Pakɔsje 94:8 - Maktub gə́ To gə Kəmee

⁸ Seḭ dəwje gə́ njégərnéelje lé Undaje kəmkàr dɔ rɔ sí’g, Seḭ mbə-dəwje lé kara See ndɔ gə́ ra ɓa kəm sí a kàr ɓəi wa.

Pakɔsje 94:8 ပူးပေါင်းရင်းမြစ်များ

Pakɔsje 49:10

D’a si gə no̰ dee el ləm, D’a kaskəm kiya rɔ dee lal koo bwa-dɔɓar lé godo ləm tɔ.

Pakɔsje 73:22

M’oo to gə́ m’to mbə-dəw gə́ m’lal gosonégər ya. M’to asəna gə da bèe kəmi’g.

Pakɔsje 92:6

Ǝi Njesigənea̰, néraije lé boo, al dɔ loo sula ya ləm, Takə̰jije ləi kara uru yaa̰ ya ləm tɔ.

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Gosota-Kəmkàrje 12:1

Yeḛ gə́ ndigi kar dee d’wɔjee kəmkàr lé Ndigi gər gin né ya, Nɛ yeḛ gə́ ə̰ji ta gə́ pa səa bəḭ-bəḭ lé Yeḛ gər né el.

Gosota-Kəmkàrje 8:5

Seḭ gə́ gərje né el lé Maji kar sí ndooje loo-kɔrkəmné, Seḭ mbəje lé Maji kar sí ndooje gosonégər tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Njé gə́ Rɔmə 3:11

Njekəmkàr kára kara godo ləma, Dəw gə́ saŋg Ala kára kara godo ləm tɔ. Deḛ lai ndəm d’ila rima-rima ya.

Tel tura Godndu 32:29

Ɓó lé deḛ to njékəmkàrje ndá Aa oo, né gə́ d’a gər ɓa nee: D’a kḛji dɔ né gə́ a gə teḛ dɔ dee’g ya.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.