saar gə no̰.